بحبك ياريس (تحية تقدير واجلال للرئيس محمد حسنى مبارك)

عدنا ,,,,,


بس معلش برضوا مش هقدر أطول لأني أساسا ,, مزنوووق جدا وهاخد أجازه


المهم يابشمهندسه ,,, عشان برضوا أبقي قولت كل الكلام اللي عندي

هوه مما لاغبار عليه أن الريس والزعيم محمد حسني مبارك ,, قائد عسكري من الدرجه الأولي

بيعرف ازاي ينتصر في أي حرب ,,,, وده التاريخ يقوللك الكلام ده

انما القائد العظيم ده شعبه بيعاني ,,,,, بيعاني يابشمهندسه

هوه عموما ,,, أنا متفق في معظم ماقاله أخي سيف الأسلام ,, وبصراحه أنا لو زودت علي كلامه هتبقي قلة ذوق مني


وأنا في الاول وفي الأخر يابشمهندسه ,,, بقول وجهة نظري ,,, وبقول حقيقه ,, مش بفتري علي حد

اقتباس :

يا
جماعه (المعارضين)انا حاسه اولا انها معارضه للمعارضه بس لكن من غير تفكير

وأشكر حضرتك علي ذوقك في الحديث عني ,,, وعن باقي الناس اللي موفقاني في وجهة النظر دي

وأنا متفق مع حضرتك في جمله واحده بس من كلامك ,,

اقتباس :

طب ادرس انت واشتغل وراعى ضميرك وراعى ربنا واعمل اللى عليك ومتخليش الاهل ياكلو فى بعض والاخ يقتل اخوه عشان كام مليم والاب يقتل اولاده قال عشان ايه فلوسه راحت فى البرصه يا عينى فخاف عليهم فراح قتلهم واللى بيقتل ولاد اخوه عشان 70 جنيه

انا معاكي في اني أعمل اللي عليا ,, كل واحد فينا يعمل اللي عليه ,,, بس انا عن نفسي لو أطول أني أمنع الأخ أنه يقتل أخوه ولا الأب أنه يموت ولاده ,, صدقيني كنت عملتها من زمان

,, وبالنسبه لكلامك عن ان الريس مابتوصلوش اي حاجه من البلاوي اللي بتحصل في البلد ,, فأحب أنوه ان الريس عنده مكتب صحفي خاص بيه ,, مافيش جرنال بيطلع في البلد ومافيش كلمة بتتكتب الا ما بتوصلله ,, وانا عايزك تعرفي حاجه ,, احنا كلنا هنا بنحب مصر ,, ونفسنا تبقي هيا الأحسن ,, ونفسنا منشوفش حد مظلوم,,, وان كنا بنتكلم ,, فده لأنه مبقاش في أيدينا حاجه غير الكلام ,, لأننا مش ارهابيين ,, هنروح نقتل كام واحد عشان صوتنا يتسمع ,, أنا كفايه عندي أني أقول رأي ومخافش ,, وكفايه عندي أني أدعي عالظالم والمفتري ,, وربنا كبيييير وفوق أي ريس

أتمني تكون وجهة نظري وصلت حضرتك ,,, والله المستعان

اقتباس :

بداية أحب أن أقول لمن يحب النقاش أن يكون أولا قابل للإقتناع لذا فقد كتبت فى بداية كلامى هذا الكلام

