دي عادات ,,, دي تقاليد ,,!!

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

الجواااااااااااااااااااااااااااااااااز وسنينه اه من الجواز مش الجواز اوى يعنى انا اقصد التوابع

اييييييييوه من اول الصباحية والمسائية والضهرية والعصرية والمغربيه
اول ما الناس جاتلى فى الصباحيه تسلم عليا واللذى منه ماما خدتنى على جنب

وقالتلى هو فيه ايه؟

شيطان

قلتلها فى عصير جوافة وبيبسى كولا عدو الشعب

قالتلى انتى هتستعبطى يا بت

قلتلها لا هستهبل فى ايه بس

قالتلى انتى مش هتفرجى ضيوفك على الشقة انا مش قلتلك قبل الجواز ان لازم الضيوف تشوف شقة العروسه
(اه منكم يا نيتكم السودا انتو فكرتو هتقولى ايه وعاملين فيها مؤدبين)

دي عادات ,,, دي تقاليد ,,!! 578704%5B1%5D

دي عادات ,,, دي تقاليد ,,!! 578704%5B1%5D

قلتها اه صح يوم ما علمتينى ابقى مرشد سياحى فى الشقة

قالتلى بالظبط كدة يا حبيبه امك
انا:يا كزوفى يا كزوووووووفى(حمر خجلا) هههههه

بعد العصير والسلامات والتحيات والقبلات والحديث على ما عدى وفات ومن هو حى ومن توفى ومات

انا:اتفضلو يا جماعه مش هتشوفو الشقة

هنا اوضه السفرة حيث عقد غداء عمل بين الملك فاروق الاول والملكة انيسه الخبيثة الرابعة

وهنا اوضه الانتريه حيث لا يجلس الا من كان بيه ابن بيه

وهنا الصالون حيث نحن مجتمعون

وهنا اوضة النوم حيث....ننام ونقوم

وهنا اوضه الاطفال (ادعو قولو امين والا هغزك انت وهو) ايوة كدة

وهنا بقة المطبخ حيث نحضر الطعام الملكى للملك فاروق الاول والاخير والملكة انيسه الخبيثة(انا مش قلتلكم انهم اتغدوا على السفرة برة) ودة بقة الحمام هى هى هى هى هى هى هى هى هى لزوم اللــــ والذى منه وكل سنه وانتو طيبين ويعودها سنه سعيدة عليكم

بس طبعا انا كدة معملتش الواجب

تخيلو الناس الى تيجى تزورنى كل واحد ينقى ميعاد ويجى على مزاجة يتصل قبلها بشوية ويقولى انه جاى وكل حد يجي اعمله مرشه سياحية الا ان محدش رضى عنى لان جولاتى مكنش فيها التفاصيل اللى كل الناس كانت عاوزها

يعنى مثلا انا مفتحتش دولابى عشان يعرفو او يتفرجو انى جايبه هدوم جديدة ومفتحتش وريتهم الفوط والبرانس والطرح والكيتش ماشينى وطقم الصينى واطقم القهوة (مع اننا بلد متشربش قهوة ومشروبنا الوطنى هو الشاى بس ازاى بقة) ومورتهمش المفارش ومطلعتش الشقة كلها من مخابئها

وموريتهمش الدهب تانى سورى اقصد عاشر وموريتهمش حاجات كتير كانو عاوزين يشوفها

طب بالذمه الناس بتسال العنوسة بتزيد ليه وهما مش فاهمين ولا فاهمين ولا بيستعبطو؟

اكيد طبعا فاهمين وبيستعبطو

دي عادات ,,, دي تقاليد ,,!! 2008111142314_3anes%5B1%5D

دي عادات ,,, دي تقاليد ,,!! 2008111142314_3anes%5B1%5D

طب ماشى انا ممكن اكون متيسرة الحال وانت متيسر وانتى متيسرة

طب والباقى ياناس مين يقدر يجيب الحاجات دى كلها والله العظيم تجهيز عش الزوجية دة مكلف جدا حتى لو كنت شادد الحزام ووالله بردة لو الحزام اتقطع من كتر الشد بردو مكلف

