أنت عارف معني الحب أيه (2)

أنت عارف معني الحب ايه ( 2 )

ما بحبوش ياماما ...مش قابلها يابابا ...يا دة يا مش متجورة ...بحبة يا ناس....لو ماتجوزتش دى ..حاموت نفسى ....بحبها يا هوووة ....طاب لية ...لية بنحب فلان بالذات ونكرة فلان ...لية ممكن نقبل نتجوز فلان ...ونفضل الموت على ان احنا نتجوز علان.......فكرت وقرأت وسأ لت وبرضة ما وصلتش لإجابة ...لغاية ما يوم جات بنتى الصغيرة ....ونطت على حجرى وقعدت تبوس فية وتقولى انا بحبك قوى يا بابا ....طبعا كنت فرحان قوى ...وكان عندى استعداد انفذ اى طلب تطلبة ...ولو اروح اخر الدنيا ....سألت بنتى انتى بتحبينى قوى ..؟ قالت لى قوى قوى يا بابا ....سألت تانى طاب لية ؟...قالت لى وهية بتحضنى وبتدينى بوسة فى خدى التانى ....علشان انت بتجيب لى كل اللى انا عايزاة ...وطلعت تجرى تشوف قناة طيور الجنة ....البت الصغيرة البريئة ...لقت الحقيقة ....احنا بنحب اللى بيجيب لنا كل اللى احنا عايزينة ...ولو ماجابش ما بنحبوش .....ومن غير ما تلوى شفايفك ...وتكشر حواجبك ...وتكز على سنانك ...وتبدأ تدافع عن الحب ....وتنزهة عن اى شبهة مصلحة ...كمل معايا للاخر ....
اى نعم لما بنكبر مابيبقاش كل اللى حنا عايزينة ...شيبسى ولامصاصة..ولا قلم رصاص بسنون ...
لكن بنبقى عايزين حاجات كتير .....حاجات مادية ونفسية وعاطفية وجنسية ....ونبدا ندور حناخد الحاجات دى ازاى ....ومين اللى حيديهالنا ....ولما بنقابل حد ونتعرف علية وشكلة يريحنا ...نبدا من غير ما نشعر ...نسأل وندّور ..هوة حيقدر يدينا اية؟!! .....طبعا السؤال مابيتسألش مباشر كدة ....بس دايما بنلاقى طريقة نسأل بيها السؤال دة .....كلنا بنعرف نضحك على نفسنا كويس قوى ...ومفكرين ان احنا بنضحك على اللى حوالينا ... المهم ...ماتيجى نسأل كدة ونشوف .....طبعا انا مش حتكلم على الاكل والشرب واللبس ...دى اساسيات..ومش حينفع نحب حد وهوة مجوعنا ومعطشنا ومعرينا ....نعلى شوية.. ...لو لقيت اللى قدامك بيديك الامان وبتحس وانت معاة انك مش مضطر تهرب ولا تستخبى ولا تدارى ...ولما تلاقية دايما واقف جنبك وبيدعمك ...وطول مانت معاة بيديك السعادة والضحك والمتعة ...دا غير انة بيوريك حاجات اول مرة تشوفها .....ويعلمك حاجات اول مرة تتعلمها ...ولما تشوف اعجابة بيك فى عنية ...ولا لما يقلدك فى كلامك وحركاتك ...لما بتحس وانت معاة بضعفك وخضوعك وفى نفس الوقت يوصلك اد اية انت مسيطرعلية وعلى مشاعرة ....وانت معاة بيديلك احساس العيلة والاسرة ....ولا لما يديك احساسك بذاتك ووكيانك.....ويوريك اد اية انت اعظم واحد فى الدنيا ...ولما بيوصلك لأعلى درجات الاحساس برجولتك أو انوثتك ......دا طبعا بعد الجواز ...اة ... كلة ماشى بس جوة حدود ربنا ...
لو عطاك كل دة ...حتحبة؟!! بلاش لومعطكش كل دة ..ممكن تحبة ؟!!!! والنبى لا تضربة بالجزمة ....بس خلى بالك يا جميل ...احنا بنبقى مبسوطين قوى واحنا بناخد ...لكن لو ماعطيناش زى ما بناخد ....البيعة مش حتكمل ....اتعلمناها كدة فى التسويق ...انت تكسب وانا اكسب ....على فكرة ....احسن واحد علمنى التسويق ....بنتى ....ولو مش مصدق اقرا من الاول ....حتلاقيها طبقت معايا احدث نظريات التسويق ....حضن وبوسة فى مقابل شيبسى ومصاصة ...وقلم رصاص بسنون

منقول

**** تعليق شخصي مقتبس ****
انت مش ممكن تحب حد مش بيديك امان ولا حنان ولا حتي احساس بوجودك
حتى الابناء بيحبو الاباء لانهم بيديهو احساس بالقوة والامان والدفء والحماية

وفقكم الله

فعلا انت جبت من الاخر ,,, يصفق

vandiesel كتب:: فعلا انت جبت من الاخر ,,,

منورني ياريس بيقدم ورده

» استشعر معني الحب
» انت عارف معنى الحب اية (1)
» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟
» ما معني كلمة حب ..؟؟؟؟