السلام عليكم ورحمة الله وبركاته
حبيت انقلكوا الطرفة دية ليس الا لادخال السرور على قلوبكم عشان انا عارف انى هسمع انتقادات هى طرفة ليست الا
****************************
ليدز -- أند -- جردلمينز
كنت ماشى فى الشقه بالصدفه اتكعبلت فى الشبشب الى بصباع بتاعى الى انا اشتريته
لقيت الشبشب بيشتكى فقررت انشر قصته
وفى سابقه هى الاولى فى جمهوريه ( مش فاكر) ... نوافيكم بما يحدث للشباشب الى متبهدلين معانا والله .. وبما انى مكلف انى ابعبر عن مشاكل الناس حتى الشباشب والجزم فانا . كل مده هاقدم لكم يوم جديد عن شبشب غلبان بيحكى قصته فى الدنيا دى وان شاء الله كل ما احط جزء جديد هاجيب لنك الاجزاء الى فاتت واحطها قبل ما احط الجزء الجديد علشان الى فاته اى جزء يلحقه وفى اخر اليوميات خالص هالم اللنكات فى توبك وان شاء الله تبقو تقروها بقى براحتكم
== باله نشوف الشبشب الى بصباع بيجرى له ايه فى دنيا البنى ادمين==..... وسمعونا زغروته كدا علشان ما نقفلش مع بعض
العنوان
== ذكريات الطفوله ==
في الحقيقة وفي الواقع والسوق مليان شباشب
انا بجد بجد مش عارف ابتدي ازاي حاكم حكاية المذكرات دي صعبة قوي
بس انا قررت وانا لما اقرر بنفذ وانا قلت حكتب مذكراتي يعني حكتبها , ماهو كل من هب ودب بيكتب اشمعنى انا ولا
يعني اكمني شبشب ؟؟؟!
بس حقول ايه ولا ايه
طب انا حبتدي وتيجي زي ما تيجي
انني في غاية الحيرة
وحيث انني في وضع لا احسد عليه فقد .........
انت حتعلمي فيها سيبويه حيرة ايه يابتاع انت
سيادتك بتكلمني مين انت اصلا
اااااااه دي الجزمة بقلك ايه اخرسي انا مش فايقلك خليني اعرف اقول الكلمتين الي انا حافظهم
طيب اما نشوف يابتاع المذكرات انت ده انا الي اسمي جزمة مافكرتش في الحكاية دي حتيجي انت ياشبشب ووووو
بقلك ايه لم لسانك وبلاش قله ادب اناشبشب محتررررررم
وتخرج الجزمة ويستمر الشبشب في التفكير
ايوة اهي جت اهي ياعيني عليا يلا قبل ماتطير
نخش على ايام الطفولة وايه دراك بأيام الطفولة دي كانت حلوة بشكككككككككل
ايه دنيا كانت ايام , لما كان الواحد لسه عيل في جلد امه مدفي واخر امان لاحد يرميه تحت الدولاب ولا يتلقح في الحمامات ويشم البرفنات
ولا المهمهات المتخانقين مع ولادهم كل ما يزعلوهم على طول بالشبشب واديييييييي, هو احنا زمبنا ايه بس يا خووووواتي
الله لايعديها ايام سووووده
هو ايه الي جاب السيرة دي احنا لسه في ذكريات التفولة
زمان لما كنا في المصنع انا واصحابي الشبشاب ده قبل ما نطلع على وش الأرض كده ونبقى ملطشة للرياح والي جاي
كان الوضع اخر حلاوة .
هو اي نعم كان في دق مسامير وخبط على الدماغ لما الواحد طلع له كالو بس مش مهم
اهوكله يهووووون طالما هي ايد واحده والراجل الي كان بيعمل كده اهو برضه في مقام الأب الروحي
وكل يوم عن يوم تلاقي شبشب جديد يتولد قدامك وايه ياختي على كماااااالو اشي طبيعي على صناعي , على مش عارف ايه
انما الطبيعي ده كان مغرور قوي كل قاعد كده ومتقنزح
على ايه مش عارف ماهو برضه بياخد على قفاه زينا
ماعلينا خليني في نفسي , هو صحيح انا كنت بعيط من الشاكوش الي كان بينزل على دماغي بس كل ما افتكر
اقووووول يااااااه ده انا كنت فعلا عيل ومش عارف مصلحتي
صوت الشاكوش في ودني دلوقتي عامل زي موسيقى تصويرية موسيقى جمييييييلة في فيلم رعب
قصدي فيلم رومانسي
اايييييييييه دنياااااااااااا يارتني ارجع عيل تاني وافضل في المصنع الجميل ولا حتى يرجعوني لجلد امي
يلا مافيش حاجة ترجع لورا تاني كله بيمشي لقدام وده نصيبك حتعمل ايه يعني ؟؟؟؟؟
فكرتوني بحاجة مهمة قوي عايزة اقولها قبل ما البلدوزر الي نايم ده مايقرر يخش بيت الراحة وياخدني معاه جته الهم
كان في شبشبايه صغننه كده بفيونكة حلوة قوي كنا متفقين علىالجواز لمانكبر بس ياالف خسارة فضلت عليا شبشب من مصنع تاني
ولما سألتها ايه الحجة ده انا بحبك قوي وداخل البيت من بابه وحدفعلك مهر عمرك ماتحلمي بيه
قالت لأ مش العبارة بس اصلي التانى جميل ووشه احمر كده
رحت انا فاهم العبارة وقلت لها بتحبيه يامقروضه انت
هي اي نعم حطمت روحي الجلديه بس اكمني شبشب جدع كده كررت وانا لما اكرر بنفذ
اني اقف جمبها في يوم زي ده حاكم انا شهم واعجبك قووووووي
فرحت معاها المصنع التاني عشان التعارف يعني مش لازم اطمئن على اختي
اااااااااخ يااااااااااني اختي غصب عني يلا لزوم الشهامة ماهوما بقاش ......... ماعلينا
المهم وانا رايح معاها اشوف ايه الواد الشبشب الي عايز ضرب الصرم
صرم ايه بس ماهو صرمه اصلا بس طلع ابن ستين شوووووووووز , سابها وراح خد واحده تانية قال ايه هو اتحول مش شبشب لجزمة وهي مش قد المقام
مش قلت لك انا اولي بيكي
وجت تعتذرلي وتجر ناعم وانا ولا هنا ولايهمني كرامتي
ااااايييييي نعممممممم انا شبشب بس كرامتي ما تهونش عليا ابداااااااا
يييييييييييييييييه البلدوزر صحي حان وقت العقاب اليومي
انا اتشرشحت ياخرااااااااااشي انا جاي اهوووووووو
منقووووووووووول
موضوع: يوميات شبشب بصباع. 
الأربعاء 11 يوليو - 9:54