ومفيش كلمه اضيق الحدود يعنى ليه بنجيب كل الصينى دة ويبقى للعرض بس مش للاستخدام عشان تملى النيش والكلام دة ويجيبو بدل طقم اطباق صينى كامل 3 اطقم واحد صينى وواحد اركوبال وواحد بيريكس وواحد بوردة مشمشى عشرات اطقم الكوبايات للشاى وغيرها للقهوةكل دة للعرض لان ى حاجات تانية بتيجى للمطبخ للاستعمال اليومي
ولا الحلل البرستو والتيفال والصاج والاومنيوم و.. و... مش هطول عليكم البنات تشرح للشباب بقة والشاب يسال ماماته وهى تشرحله

الجواز بيكلف الافات

دي عادات ,,, دي تقاليد ,,!! Feature%5B1%5D

دي عادات ,,, دي تقاليد ,,!! Feature%5B1%5D

لا واللى زاد وغطى لازم الناس تتجول فى الشقة وتفتح النيش عشان يعرفو انتى جبتى ايه والا تبقى سمعتنا ايه الناس يقولو مجبنا ش حاجة تؤتؤتؤ ميصحش

ولازم تفتحى الدولاب عشان يتممو على الحاجة جبتى لبس جديد ولا دة القديم بتاع قبل الجواز وجبتى 40 فوطة ولا 10 بس
لا وطبعا انافة المصريين لازم منحرجش نفسنا والناس تقول علينا ايه لازم نشرف نفسنا ونشرف بنتنا ويستلفو ويعملو جمعيات ويفضلو مديونين 10 سنين بعد الجواز بسسب التشريفة اللى لازم يدخلو بيها ويتشرطو على العريس كما ولازم تجيب وتجيب وتجيب هو احنا بنتنا شوية

مقارنة بالحالة الاقتصادية اللى فى انحدار دائم

الحالة زفت الناس بقت تعبانة اغلب اللى كان طبقة متوسطه اوشكو انهم يكونوو معدمين

دي عادات ,,, دي تقاليد ,,!! 9387295%5B1%5D

دي عادات ,,, دي تقاليد ,,!! 9387295%5B1%5D

وبعدين

مين يقدر على كدة
مين يقدر على المصاريف دى؟
كلنا؟ اكيد لا
القادر بس هيتجوز
والباقى هقضيها تحرش وامره لله
والبنات تقتدى بحين ميسرة وامرهم لله

انا عارفة انى بقول مش كله العصر وكل عصر والحل قدام عنينا واحنا رافضينه
دة احنا المدنين نحمد ربنا
لان القرويين بيجهزوا اضعافنا

زى واحدة صاحبتى بتقولى انها اشترت مكنه بتعمل مكرونه

قلتلها ازاى يعنى
قالتلى تعجنى عجينه المكرونه وتدخليها المكنه تفردها وبع كدة تقطعيها
قلتلها ملهاش لازمة اشترى مكرونة جاهزة

قالتلى ومين قالك انى هعمل مكرونة فالبيت بس لازم اجيبها
بسالها لازم ليه
قالتلى عاوزة فضحتى فى البلد تبقى بجلاجل ولا ايه
تخيلو فضيحة عشان مكنه زى دى لان كل حريم البلد شارينها ميصحش هى كمان متشتريها
ولا القايمة بتاعتهم بيعملوها على اخر واحدة عملت قايمتها مش على الحاجات الموجودة فعلا
يعنى اخر واحدة عملت ب 110 الف جنيه انا هعمل ب112 عشان ابقى زودت رغم ان القيمة الاصلية ممكن تكون 60 او 70 الف ظلم ولا لا؟

