هام جدا : مسابقة لأعضاء المنتدى لتصميم فيديوهات شأنها الحصول

أعلنت شركة أحلى منتدى "الحاملة لسيرفر المنتدى " مؤخرا عن مسابقة للفوز
بإعتمادات أو نقاط تضاف للمنتديات التى تفوز بالمسابقة مباشرة
من خلال الإشتراك بفيديوهات لكيفية إنشاء منتدى مجانى
بهذه الشركة وهذا نص المسابقة نقلا عن مدير الفرع العربى للشركة

اقتباس :: السلام عليكم

لتشجيع دوي المهارة و الخبرة من اعضائنا و حثهم على صقل مهاراتهم الفنية, قررت شركة احلى منتدى, و بعد النجاح الكبير الذي لاقته مسابقة أفضل فنان للنسخة الجديدة InVision إجراء مسابقة جديدة لأفضل فيديو دعائي لموقع أحلى منتدى.

موضوع المسابقة:

الموضوع الذي يجب ان يتمحور حوله الشريط الدعائي هو التالي:

<blockquote>Ahlamontada.com - أفضل موقع إنشاء منتديات عربية مجانية كاملة التشخيص و عالية الجودة.

</blockquote>

ما هي شروط و قوانين المسابقة؟

الشروط بسيطة, المسابقة مفتوحة امام كل اعضاء عائلة احلى منتدى اللذين تتملكهم روح الإبداع الفني و يتربصون الشهرة و الشموخ و الإعتراف بعملهم رسمياً. إن كنت تعتقد أنك هذا الشخص, قم بانشاء مقطع فيديو دعائي لأحلى منتدى لا يتجاوز دقيقة و نصف (1min30) يمكن للجميع ان يتعرف فيه على اسم موقع Ahlamontada.com و قم بتحميلها على احد مواقع مشاطرة الفيديوهات المشهورة : Youtube و Dailymotion و MYSPACE و كليبات مكتوب و VIDEOHAT MASRAWY. تم بعد التحميل تنسخ رابط الفيديو و تضعه هنا في الدعم في الموضوع الموحد للمسابقة للمعاينة.

هام جداً: عند تحميلك للمقطع على موقع مشاطرة الفيديوهات, من الضروري ان تختار للمقطع أحد الأسماء التالية كعنوان:

<blockquote>
الحصول على منتدى
الحصول على منتدى مجاني
منتدى مجاني
انشاء منتدى مجاني

</blockquote>

ماذا أضع كمحتوى في هذا الفيديو الدعائي؟

ليس هناك حصر لما يمكنك ان تضعه فيه. انت حر, الشريط يمكنه ان يكون ترفيهي, او تعليمي او إعلامي او خيالي أو يتحدث عن الصداقة او...الخ. المهم هو التميز و ايجاد الفكرة التي ستفرق بينك و بين باقي المتنافسين لتحصل على رتبة التميز.
ملاحظة هامة جداً:
لا تقبل بتاتا المقاطع التي تدعو الى الحقد أو الكراهية او العنصرية او المضادة للشعوب او الديانات او الثقافات او القاذفة او الجارحة او التي تظهر صور اشخاص دون إذن مكتوب منهم...الخ. وعلى العموم تمنع كل المقاطع المخالفة لشروط الإستعمال العامة لأحلى منتدى

أين أضع رابط الفيديو عندما احمله على اليوتيوب او الدايليموشن؟

تضعه في الموضوع الموحد للمسابقة الخاص بتتبع ابداعات الأعضاء لهذه المسابقة كي يطلع عليه الجميع و يحتسب لك.

ما هي مدة المسابقة؟

المسابقة تدوم ان شاء الله شهرين انطلاقاً من تاريخ نشر هذا الإعلان. أي إلى غاية يوم الأحد 19 أبريل 2009.

كيف يتم التنقيط؟

بعد انتهاء المسابقة, تقوم احلى منتدى بانتقاء افضل 10 مقاطع دعائية, و تضع تصويتاً عاما يشترك فيه جميع الأعضاء ليصوتو لإنتقاء افضل 3 مقاطع اشهارية اعجبتهم و يكون الثلاتة هم الفائزون الكبار.

