مشروع التكافل العلاجي بين الحقيقة والنصب

السلام عليكم ورحمة الله وبركاته

النهاردة ووقت الظهر فوجئت بمرور ناس بتقول انها من مشروع التكافل العلاجي
وهو مشروع بتسجل فيه وبيتعملك خصم علي دكاترة معينين
مكتوب أسمائهم في دليل بتاخده منهم
انا عن نفسي سجلت في المشروع وحتى الآن مش عارفة صحة الموضوع

هو الموضوع مقنع والدليل مختوم بالسجل التجاري ورقم الترخيص للشركة
وموجود فيه اسماء دكاترة كتييير ومنهم دكاترة في أسوان
ولهم سمعتهم ووزنهم .. زي دكتور محجوب ودكتورة نجلاء النجار
ودكتور عصام ابو المجد
نيجي بقي لنقطة الشك .. وهي قيمة الاشتراك "15 جنيه"
وأنا عند أي حاجة فيها دفع فلوس ببدأ اشك .. عشان اساليب النصب بقت لا تعد ولا تحصى
واخدت اسم و رقم بطاقة البنت اللي اشتركت معاها "مندوبة الشركة"

وبعد ما اشتركت ومشيوا دورت في النت علي المشروع
ولاقيت اللنكين دول

[ندعوك للتسجيل في المنتدى أو التعريف بنفسك لمعاينة هذا الرابط]

وفيهم الخبر منشور علي ان الشركة دي بتنصب علي الناس
لكن في موقع المصري اليوم فيه تعليقات من ناس عادية بتقول ان الموضوع ده صح وانهم جربوا الدليل فعلا
واتعملهم خصم بيه

المهم لو الموضوع نصب او الموضوع حقيقي
في الحالتين اعتقد ان الناس دي هتعدي علي اسوان كلها
فياريت كل الأعضاء تتوخى الحذر وتتأكد من صحة الموضوع كويس جدا
وياريت لو ما يوافقوش علي الاشتراك ويشوفوا رد الفعل
او يطلبوا مقر الشركة في أسوان
ولو الموضوع صح نبقي نشترك في المقر نفسه "لو كان موجود"
وعموما في أقرب وقت هعرف صحة الموضوع
وان شاء الله اعلنها في المنتدى برده

علي فكرة يا جماعة
انا ما اشتركتش غير بعد ما لاقيت ان كل الجيران حواليا اشتركوا
يعني لو الموضوع طلع نصب .. تبقي كارثة بجد
وياريت ننصح كل اللي نعرفهم وكل الناس تاخد بالها أفضل

السلام عليكم ورحمة الله وبركاتة
الاخت العزيزة برنسس
احب اطمنك ان احنا اتصلنا باحد الاطباء المذكور اسمهم في الكشف واكد لنا ان الموضوع حقيقي وليس نصب وانت ممكن تتاكدي من الصيدلية اللي اسمها مذكور عندك بالدليل وهي بجوار منزلك
والله الموفق والمستعان

طب الحمد لله ان الموضوع حقيقي وربنا يكرمهم طالما الموضوع فيه خير

وينقل الموضوع لقسم آخر

» ما هو مشروع التكافل العلاجى
» انت فى الحقيقة؟؟؟؟؟؟؟؟؟؟؟؟؟؟؟؟؟؟
» الحقيقة العارية
» مقياس الحقيقة
» ليس دائما ً: تقول أمي الحقيقة !!.