دي عادات ,,, دي تقاليد ,,!! Pic04a3ka%5B1%5D

والعروسة المدنيه تانى يوم بيجيلها اكل وعشا وغدا وفطار
القرويين على حسب ما قالولى بدل الاكل
شكاير رز وكراتين مكرونه جاهزة واقفاص فراخ ويروحو بربطه المعلم وهما عارضين الحاجة عشان الناس تعرف انهم جابو لبنتهم ولا نقل العزال من بيت اهل العروسة لبيت جوزها ياخدو اربع عربيات نقل ويفرشوا فوقيها البطاطين عشان الناس اللى فى البلكونات تتفرج ويفرشوا السجاجيد ويحطو الانترية لو كانو جايبين ويعرضو المطبخ ويجيبو فرقة تعزف وتغنى من اول بيت العروسة لحد بيت عريسها حتى لو كان فى اخر الدنيا هيروحو بالزفة بردة
وفى تقعد 3 ايام متطلعش البلكونه عشان الغموض والسسبنس وبعد كدة تطلع تنشر غسيلها وتخلى بالها انها تعرضة حتة حتة اللى الناس عاوزة تشوفة فى اول حبل قدام واللى مش مهم اوى وراه
ولازم مفرش السرير يتشمس امال ايه؟امال الناس تعرف انها دخلت بمفرش سرير ولا لا منين
ومن النوع الرخيص ولا الغالى ازاى
بقة دة كلام يتعقل

كل دى تكاليف ؟

طب لو واحد عنده 6 بنات ورا بعض يعمل ايه

دة لو قطع نفسه وادى لكل واحده حتة مش هيكفى
بس ازاى بقة
دى عادات دى تقاليد منقدرش نغيرها وبعدين يعنى هو احنا اللى هنقلب ميزان الكون
اف يلا خلاص دمى اتحرق انا همشى
هروح اجرب مكنه المكرونة حد عنده وصفة عجين
المكرونة

مش مشكله انا هجيبها من اى برنامج بيعك فى الاكل

انتظر تعليقاتكم

الموضوع بجد جمييييييييييييييييل واكثر من رائع انا بحييك عليه فعلا لانه بيمس قضيه من اهم القضايا اللى فى الوقت ده
كل الناس بتتسائل ليه فى ازمه فى الجواز ؟؟؟؟؟؟؟؟؟؟ ومفيش سال نفسه انا بعمل كده ليه فى جوز بنتى لازم اطلع عينه عشان يقدرها كويس وميفتكرش اننا بايعين بنتنا او انها بايره لا سمح الله وتكون فيه لستة حاجات مع ام العروسه وتفعد تقراها للعريس لحد لما يجيله ساكته قلبيه!!!!!!!!!!!!!يا حرام رايح يدخل دنيا قام خرج منها خالص
هو فعلا تكاليف الجواز مكلفه جداااااااااااااااااااااااااا لابعد الحدود حتى لو مش بنجيب غير الضرورى بس بردو مفيش فايده تكاليف يعنى تكاليف
وانا عن تجربه شخصيه بقول لكل بنت ان الموضوع كبييييييييييييييييييير وربنا معايا ومعاهم وفعلا كل الحاجات اللى اتذكرت فى الموضوع صحيحه وعشان مبقاش كدابه انا طلبت الحاجات دى وهى ضروريه بالنسبالى يعنى زى اطقم الحلل المختلفه والطقم الشاى والكاسات والقهوه والصييييييييييينى هو اى نعم طقم واحد بس............بمبلغ وقدره
بس هو فعلا لازم النيش والمطبخ يكونو كاملين امال هكون عروسه ازاى بس التكاليف دى على اهلى مش على العريس ده غير اللبس اشكااااااااال والوان واعداد
طب ده احنا كده فى رحمه انا ليا واحده قريبتى فى بحرى وطبعا هناك الجواز حاجه تااااااااااااانى خااااااااااااااااااااااااااااااااااااااااااااااالص لابعد الحدود
عايزاكو تتخيلو معايا انها بتجيب من الاجهزه الكهربائئيه بدل الحاجه 2 و 3 يعنى مثلا هى كانت جايبه 3 غسالات و2 بتوجاز و2 تلاجه والنيييييييييش فيه حاجات لو فرقتها هتجوز بنتين تانى معاها والمطبخ بردو والحلل والذى منه بقى اما الهدوم دى فقصه تانى خااااااااااااالص لانها جايبه هدوم لو كل يوم لبست حاجه جديده مش هتلبس الحاجه مرتين لمدة 10 سنين قدام على فكره انا مش ببالغ الكلام ده فعلا حصل وقدام عينى وعلى الرغم من كلللللللللللللللللللللللل ده فهى جابت اقل من ناس تانى كتيييييييييييير وابوها كان زعلان عشان كده مع العلم انه لسه عنده بنتين تانى هيتجهزو بنفس الطريقه!!!!!!!!!!!!!!!هو ده بقى الحرام بعينه وفعلا انا بحس ان ده ميرضيش ربنا وهاك بقى عندهم حتة العرض دى مهمه جدااااااااااااااااااا فعلا لازم كل حاجه تتعرض على العربيات بزفه كبيييييييييييييييييييره عشان الناس تتفرج ولازم لما الناس تزورها كل حاجه تتفتح مهماكانت لازم كله يتفرج وده لو معدوش الحاجه اللى جايباها كمان ولا الشبكه ولا المهر ولا ولا .............. لااااااااااا هناك القصه حاجه تانى
بس انا مقتنعه ان كلواحد وواحده يمشو على قدهم ويجيبو على قد مقدرتهم وميبصوش لحد مهما حصل والواحد يكون واثق من نفسه وميقولش الناس هتقول عليا ايه
اه على فكره انا ليا تعليق على مكنة المكرونه على فكره المكنه دى موفره جدااااااااااا لانى بدل ما اجيب كيلو المكرونه ب 4 جنيه بجيب كيلو دقيق وبيطلعلى اضعافه مكرونه فه المكنه دى لو جات تبقى للتوفير مش للمنظره
شكرااااااااااااااااااااااا ليك يا بشمهندس على الموضوع الهايل ده