الجائزة للفائزين الثلاتة:

الفائز الأول: 5000 اعتماد منقول3

الثاني: 3000 اعتماد
الثالت: 1500 اعتماد

تضاف مباشرة على منتدياتهم الشخصية.

وهذه أمثله لفيديوهات بعض المتنافسين

https://www.youtube.com/watch?v=blzdmp3sT-k&feature=related

https://www.youtube.com/watch?v=NY9hXcW4jbU

https://www.youtube.com/watch?v=aW7Z9MAZIZg

https://www.youtube.com/watch?v=wcrC5FMCh10

طبعا لازم وحتما تضعوا الحقوق لمنتدانا فى المقطع بتاعكم
زى رابط المنتدى وإسم المنتدى
ويا ريت الفيديوهات تبعتوهالى على الخاص
واللى ميقدرش يرفع الفيديو على أحد مواقع
الفيديوهات ممكن يبعت الفيديو كده بعد ميرفعه
فقط على أى موقع رفع وسنتكفل نحن بالباقى

أخيرا الفائده من إشتراكك فى المسابقة

1/إسهامك فى الإرتقاء بمنتدى الكلية اللى أكيد هيزداد التطوير فيه بعد ما نفوز
بالنقط اللى ممكن تخلينا نشترى دومين بالكامل للمنتدى وممكن تخلينا
نحذف إعلانات جوجل ونشترى مساحة للصور وحاجات كتيره
تانية ممكن تفيد المنتدى من خلال الفوز ده.

2/إن شاء الله اللى مقطعه هيفوز بالمركز الأول هيحصل منى شخصيا

على مبلغ وقدرة 100 جنيه مصرى

واللى هيفوز بالمركز الثانى هياخد 75 جنية مصرى

والل هيفوز بالمركز الثالث 50 جنية مصرى

3/ اللى هيفوز بأكثر من مركز هياخد قيمة الجائزتين ولو فاز بالتلاته برضو
هياخد التلات جوايز يعنى العملية حسابية منطقية من الدرجة
الأول وأتمنى إننا نفوز بالنقاط دى وأنتوا تفوزوا بالفلوس إن شاء الله
نظير مجهوداتكم التى لا تقدر بثمن أكيد

أخيرا أى إستفسار أو سؤال هبقى متواجد معاكم إن شاء الله
أو ممكن تبلغوا PRINCESS المشرف العام
من خلال الرسايل الخاصه واللى عاوز يستفسر
من الأخوه المهندسات ممكن يقابل أميره فى الكلية
لو مفهمش الموضوع أو حابب يبقى التسليم يدا بيد

وخللى بالكم أخر ميعاد بالنسبالنا إحنا هو 15/4
إن شاء الله يعنى لسه قدامكم الفرضة كبيرة وممكن
تشاركوا بكذا فيديو وبكل الأفكار اللى تحبوها
والتى تترائى لكم
وبعد الفوز إن شاء الله "لو تم يعنى"
سيتم تسليم الجوائز أو الجائز بأسرع وقت ممكن
بعد الإتفاق مع الأطراف الفائزه.

ويكفينا شرف المحاولة ورؤية نواياكم الحسنة وهممكم التى لن تكل أبدا
للإرتقاء بالمنتدى

والله الموفق

الحبار

مدير عام المنتدى

دي فرصة جميييييلة جدا
اننا نعبر عن انتمائنا لمنتدى كليتنا بأفعال حقيقية
والفيديوهات اللي متقدمة في المسابقة
نقدر نتنافس معاهم عادي
وان شاء الله حنتعاون كلنا وحنحاول نطور من اي فيديو يتعمل
عشان نوصل لأحسن حاجة
ونقدر نفوووووووز
بيضحك 3

وانا أول واحدة مشتركة في الموضوع ده
رغم اني مش محترفة في صنع الفيديوهات
بس ان شاء الله ححاول علي اد ما اقدر اني اطلع حاجة كويسة
واطورها عشان تستحق الفوز ان شاء الله

ياجماعه .... كلام حلو أوي ... بس أنا لسه في نقطه مش عارفها

الفيديو المفروض انه يتكلم عننا .... صح

يعني المفروض اني مثلا انزل هندسة اسوان وأخد صور ولا اعمل ايه ....