فعلا يا بشمهندس كلامك صح الصح لازم اللى بيحب النقاش يكون قابل للإقتناع وعلشان كده انا بقووووووووول أنى فى حاجات كتيييييييييييير قوى عملها الراجل ده غلط وظلم ناس كتييييييييييير برضه بس أكيد إحنا برضه بنعمل حاجات غلط وأحيانا بده بنظلم وعلى الاقل ممكن نكون بنظلم انفسنا بس اللى إحنا فيه ده أصبح أمر واقع والريس برضانا أو من غير رضانا مازال هو الحاكم لينا والله اعلم اللى هايجى بعده هيكون نظامه إيه يمكن اللى يجى بعدهي يخلينا نتمنى الراجل ده يرجع من تانى ويمكن العكس برضه بس اللى المفروض نفهمه إنى إحنا مش هانعمل حاجه بالكلام ده والريس مش هايخس ولا هايزيد والناس من زمان وهى بتكتب ومفيش حاجه أتغيرت ولو حد كان قدر يغي حاجه بالكلام كان اتغير الوضع اللى غحنا فيه من زمان يعنى اعتقد الفعل هو الأفضل وهو الاقرب لينا دلوقتى نحاول نغير نفسنا بينا وبين بعضنا ونبقى قلبنا على بعض ونحب الخير لبعض ونفهم إحنا عايزين أيه ونتجمع مش إحنا اصلا متفككين بينا وبين بعض والسلبيه خلاص بقت فى دمنا وبعدين نقول العيب فى الريس.
وفعلا فى حاجات كتيييييييييير فى البلد غلط بس أعلب الشعب مش بيحس بيها او بمعنى اصح مش بيديها حقها فى الإحساس بيها وبننساها بسرعه ولاتفه الاسباب ده لإن الحكومه يمكن تكون ذكيه شويه وعرفت تغيب عقول أغلب الشعب بالكلام الفاضى يعنى لما تروح القهوه ومش تلاقى كرسى تقعد عليه أو مكان تقف فيه ولما تسأل فيه إيه يقولولك النهارده الاهلى ولا الزمالك يلعب ولا حتى مصر وكإن مصر راحت تحارب مش تلعب كوره والناس تنسى كل حاجه وتقعد تفكر للمباراه وتحسبلها قبلها بسنه ولما تروح الإستاد ومتلقيش تذكره لدرجة إنه بقى فيه سوق سوده والتذكره سعرها يوصل لمبلغ وقدره ده مش معناه أنه إحنا راضيين باللى إحنا فيه .
ولما الإمام فى المسجد يقول السجاير حرام شرعا وتقابله بالليل وفى إيده سيجاره يا ترى مين اللى هايسمع كلامه طاب ما نروح نحاسبه قبل ما نحاسب الريس.
لما المدرس فى المدرسه يقولنا السلوك ده غلط ويجى التلميذ يلاقيه بيعمله يا ترى هايسمع كلامه تانى .
وغيرهم كتييييييير على هذا المنوال فالاولى والأسهل لينا لوم الناس دى الاول قبل ما الوم الريس يعنى ابتدى بالأسهل وبعدين الصعب وطريق الألف ميل بيبدا بخطوه واحده والعقل بيقول انى بأبتدى طلوع السلم من الأول مش من الاخر.

اقتباس :

محلي
اختلف معك في وجهة النظر هذه فالمسجد في الاسلام دورة لا يقتصر علي الصلاة
وقراءة القرأن فقط والاتري معي انه بغلق المسجد نعطل الكثير من الاحاديث
النبوية الشريفة مثل حديث الشاب الذي قلبة معلق بالمساجد وحديث انتظار
الصلاة بعد الصلاة ماذا اكبر من ان نعطل احاديث للرسول علية الصلاة
والسلام

والخلاصة انه اذا صلح الدين صلحت الدنيا

فعلا انا اتفق معاكى إن للمساجد دور كبير بس فعلا فى مساجد كتييير ما زالت الدروس بعد الصلاه بها موجوده ويمكن الكلام ده منتشر كتييييييير فى القاهره فأغلب الجوامع مازالت الدروس بها بعد الصلاه موجوده وكمان فى أسوان فى مساجد برضه الدروس بها موجوده بس السبب فى إستمراريتها انه فى ناس بتواظب عليها .
وحضرتك بتقولى أنه إذا صلح الدين يعنى مش صلح الحاكم وفى مسلمين فى بلاد غير مسلمه والحاكم غير مسلم وبتمارس الدين افضل من ناس كتير فى بلاد مسلمه.

وفى النهايه أحب اعتذر لكل من لم يروق لهم كلامى والإختلاف فى الرأى لا يفسد للود قضيه

love to life كتب:

تانى حاجه انا مش عارفه ايه وجه الزهول يا بشمهندس اسماعيل؟؟؟؟؟؟؟؟؟؟

وجه الذهول هوه أن كلامي المتواضع لفت نظر حضرتك ,, يعني من الأخر كانت مجرد جمله بقولها من باب الذوقيات والمجامله ليس إلا ,, أرجوا أنها ما تكونش أتفهمت غلط وأعتذر عن سوء الفهم