تسلم ايدينك يابشمهندس الموضوع جميل اوى ع الاقل ضحكنا شوى
بس حابه اقولك تملى الجواز ع حسب ماسمعت وجع للقلب وقلق ومسؤلية ال تملى الشباب(الصبيان)عم بيهربوا منها خايفين ع عمرهم لا ينتهى بالجواز ماهم مابدهم يتركوا حياة العزوبية حضاراتهم ومابيحبوا الالتزام
يبأى هون مين سبب عنوسة البنات ؟؟مش تقولى طلبات وفلوس وصيينى ومفارش ياراجل ده كلها افتكاسات للشباب عشان يهربوا من الجواز ماهو الجواز الان مثل الجيش؟؟
اقولك بلاها جواز وتحيا حياة العزوبية

فعلا عندك حق يا بشمهندس وأحييك علي طرحك لهذا الموضوع

بالفعل هذه نماذج موجودة وبكثرة في حياتنا ومجتمعاتنا وخصوصا من ناحية البنات تلاقي كل بنت عايزة

حاجات كتير وممكن ما يكونش ليها لازمة معاها بس ازاي دي صاحبتها ولا جارتها اشترت الحاجة دي
الرية البيضا

وهي طبعا مش أقل من حد ! ولما تحاول تقنعها أن الحاجة دي مالهاش لازمة تلاقي الست والدتها كما

الأسد الغضنفر وتقولك اشمعني بنتي؟ وكأنهم داخلين سباق للقضاء علي جميع موارد المأسوف علي شبابه

العريس وطبعا يا حلو لوكنت بتحب عروستك يبقي انت اللي جبته لنفسك.

وأتحدي لو بنت استخدمت الحاجات اللي في جهازها ولا حتي ربعها إنما تقول ايه دماغ فاضية!

وبعدين يقولك الشباب مضرب عن الجواز ونسبة العنوسة مرتفعة طيب انتو منتظرين ايه غير كده

هو الشباب هيلاقيها منين ولا منين

ظروف اقتصادية زي الزفت وبطالة وأزمات لا تنتهي وربنا يكون في عون الشباب بجد

انا غير متفقة معك يابشمهندس (الفرعون العاشق) ع ها الرأى لأن مش كل البنات مثل بعضها مثل صوابعينك ماهم بمثل بعض وبعديين انا ال ملاحظة ان فيه تحامل من الصبيان ع ام العروسة مابدرى ليش ع الرغم ان ام العروسة اكثر واحده حريصة ع مستقبل بنتها وحابلها الستر وبعدين ف رأى هون بمصر دائما معروف ف الظروف ده (البنت تحاول ع اد ماتقدر تاخد ال محتجاه من بيت ابوها قبل زواجها لأن بعد كده ماراح يكون الها عين تطلب اى شئ والمحروس جوزها موجود) ولا انت شو رئيك يابشمهندس؟

