أحزان مؤجلة

[ندعوك للتسجيل في المنتدى أو التعريف بنفسك لمعاينة هذا الرابط]

ما كانش ده عشمى..

ولا كنت أظن..

إن الزمان يلوى دراع الصدق..

وان الخداع بالكذب يفرض كلمته

هى البراءة نقطة سودا ع الجبين ..

ولا الخيانة كدبة بيضا صغيرة؟!

ولا كانش ده حلمى..

إن الأمانى اللى رسمناها سوا

تبقى سراب..

وان الهنا يصبح عذاب..

يبقى الشتا زى الخريف..

والصيف بيمحى فى الربيع بسمة أمل..

يبقى القمر نوره ظلام..

والنجمة كذبة منوره

والكون يغطيه الملل.

ما كانش ده عشمى..

ولا كنت أظن..

إن عيونك ترسم الوهم الجميل..

والبسمة منك كذبة باردة..

والوفا فيكى قليل..!

والطفل جوه الحلم صوته بيندبح..

والعمر عدى فى الفضا..

ظلمة وليل..