لأني ممكن أعمل فيديو .... بس

1) هعمله علي قدي ... (مستوايا متواضع , أنما ممكن أحاول )

2) أكيد محتاج صور .... ولا أحط صور من عندي ... وأكتفي بصوره للمنتدي في نص الكليب

منذهل

و الله دى حاجة كويسة جدا

مع انى مليش فى حوار الفيديوهات ده

بس انا مشارك معاكوا بتشجيعى ان شاء الله

و ربنا يوفقكوا كلكوا ان شاء الله

eng_ghost كتب:: ياجماعه .... كلام حلو أوي ... بس أنا لسه في نقطه مش عارفها

الفيديو المفروض انه يتكلم عننا .... صح

يعني المفروض اني مثلا انزل هندسة اسوان وأخد صور ولا اعمل ايه ....

لأني ممكن أعمل فيديو .... بس

1) هعمله علي قدي ... (مستوايا متواضع , أنما ممكن أحاول )

2) أكيد محتاج صور .... ولا أحط صور من عندي ... وأكتفي بصوره للمنتدي في نص الكليب

لا با شمهندس إسماعيل إحنا مش بنلعن عن نفسنا لأ

إحنا بنعلن عن شركة أحلى منتدى اللى إحنا واخدين منها إستضافه بمعنى إننا

بنعرض مزاياها وممكن طريقة الإشتراك والحصول على منتدى من خلالها وكل

حاجه عنها وممكن تشوف إمكانيتها وإمكانيات المنتديات اللى بتتاخد من خلالها من خلال

الرابط ده منتدى مجاني

وبعد ما تخلص تصميم الفيديو بناءا على اللى أنا ذكرته ده تحط فى الآخر إسم منتدانا واسمك
والرابط بتاعنا عشان نضمن حقنا فى الفيديو ويبقى واضح إنه بتاعنا وممكن تعمل كذا فكرة
وكذا فيديو زى ما تحب ولو تعرف حد كفاءه ممكن تعرض عليه الفكرة وتشتركوا أو يعمل
هوه والجوائز مستمرة لأى حد فى أى مكان فى العالم إن شاء الله.

وممكن تراجع الفديوهات الأمثله اللى أنا حاططها

والله الموفق

فكرة ممتازة

بس انا محتاج مساعدة فى برنامج اسمة Final Cut Pro 6 ودة احسن برنامج منتاج
بس للاسف مش عارف انزلة من النت او بمعنى ادق مش لاقية هوة موجود لMaCبكثرة بس لWINDOWS مش لاقية

شكرا لمساهمتك ومشاركتك الفعاله يا بشمهندس أسامه بس أنا دورت مبدأيا على
البرنامج اللى ذكرته فوجدت فعلا إنه بيشتغل على الماك وبعض المواقع ذكرت أنه
بيشتغل على الماك فقط وليس الويندوز والحجوم اللى موجود بيها البرنامج كبيره
جدا من ربع جيجا وأنت طالع والله أعلم.
لذلك لو حد يقدر يجيب البرنامج فيتفضل وشكرا على مبادرتك مره تانيه وعلى فكره
فيه برامج كتير تانى كويسه يا بشمهندس أسامه.