اهداء الكاشف كتب:: انا غير متفقة معك يابشمهندس (الفرعون العاشق) ع ها الرأى لأن مش كل البنات مثل بعضها مثل صوابعينك ماهم بمثل بعض وبعديين انا ال ملاحظة ان فيه تحامل من الصبيان ع ام العروسة مابدرى ليش ع الرغم ان ام العروسة اكثر واحده حريصة ع مستقبل بنتها وحابلها الستر وبعدين ف رأى هون بمصر دائما معروف ف الظروف ده (البنت تحاول ع اد ماتقدر تاخد ال محتجاه من بيت ابوها قبل زواجها لأن بعد كده ماراح يكون الها عين تطلب اى شئ والمحروس جوزها موجود) ولا انت شو رئيك يابشمهندس؟

الظاهر أن حضرتك مش عايشة معانا فين هي الحماة المظلومة دلوقتي

فكلهن ماري منيب في الحموات الفاتنات إلا ما رحم ربي

وحكاية أن البنت تاخد اللي محتاجاه من بيت أبوها لأنها مش هتقدر تطلب حاجة تاني ده مش مظبوط

لأن بيت الأب مفتوح دائما لبنته مهما حدث!

بس ياريت البنات يقدرو ظروف الشباب الصعبة والأيام اللي مالهاش لون اللي احنا بنعيشها

ويكونو واقعيين شوية وبلاش الطلبات المغالي فيها جدا وياريت الأمهات يعتبرو العريس اللي جاي لبناتهم زي أبنهم

وبلاش يعاملوه علي انه جاي يشتري بضاعة لازم يدفع فيها أعلي سعر!!!!!!.

love to life كتب:: الموضوع بجد جمييييييييييييييييل واكثر من رائع انا بحييك عليه فعلا لانه بيمس قضيه من اهم القضايا اللى فى الوقت ده
كل الناس بتتسائل ليه فى ازمه فى الجواز ؟؟؟؟؟؟؟؟؟؟ ومفيش سال نفسه انا بعمل كده ليه فى جوز بنتى لازم اطلع عينه عشان يقدرها كويس وميفتكرش اننا بايعين بنتنا او انها بايره لا سمح الله وتكون فيه لستة حاجات مع ام العروسه وتفعد تقراها للعريس لحد لما يجيله ساكته قلبيه!!!!!!!!!!!!!يا حرام رايح يدخل دنيا قام خرج منها خالص
هو فعلا تكاليف الجواز مكلفه جداااااااااااااااااااااااااا لابعد الحدود حتى لو مش بنجيب غير الضرورى بس بردو مفيش فايده تكاليف يعنى تكاليف
وانا عن تجربه شخصيه بقول لكل بنت ان الموضوع كبييييييييييييييييييير وربنا معايا ومعاهم وفعلا كل الحاجات اللى اتذكرت فى الموضوع صحيحه وعشان مبقاش كدابه انا طلبت الحاجات دى وهى ضروريه بالنسبالى يعنى زى اطقم الحلل المختلفه والطقم الشاى والكاسات والقهوه والصييييييييييينى هو اى نعم طقم واحد بس............بمبلغ وقدره
بس هو فعلا لازم النيش والمطبخ يكونو كاملين امال هكون عروسه ازاى بس التكاليف دى على اهلى مش على العريس ده غير اللبس اشكااااااااال والوان واعداد
طب ده احنا كده فى رحمه انا ليا واحده قريبتى فى بحرى وطبعا هناك الجواز حاجه تااااااااااااانى خااااااااااااااااااااااااااااااااااااااااااااااالص لابعد الحدود
عايزاكو تتخيلو معايا انها بتجيب من الاجهزه الكهربائئيه بدل الحاجه 2 و 3 يعنى مثلا هى كانت جايبه 3 غسالات و2 بتوجاز و2 تلاجه والنيييييييييش فيه حاجات لو فرقتها هتجوز بنتين تانى معاها والمطبخ بردو والحلل والذى منه بقى اما الهدوم دى فقصه تانى خااااااااااااالص لانها جايبه هدوم لو كل يوم لبست حاجه جديده مش هتلبس الحاجه مرتين لمدة 10 سنين قدام على فكره انا مش ببالغ الكلام ده فعلا حصل وقدام عينى وعلى الرغم من كلللللللللللللللللللللللل ده فهى جابت اقل من ناس تانى كتيييييييييييير وابوها كان زعلان عشان كده مع العلم انه لسه عنده بنتين تانى هيتجهزو بنفس الطريقه!!!!!!!!!!!!!!!هو ده بقى الحرام بعينه وفعلا انا بحس ان ده ميرضيش ربنا وهاك بقى عندهم حتة العرض دى مهمه جدااااااااااااااااااا فعلا لازم كل حاجه تتعرض على العربيات بزفه كبيييييييييييييييييييره عشان الناس تتفرج ولازم لما الناس تزورها كل حاجه تتفتح مهماكانت لازم كله يتفرج وده لو معدوش الحاجه اللى جايباها كمان ولا الشبكه ولا المهر ولا ولا .............. لااااااااااا هناك القصه حاجه تانى
بس انا مقتنعه ان كلواحد وواحده يمشو على قدهم ويجيبو على قد مقدرتهم وميبصوش لحد مهما حصل والواحد يكون واثق من نفسه وميقولش الناس هتقول عليا ايه
اه على فكره انا ليا تعليق على مكنة المكرونه على فكره المكنه دى موفره جدااااااااااا لانى بدل ما اجيب كيلو المكرونه ب 4 جنيه بجيب كيلو دقيق وبيطلعلى اضعافه مكرونه فه المكنه دى لو جات تبقى للتوفير مش للمنظره
شكرااااااااااااااااااااااا ليك يا بشمهندس على الموضوع الهايل ده