وشكرا علي رد حضرتك ,, وتفهمك لموقف المعارضين عموما


ومعنديش غير كلمه واحده أقولها أساسا ,,, ربنا يصلح الحال

ما شاء الله الموضوع جاذب ناس كتيييير اوى فى المنتدى هنا
بس انا عابز اوضح نقطة واحدة انا شايف من وجهة نظرى انها اهم حاجة غلط لازم تتصلح
دلوقتى احنا مشكلتنا الاساسية المعتقلات طب انا عايز اعرف مين اللى بيعتقل مش ظابط امن الدولة او اى كان الظابط اللى انتوا شايفين انه بيطبق قرار جايله من فوق طب هو الظابط ده مش مننا ولا ده واحد من المريخ هو الظابط ده مش اخويا واخوك وابن عمى وابن عمتك اللى احنا دخلناه كلية الشرطة ولا الكلية الحربية عشان يبقى لينا حيطة تسندنا فى البلد يعنى هو مننا واكرر مننا مش جاى تبع الحكومة
والراجل الموظف المرتشى اللى ما بيرضاش يمشى اى موضوع الا بالفلوس مش ده ممكن يبقى جارك اللى هو ما يعرفش حد من الحكومة واستغل منصبه عشان يسترزق منه
والوزير اللى بيتربح من منصبه كان ايه قبل المنصب مش كان انسان طبيعى دكتور فى الجامعة او رجل اعمال برضو مننا وممكن يكون قريبنا
والدكاتره اللى ما بيراعوش ضميرهم فى شغلهم مش مننا ممكن يكون قريب حد فينا
يعنى من الاخر الناس دى كلها الحكومة ما جابتهاش من كوكب تانى وفرضتهم علينا لا دول طلعوا مننا احنا واحنا اللى وصلناهم لكده حاسبوا دول قبل ما تحاسبوا الريس اللى ماسكينله على كل كبيرة وصغيره اللى هى اه هيتحاسب عليها قدام ربنا بس هو مش ملاك عشان يعملكوا اللى انتوا عايزينه كله بالملى لازم هيبقى فى اخفاقات غير مقصودة او مقصوده زى ما انتوا عايزين تقولوا عليها يبقى احنا لازم نحاسب نفسنا قبل ما نحاسبه هو وابسط مثال على كده انت لما تذاكر وما تعرفش تحل فى الامتحان بتقول الدكتور وحش وتروح تحاسبه ولا بتحاسب نفسك الاول وتشوف انت ايه التقصير اللى خلاك ما عرفتش تجاوب وبعدين تروحله
احنا ما بنحاسبش نفسنا الاول وما بنراعيش ضميرنا فى شغلنا وابسط دليل الامثله اللى انا قولتها فوق دى اللى هما فى الاصل احنا مش انا وجوست مثلا وجودزيلا وسيف الاسلام لا ده الشعب كله احنا شايفين نفسنا كويسين بس للاسف فى ناس كتييييييييير وحشين اللى هما ناس زينا مننا وباكرر مننا بلدياتى وبلدياتك مش واحد جابه الريس وحكومته من كوكبه لا ده جابه منك انت
لو الناس دى راعت ربنا فى شغلها ومالهاش دعوه بغيرها يعنى ما حدش يقول لما غيرى يبقى احسن منى يبقى اقلده لا خليه هوه اللى يقلدك ساعتها لو انتوا شايفين ان فى حكم ظالم مش هيبقى موجود لانه مش هيلاقى حد يساعده على الظلم انما لو الحكم مش ظالم يبقى هنلاقى تطور كبير فينا لاننا كلنا هنكون بنساعده
نضف نفسك من جوه وراعى ربنا وزكى عن مالك بالزيادة مش لازم بالمليم اللى بيعلنوا عنه اكفل جارك الغلبان ساعتها هيطلع من مستوى الفقر بس ما تنضفش نفسك عن طريق انك تقوم مقصر جلبيتك وتعملنا فيها عم الشيخ وتعملهم علينا لان دى مش صفات الاسلام وتقوم رايح مكسر المحلات ومفجر مش عارف ايه وتموت ناس ابرياء ما لهومش ذنب وتألف اعذار من عندك عشان كده
الاسلام دين وسط وما انتشرش بالسيف
راعى ربنا فى شغلك وراعى دينك وابعد نفسك يا سيدى عن الشبهات اللى انت بتتكلم عنها اللى انت شايفها بتجيبك فى المعتقلات لحد ما الشبوهات دى تنهتى اللى هنتهى لما نغير نفسنا يعنى صلى وصوم اقرأ قرآن وزكى واسمع الشيوخ فى الجوامع وفى التليفزيون اللى طول النهار موجودين وابعد عن اصدقاء السوء خليك وسطى الاسلام دين وسطيه خليك معتدل وحكم عقلك وما تفكرش بعواطفك وما تخليش حد يضحك عليك بافكاره لا لا انا ولا انت لينا حد فى الحكومة ولا احنا روحنا حققنا عشان نقول الاتهمات اللى انتوا بتقولوها اللى احنا هنتحاسب عليها قدام ربنا ويسألنا ربنا جبنا الاتهامات دى منين هنقول بقى سمعناها من واحد فى التليفزيون ولا قريناها فى الجرنال ولا ولا هنلاقى نفسنا فى الاخر عرفناها واحنا قاعدين فى بيوتنا
اتأكد من اللى اعتقلوه ده اعتقلوه ليه ما تسمعش كلامه وخلاص لو المواضيع كانت بتتصدق بالكلام وخلاص كان القاضى حكم من غير ادله وانت مفيش قدامك دليل على صدق المعتقل ولا دليل على سبب الاعتقال يبقى ما نتكلمش وخلاص لان ربنا هيحاسبنا على كلامنا ده
ربنا بيقول فى كتابه
بسم الله الرحمن الرحيم
يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ
يبقى لازم نتأكد من كلامنا كويس قبل ما نقوله مش نسمعه من اى حد وخلاص

ارجو ان ما حدش ياخد كلامى على نفسه ولكن ياخده على قاعده عريضه من المجتمع
واسف للاطاله