والله الموفق

1- ما هو برنامج FINAL CUT ؟ وما هي فائدته ؟

2- هل هو مجاني أم موجودة في حزمة خاصة ؟

3- هل إستخدامه إحترافي أم عادي ؟

4- هل العمل به في البداية سهل أم يجب عليك تعلم برمجيات أخرى ؟

5- هل لهذا البرنامج مميزات خاصة أم أنه يركب على أي جهاز (مثلاً جهازي الذي سأقتنيه MacBook ذو المعالج 2.16 ؟

6- هل iMovie شبيه ببرنامج Windows Movie Maker ؟؟

7- هل بإمكاني تصميم قالب خاص بي ؟

===========================

1- ما هو برنامج FINAL CUT ؟ وما هي فائدته ؟

برنامج Final Cut هو اسم لمجموعة من البرامج هي:

Final Cut Pro 6
Final Cut Studio 2
Final Cut Express

وقبل صدور نسخة الـ Final Cut .. كان اسمه KeyGrip وهي النسخة الأولى ..
Final Cut هو برنامج احترافي لعمل المونتاج والمكساج للفيديو .. بخاصية non-linear من الشركة Apple وطبعا .. البرامج يستخدم في هوليوود .. بكثرة ..
لأنه يدعم جميع الصيغ وموجه لجميع الصيغ .. الاختلاف في كيفية التحكم بها بداخل البرنامج
لأن Final Cut مبني على أساس Quick Time Codecks

فهو يدعم :

SD
HDV
HD
DV
Panasonic P2
Sony
XDCAM
IMAX

ويندرج تحتها ..

AVI
Divx

وحتى rm يمكن للـ Final Cut .. تحريره ..

والجميل أنه يتعامل من جميع الصيغ بأكبر وضوح ممكن عن طريق عمل الـ Rendering
الفكرة التي أريد إيصالها لك عزيزي .. هي أن ملفات AVI و DivX غالباً هي ملفات تم ضغطها وتقليل الجودة
قدر الإمكان .. ستصلح للعرض على الكمبيوتر لكن لن تصلح إطلاقاً للعرض على التلفاز ..
لذا فإنك عندما تريد تحويل تلك الملفات إلى DVD فلن يكون بالجودة التي كنت تتوقعها .. لأنهم ببساطة سكبوا الماء من الأصل ولن تستطيع إرجاعه .. أي لن تستطيع إرجاع الجودة ..

وصحيح أن الصيغ المذكورة تم تخفيف جودتها .. ولكن مع الـ Final Cut .. انحلت المشكلة
يمكن للـ Final Cut .. تحرير الصيغ .. ومعالجتها .. وإعادة الجودة لها باستخدام تقنية Tone Cleaning من ثم .. تقدر تنسخها على DVD وانت مرتاح
وتعمل النسخة الجديدة من Final Cut .. 6 على minimum G4/1.25Ghz بروسيسر
وناهيك عن الفيديو .. يستطيع الـ Final Cut أن يحرر 99 مستوى صوتي .. بجميع الصيغ
ويتميز بخاصية multi-cam editing

ويتميز بقدرته على تعديل الألوان في الفيديو .. والتعامل مع RGB .. و YUV بطلاقة
وأهم شي .. خاصية DynamicRT .. أي مشاهدة أكبر وضوح للفيدو خلال التقطيع .. بدون مشاكل
كما يستطيع الـ Final Cut .. دمج .. أكثر عن صيغة للفيديو في نفس الملف الحالي .. مدهش

2- هل هو مجاني أم موجودة في حزمة خاصة ؟

لا .. Final Cut يدخل ضمن حزمة Final Cut Studio 2 ويمكنك شراءه لوحده إن أحببت ..

الفرق بين Final Cut Pro و Final Cut Express
أن Final Cut Express لا يحتوي على الأدوات الاحترافية في الـ Final Cut Pro
لذا هو أرخص بالسعر ..

3- هل إستخدامه إحترافي أم عادي ؟

يستخدمه 376 مخرج في هوليوود .. حسب آخر احصائية راجع موقع هوليوود دوت كوم

4- هل العمل به في البداية سهل أم يجب عليك تعلم برمجيات أخرى ؟

يحتوي الـ Final Cut على دروس تعليمية بداخل الـ Help يمكنك تعلمه بسرعة ..
انصحك بمتابعة دروس Larry Jordan إذا كنت مبتدأ راجع موقع lynda.com

5- هل لهذا البرنامج مميزات خاصة أم أنه يركب على أي جهاز (مثلاً جهازي الذي سأقتنيه MacBook ذو المعالج 2.16 ؟

بالنسبة للـ Final Cut Studio .. فهو موجه للمحترفين بالدرجة الأولى ..
ويعمل على هذه الأجهزة فقط:
iMac 17 (إبتداءً من النموذج الثاني الذي يأتي بكارد جرافيكس)
MacBook Pro
Mac Pro
ولن يعمل على أجهزة MacBook & Mac mini ..
لأنهما لايحتويان على كارد جرافيكس ..