,,, أولا : أشكر مرور حضرتك اللي اكيد منورني ,,

ثانيا: أنا رحت من كام يوم كارفور عندنا في الاسكندريه ,, كنت بنّفس عن نفسي بعد امتحان ,, فمكنتش فاكر اني هتخنق مش هفك عن نفسي ,, مريت هناك علي الاجهزه ومتطلبات البيت وخلافه

تصوري حضرتك انا بتكلم عن المتطلبات الاساسيه بس في اي بيت ,,, يعني مثلا التلاجه ولا البوتجاز ولا السخان ولا التلفزيون ولا غرف النوم ولا السفره ولا الانتريه ,,, ولا مثلا كمان الشبكه و الهدايا وكده,,, قعدت اعمل حسبه مبدئيه ,, لقيتها معديه ولله الحمد في الخمسين الف جنيه ,,,** طبعا قعدت العن الجواز واللي بيتجوزوا

عيان 2

اهداء الكاشف كتب:: تسلم ايدينك يابشمهندس الموضوع جميل اوى ع الاقل ضحكنا شوى
بس حابه اقولك تملى الجواز ع حسب ماسمعت وجع للقلب وقلق ومسؤلية ال تملى الشباب(الصبيان)عم بيهربوا منها خايفين ع عمرهم لا ينتهى بالجواز ماهم مابدهم يتركوا حياة العزوبية حضاراتهم ومابيحبوا الالتزام
يبأى هون مين سبب عنوسة البنات ؟؟مش تقولى طلبات وفلوس وصيينى ومفارش ياراجل ده كلها افتكاسات للشباب عشان يهربوا من الجواز ماهو الجواز الان مثل الجيش؟؟
اقولك بلاها جواز وتحيا حياة العزوبية

الموضوع مش موضوع صبيه بيهربو من صبايا ,,, الموضوع بجد بقي كده ,,, انا هقول لحضرتك علي نقطه

لو واحد عايز يتقدم لواحده ,,,, وهوه امكانياته الماديه محدوده ( ودي بجد مش افتكاسه ,,, بصي علي معظم الشباب في بلدي ,, المرتبات في متوسط 200-500 جنيه شهريا ) ,, ده تفتكري لو عايز يتجوز يعمل ايه مثلا !!!
طب ماهو بدل الجواز الشرعي ,, مايخّلص عرفي احسن ,,, ولما ربنا يفرجها بقي
أحنا بنقول مشكله ,, وبنقول حلها ,,,, وصدقيني الموضوع بجد سبب في عنوسة معظم بنات بلدي ,, وفي معظم المصايب اللي بتحصل ( التحرشات وحدواث الاغتصاب وكده ) ,, اتمني تكون وجهة نظري وصلت حضرتك

