أهم سرقوا خلاص خطاويك

أهم سرقوا خلاص خطاويك

هتعمل إيه يا شيخ مستور ؟
يا راضي بنص لقمة عيش
وعايش في النكد مسرور !!
أهم سرقوا خلاص خطاويك
هتعمل إيه بقه برجليك ؟!
هتمشي لْهم على كيفهم ؟
وتحسب إن طول صمتك مكتفهم
هتمشي ولاّ راح تقعد ؟
ولو طال القُعَاد برضه أهم ماشين بدال منك
لأنك باختصار رافض يكون لك دور
وحابس في الضلوع خوفك
وقاتل في العيون شوفك
وميت صرخة تموت في الزور
ودايرة الساقية يا صاحبي
وحابب إنك إنت الطور
تموت بالصبر ميت مرة
ويتغير مِتين دستور
ويتحسّر كتير قلبك
فتتغمى بهموم غلبك
وأهي الدايرة عليك بتضيق
كما الساقية عليك بتدور

د. إكرامي قـورة

كلمات جميله جدا بس لو كانت أطول شويه كانت بقت أجمل

اقتباس :: ودايرة الساقية يا صاحبي
وحابب إنك إنت الطور

فعلا دايره الساقيه وبتلف بينا ومش عارف آخرتها فين إن شاء الله؟؟؟!!

إختيار موفق منك أختى بنت مصر

والله الموفق

بشمهندس الحبار علي المرور الكريم

اقتباس :: يا راضي بنص لقمة عيش
وعايش في النكد مسرور !!

بشمهندس القبطان علي المرور الكريم

» انا ماشى خلاص يا دنيا.......
» كانت خلاص هتخرج من فمك
» خلاص القلب إتكلم ** عامي **
» معاك واسطة .....خلاص دووووووس ولا يهمك
» خلاص دخل علينا شعبان...طب هنعمل ايه؟انا اقولك تعمل ايه