6- هل iMovie شبيه ببرنامج Windows Movie Maker ؟؟

هو نسخة مبسطة كثيراً عن الـ Final Cut في بعض جوانبه .. لذا فهو سهل لدرجة لو أي شخص ماعنده فكره عن المونتاج الرقمي راح يتعلم تلك الأساسيات التي تؤهله (وأضع خطين تحت تؤهله) لاستخدام البرامج المتوسطة وصولا للاحترافية ..

الـ iMovie برنامج يختلف مليون بالمية عن الـ Final Cut من جميع الجوانب ..
فالـ iMovie برنامج للمبتدءين ليس فيه أي شي احترافي .. وليس به مؤهلات كثيرة
ولا يمكن مقارنته بالـ Final Cut

7- هل بإمكاني تصميم قالب خاص بي ؟

ماذا تقصد بالقوالب ؟ هل تقصد الثيمات الخاصة بعد إنتاج الفيديو ؟
نعم هي كذلك .. وهي مخصصة لعمل مقدمة الفيلم في الغالب .. به من القوالب ما يجعل فيلمك مدلع !!
تقنياً .. ممكن لكن تحتاج لخبرة حول كيفية صنع مثل هذه القوالب وكيفية وضعها في المكان المناسب
وهنا ستجد صعوبة كبيرة في ذلك .. مالم يأتي إصدار مستقبلي يتيح لنا ذلك بسهولة ..

استخدم برنامج Motion 2 ... واستمتع بالقوالب السهلة التصميم
وايضا يتعامل Motion 2 .. مع القوالب الجاهزة .. ويوفر الكثير من الامكانيات الفذة ..

http://www.apple.com/finalcutstudio/.../whatsnew.html

يمكنك شراء قوالب .. ولكن ما أنصحك .. القوالب موجودة بالـ Motion 2 .. ويمكنك تصميميها بنفسك وباحتراف

===========================

الخاصية الجديدة في فاينل كت 6 ..

القدرة على التحكم في دقة كل فريم .. سواء كان بال أو ان تي اس سي ..

والمسمى تحت Tone Cleaning .. حيث تستخدم Motion tab لتدقيق كل فريم .. بزيادة عدد الخطوط العرضية والطولية أو خطوط الـ Interlacing

http://www.apple.com/finalcutstudio/.../whatsnew.html

كما يستطيع الـ Final Cut .. دمج .. أكثر عن صيغة للفيديو في نفس الملف الحالي .. مدهش
وهذه معلومة للتاكيد من موقع أبل ..

Open format Timeline

The new open format Timeline in Final Cut Pro 6 lets you mix and match source material in a wide range of formats and even different frame rates. Freely edit a combination of HD and SD, including NTSC and PAL, all in real time.

شاهد الفيديو بنفسك

http://www.apple.com/finalcutstudio/...formattimeline

وايضا يتعامل Motion 2 .. مع القوالب الجاهزة .. ويوفر الكثير من الامكانيات الفذة ..

http://www.apple.com/finalcutstudio/.../whatsnew.html

شكرا ليك على المعلومات الجميلة دى وللاسف البرنامج لماك بس تقريبا بس انا شفت شغل مونتاج بية مع اجانب ودخل دماغى .............