الفرعون العاشق كتب:: فعلا عندك حق يا بشمهندس وأحييك علي طرحك لهذا الموضوع

بالفعل هذه نماذج موجودة وبكثرة في حياتنا ومجتمعاتنا وخصوصا من ناحية البنات تلاقي كل بنت عايزة

حاجات كتير وممكن ما يكونش ليها لازمة معاها بس ازاي دي صاحبتها ولا جارتها اشترت الحاجة دي

وهي طبعا مش أقل من حد ! ولما تحاول تقنعها أن الحاجة دي مالهاش لازمة تلاقي الست والدتها كما

الأسد الغضنفر وتقولك اشمعني بنتي؟ وكأنهم داخلين سباق للقضاء علي جميع موارد المأسوف علي شبابه

العريس وطبعا يا حلو لوكنت بتحب عروستك يبقي انت اللي جبته لنفسك.

وأتحدي لو بنت استخدمت الحاجات اللي في جهازها ولا حتي ربعها إنما تقول ايه دماغ فاضية!

وبعدين يقولك الشباب مضرب عن الجواز ونسبة العنوسة مرتفعة طيب انتو منتظرين ايه غير كده

هو الشباب هيلاقيها منين ولا منين

ظروف اقتصادية زي الزفت وبطالة وأزمات لا تنتهي وربنا يكون في عون الشباب بجد

مش عارف اقوللك ايه ,,,, بس بجد انت قولت اللي عايز اقوله ,,!!

شكرا2

الفرعون العاشق كتب:

اهداء الكاشف كتب:: انا غير متفقة معك يابشمهندس (الفرعون العاشق) ع ها الرأى لأن مش كل البنات مثل بعضها مثل صوابعينك ماهم بمثل بعض وبعديين انا ال ملاحظة ان فيه تحامل من الصبيان ع ام العروسة مابدرى ليش ع الرغم ان ام العروسة اكثر واحده حريصة ع مستقبل بنتها وحابلها الستر وبعدين ف رأى هون بمصر دائما معروف ف الظروف ده (البنت تحاول ع اد ماتقدر تاخد ال محتجاه من بيت ابوها قبل زواجها لأن بعد كده ماراح يكون الها عين تطلب اى شئ والمحروس جوزها موجود) ولا انت شو رئيك يابشمهندس؟

الظاهر أن حضرتك مش عايشة معانا فين هي الحماة المظلومة دلوقتي

فكلهن ماري منيب في الحموات الفاتنات إلا ما رحم ربي

وحكاية أن البنت تاخد اللي محتاجاه من بيت أبوها لأنها مش هتقدر تطلب حاجة تاني ده مش مظبوط

لأن بيت الأب مفتوح دائما لبنته مهما حدث!

بس ياريت البنات يقدرو ظروف الشباب الصعبة والأيام اللي مالهاش لون اللي احنا بنعيشها

ويكونو واقعيين شوية وبلاش الطلبات المغالي فيها جدا وياريت الأمهات يعتبرو العريس اللي جاي لبناتهم زي أبنهم

وبلاش يعاملوه علي انه جاي يشتري بضاعة لازم يدفع فيها أعلي سعر!!!!!!.

للأسف ,,,, معظم تفكير الاباء اليومين دووول انه يوفر لبنته العيشه اللي تخليها مستريحه وعايشه معززه مكرمه ,, وده مش هيكون الا مع زوج مستريح ماديا نوعا ما ,,,

وانا بجد مش عارف اقوللك ايه ,,, بس لكل واحد عذر ولكل واحد سبب !!

سواء الاب اللي عايز يتطمن علي بنته ولا العريس اللي نفسه انه يعيش في الحلال مع واحده يحبها وتحبه ,, وتعرف ان الدنا زي مافيها حلو فيها مرّ ,,, ومبتقفش علي حد,,, وانه لو بايده كان بقي اغني اغنياء العالم ,, بس الدنيا مش بالاحلام

وربنا يصلح الحال

» عادات بعض الدول الاسلاميه برمضان
» 9 عادات تدمر جمال حواء .
» عادات الشعوب
» عادات غريبه فى الجواز
» اكر عشر عادات تدمر الدماغ