عموما المنافسين ال شفت فيديوهاتهم على اليوتيوب احلى حاجة فى فيديوهاتهم انها دقيقة ونص بس
الحمد لله
مفيش خيال خالص
يعنى ممكن نعمل اعلان
احل لحظة هى كذا
احل فرحة ... كذا
احلى دمعة .... كذا
احلى ضحكة
بعد كدة ننزل باحلى منتدى
(كذا د ممكن تكون صورة او جملة او لقطة من فلم )

دى مجرد فكرة عشان تكون بداية لورشة عمل

وانا معايا مجموعه جميله جدا من
SOUNDTRACKS
احلى مايكون بجد
ممكن اشترك بيها
ويبقى فكره جميله لو عملنا ورشه عمل
كل واحد بفكره
ممكن يبقى حاجه كويسه جدا

مبادرة رائعه منكم يا بشمهندسين ويا رب تثمر عن ناتج نقدر نكسب بيه إن شاء الله
ويا ريت الفيديو زى ما ذكرت يكون إعلان عن الشركه المضيفة وإمكانياتها ومزايها
وكل حاجه عنها وفى الآخر نحط حقوقنا زى اسم المنتدى والرابط بتاعه وممكن اسم
اللى نفذ.

والله الموفق

osama jaber كتب:: شكرا ليك على المعلومات الجميلة دى وللاسف البرنامج لماك بس تقريبا بس انا شفت شغل مونتاج بية مع اجانب ودخل دماغى .............

عموما المنافسين ال شفت فيديوهاتهم على اليوتيوب احلى حاجة فى فيديوهاتهم انها دقيقة ونص بس
الحمد لله
مفيش خيال خالص
يعنى ممكن نعمل اعلان
احل لحظة هى كذا
احل فرحة ... كذا
احلى دمعة .... كذا
احلى ضحكة
بعد كدة ننزل باحلى منتدى
(كذا د ممكن تكون صورة او جملة او لقطة من فلم )

فكرة راااااائعة وممكن نجرب نعملها ونطور منها
بس كنت عايزة اقول ان شرط من شروط المسابقة ان الفيديو ما يزيدش عن دقيقة ونص

وربنا يوفقنا ونقدر نعمل حاجة كويسة

انشاء الله حشترك معاكم و باذن الله الفيديو يكون خلصان قبل نهايه الاسبوع القادم باذن الله تعالى للمشاوره و ابداء الرأى و عمل التغييرات اللازمه و انشاء الله الفيديو حيتعمل بالفلاش و حيتحول لكل الامتدادات المطلوبه

mammad كتب:: انشاء الله حشترك معاكم و باذن الله الفيديو يكون خلصان قبل نهايه الاسبوع القادم باذن الله تعالى للمشاوره و ابداء الرأى و عمل التغييرات اللازمه و انشاء الله الفيديو حيتعمل بالفلاش و حيتحول لكل الامتدادات المطلوبه

هاااااااااااااااااايل

ربنا يوفقكم ... وبالنسبالي ,

Pudently

معلش بس أنا لسه مخلص أمتحاناتي أمبارح

فلو لحقت أعمل حاجه و أخلصها , بأذن الله هرفعها

و أبقي أوريهالكم ...

lol!

mammad كتب:: انشاء الله حشترك معاكم و باذن الله الفيديو يكون خلصان قبل نهايه الاسبوع القادم باذن الله تعالى للمشاوره و ابداء الرأى و عمل التغييرات اللازمه و ان شاء الله الفيديو حيتعمل بالفلاش و حيتحول لكل الامتدادات المطلوبه

شكرا شكرا شكرا
وان شاء الله يطلع أحسن شغل
ونكســـــــب cheers

مفيش جديد ياشباب
انا شايف ان الناس بدات تنسى الموضوع ده

طيب eng_ghost موجود في أسوان لمدة يومين هايسافر يوم الجمعة علي ما أتذكر ليه مانتقابلش كلنا يوم الخميس مثلا في الكلية في ميعاد محدد نقعد مع بعض كلنا ونعمل سيناريو اعلان
أتمني ان يوم الخميس (غدا) يوم مناسب للجميع .
لو كل واحد شارك بفكره وعملنا سيناريو كويس ممكن بعد كده مجموعة أصغر تتولي التنفيذ .

amir كتب:: طيب eng_ghost موجود في أسوان لمدة يومين هايسافر يوم الجمعة علي ما أتذكر ليه مانتقابلش كلنا يوم الخميس مثلا في الكلية في ميعاد محدد نقعد مع بعض كلنا ونعمل سيناريو اعلان
أتمني ان يوم الخميس (غدا) يوم مناسب للجميع .
لو كل واحد شارك بفكره وعملنا سيناريو كويس ممكن بعد كده مجموعة أصغر تتولي التنفيذ .

شكرا لتواصلك وإهتمامك يا بشمهندس أمير بس أنا للأسف اليومين دول فى البلد ومش هاجى غير على الجمعه
إن شاء الله أو السبت فلو أمكن تجتمعوا أنتوا وتظبطوا مع بعضكم يبقى تمام ولو ينفع تستنوا للأحد يبقى خير
وبركه وإن شاء الله ليا لقاء معاك يا أمير لما أوصل وإن شاء الله ربنا يوفقنا جميعا وشكرا لكل اللى متابعينا
واللى يهمهم أمر هذا المنتدى وبيشجعوه.

والله الموفق

الحبار كتب:: شكرا لتواصلك وإهتمامك يا بشمهندس أمير بس أنا للأسف اليومين دول فى البلد ومش هاجى غير على الجمعه
إن شاء الله أو السبت فلو أمكن تجتمعوا أنتوا وتظبطوا مع بعضكم يبقى تمام ولو ينفع تستنوا للأحد يبقى خير
وبركه وإن شاء الله ليا لقاء معاك يا أمير لما أوصل وإن شاء الله ربنا يوفقنا جميعا وشكرا لكل اللى متابعينا
واللى يهمهم أمر هذا المنتدى وبيشجعوه.

والله الموفق

ياسلام ........ ياجماعه مافيش أي مشكله

أنا بعون الله هنزل الكليه بكره ... ومعايا الكليبات .... واللي هلاقيه في الكليه من المنتدي وعايز يشارك معانا

مافيش مشكله .... ولما ينزل الأخ هاني ...... برضوا نبقي عملنا خطوه .... ونكمل عليها بدل مانبتدي من الصفر

و أن شاء الله .... هكون في الكليه .... بعد الظهر و اللي عايز يقابلنا هنكون في المدرج , أي واحد في الدور الأول

والموضوع ده ..... مش إلزامي لحد

اللي عايز يشارك معانا .... أن شاء الله بكلمة , أهلا وسهلا بيه , وأن ماشلتوش الأرض نشيله في عنينا

و اللي فيه الخير يقدمه ربنا

دعواتكم ,,,, وشكر وتقدير لكل من يهتم بأمر المنتدي

والله المستعان ونسأله التوفيق

وفقكم الله

تماااااااااام .. لو مخي اشتغل ولاقيت اي افكار
هحضر اجتماع الفنانين ده بيضحك 3

وهحاول اجرب النهاردة واشوف مستوايا فين في تصميم الفيديوهات pirat

PRINCESS كتب:: تماااااااااام .. لو مخي اشتغل ولاقيت اي افكار
هحضر اجتماع الفنانين ده
وهحاول اجرب النهاردة واشوف مستوايا فين في تصميم الفيديوهات

عموما , ياستي أقدر أقول أنه تم بحمد الله وتعالي ....

وكان بجد أجتماع ( ورشة عمل ) .... نقدر نقول أنها خطوه .... وربنا يسهل عالباقي

و تم خلال الورشه الأطلاع علي عدد من الفيديوهات و الخروج بعدد من الملاحظات

و التي ستساعد بشكل كبير جدا , عند عمل أي ورشة عمل ثانيه ....

و لكل من يريد أن يساهم بعمل الفيديو .... ستساعدك هذه الملاحظات التاليه والتي خرجنا بها بعد ورشة العمل :

1- حاول أن يحتوي الأعلان علي شرح , سواء عن كيفيه عمل المنتدي المجاني أو أنواعه أو حتي عن المدونات

حيث أنم موقع أحلي منتدي من الممكن أنشاء مدونات مجانيه عليه أيضا , وحاول ألا تسرف ( تزود )

من الشرح , حتي لا يتحول الأعلان إلي فيلم تعليمي عن كيفية أنشاء منتدي , ولمراعاة

أختلاف مستويات الفكر والثقافه لدي المشاهدين

2- حاول أن تحافظ علي عنصر التشويق في الأعلان , وده ممكن بأي طريقه ... زي

*) الموسيقي ... حاول أنها تكون لا تحتوي علي كلام كتير

( لأنها صعبه شويه أنك تلاقي أغنيه كلمتها تناسب أعلان ) , ويفضل أنها تكون موسيقي ريمكس ... عشان تشد وتحذب الأنتباه

*)اللغه ... قدامك أختيارين

- عاميه .... ودي ممكن عشان أنت بتخاطب سن من الشباب , فينجذبوا أكتر لللغه الدارجه

- عربيه ( بس مش فصحي أوي ) ... وده لأن الأعلان مش لمن داخل مصر فقط , الأعلان ده المفروض

أن أي عربي لو شافه يفهمه .... وبرضوا للحفاظ علي جديه الأعلان ومظهره

- حاول أنك تستخدم جرافيك في الأعلان ... بأي صوره , بحيث يبقي أكتر من مجرد أغنيه شغاله مع صور بتتعرض

##) أخيرا .....

الأعلان ده أنت ليك الأختيار أنك تساهم فيه معانا أو لأ .... بس أقل مكسب من العمليه دي

أنك علي المستوي الشخصي , هتتعرض وتحتك بتجربه ( أنك تقدر تعمل كليبك الخاص ) ودي تجربه

من وجهة نظري ... علي الأقل تستحق التجربه و المحاوله

*) ولو حاولت ومالقتش فكره جديده أو لقيت أن الفكره غيرك أتستخدمها ... أفتكر دايما

أن ساعات كتيير أو الأغنيه نفسها ممكن ما تنجحش أنما اللي ينجح ( الريمكس بتاعها )

.... ودي كانت نتايج أول ورشة عمل , وأمل من الله أن ورشة العمل التانيه ... بحضورالحبار ان شاء الله

تعدي ... وتكمل اللي احنا وصلناله في ورشة العمل الأولي

ملحوظه : الكليبات تم تحميلها من اليوتيوب , وهي مع البشمهندس terminator

مره تانيه ,,,, أتمنالكم التوفيق .... والله المستعان ونسأله الأخلاص

شكر وتقدير

.... لكل من شارك معايا في ورشة العمل وهم كالتالي ...

- سيف الأسلام

- eng_godzela

-MIDO

-terminator

- amir ( واللي كان تعبان , ومقدرش ياجي اللكليه , ورحتله البيت وكملنا شغل ... )

شكر وتقدير خاص .. لهم ولكل من ساهم معنا في ورشة العمل ...

وفقكم الله

ربنا يوفقكم يا جماعة
وان شاء الله تصمموا أحسن فيديو ونفوز بالمركز الاول
وبما أني انا ملياش في تصميم الفيديوهات وشغل الجرافيك فلا أستطيع سوي أن أدعو لكم بالتوفيق

وربنا يوفقكم

» مسابقة لتصميم لوجو للمنتدى
» تجديدات فى المنتدى"كل جديد فى تقنيات المنتدى سيكون هنا".
» هدية لأعضاء المنتدى الكرام أقدم لكم برنامج متواضع لمهندسين مدني وخاصة التنفيذ لحساب أطوال وعدد حديد القواعد وكذالك رقاب الأعمدة وحساب الهالك من السيخ
» الآن يمكنك متابعة آخر مواضيع المنتدى عن طريق قائمته البريدية وجروب المنتدى على الفيس بوك
» تهنىء إدارة المنتدى أسرة المنتدى والكلية وجميع المسلمين والعرب بجميع الأصقاع بمناسبة عيد الأضحى المبارك