هسس المبرمج !!!!

دوشت دماغكم أكتر من مره وأنا بقولكم أني بشتغل مهندس برمجيات
النهارده هنتكلم شويه عن مين هوا المبرمج وايه هيا هسهسة المبرمج

[ندعوك للتسجيل في المنتدى أو التعريف بنفسك لمعاينة هذا الرابط]
المبرمج شخص بيتعامل مع التكنولوجيا يوميا بشكل مكثف وده بيكون ليه انعكاسات خطيره على قواه العقليه (من الآخر مجنون يعني) هو شخص بيكره البيروقراطيه, غير منظم, بيعيش بجانب جهاز الكمبيوتر ويفضل عزله بعيدا عن التجمعات السكنيه (معظم شركات البرمجيات معزوله -المنطقه الحره مدينة نصر جنب الدائري, القريه الذكيه على أول طريق مصر أسكندريه وهكذا)

المبرمج بيكره الحر بشده ويفضل البروده (مكتوب على ظهره يحفظ في الظل بعيدا عن أشعة الشمس وفي درجه حراره 18 درجه, ويحفظ بعيدا عن متناول الأطفال)

[ندعوك للتسجيل في المنتدى أو التعريف بنفسك لمعاينة هذا الرابط]

المبرمج شخص بيقضي ساعات طويله في العمل وبعد مرور الوقت يتحول الى كائن ليلي قد يحترق اذا تعرض لأشعة الشمس

فيه مقوله شائعه بين المبرمجين بتقول أن المبرمج لا تقبل شهادته في المحكمه بعد خمس سنوات من العمل (لأن الهسس بيكون تمكن منه)

هقولكم مثال على كده, أول لما اشتغلت كنت بعمل برنامج تقويم هجري على الموبيل. كان البرنامج ده مهم لأنه أول برنامج بعد الكليه يعني لازم اثبت نفسي في السوق. المهم البرنامج ده كان مسيطر على تفكيري. السيد الوالد معودنا من صغرنا أننا نصحى نصلي الفجر في معاده وقت الأذان وبعدين ننام تاني. يوميها صحيت وقبل لما أصلي وقفت شويه قدام المرآه (أحد أدوات الهسهس) وقولت:
هوا أنا هصلي ازاي دلوقتي؟
آآه نفتح ملف جديد وأصلي وأحفظ ملف الصلاه على أي drive, C, D
ولما فقت من اللي انا بقوله عرفت أني لازم اتوضى تاني لأني لسه مفقتش
الكلام ده حقيقي, هسهس بعيد عنكم

[ندعوك للتسجيل في المنتدى أو التعريف بنفسك لمعاينة هذا الرابط]

الهسهسه في كل المبرمجين
المبرمج لما يحب يطلب مساعده يقف ويقول F1 F1
لما يُرزق بطفل يروح السجل المدني يعمله New File (ملف جديد)
لما الأسم يتكتب غلط يروح ويعمله Rename (اعادة تسميه)
لما تحصل حالة وفاه يعمل delete (حذف)
تلاقي المبرمج لما ييجي يستعمل الورقه والقلم يقف شويه متردد بيحاول يفتكر القلم بيتمسك ازاي
المبرمج خطه أوحش من خط بتوع محو الأميه
لما يكتب بيغلط كتير وتلاقيه بيدور في الورقه على Undo (رجوع في القرار)
المبرمج لا يثق في مبرمج مثله (مش ممكن يجوزه بنته)
المبرمج مبيعجبوش العجب ولا الصيام في رجب. نقده لاذع جدا. وخصوصا لما يكون من برج العذارء (احم احم...حد عايز يقول حاجه؟)
منذهل

المبرمجين لما يقعدوا مع بعض تسمع منهم كلام غريب لانتا عارف ديه شتومه ولا ايه ديه

الجنيه بالنسبه ليه عمله صعبه (تبقى راجل لو عرفت تجيبه, وتبقى أرجل من الرجوله لو عرفت تصرفه وتنتفع بيه)

لو قدر لأي شخص أنه يرتبط بمبرمج, ياريت يبعده عن تربية الأولاد عشان الهسهس مع الأطفال بيكون متطور جدا

مكان عمل المبرمج بيكون في مكعبات (partitions)

[ندعوك للتسجيل في المنتدى أو التعريف بنفسك لمعاينة هذا الرابط]

والمكاتب بتكون في أبواب زجاج يمكن رؤية من بداخلها, بالظبط زي بيت الزواحف, وده طبعا لخطوره حالة المبرمج أثناء فترة العمل

العمال ليهم يوم, هوا يوم 1 مايو. المبرمجين كمان ليهم يوم, يوم المبرمج هوا 13 سبتمبر أو 12 سبتمبر في السنه الكبيسه, ليه عشان ده اليوم رقم 256 في السنه. اشمعنى؟
جهاز الكمبيوتر بتاعك مساحته قد ايه؟ 40 جيجا؟ 80 جيجا؟
الجيجا = 1024 ميجا
الميجا = 1024 بايت
البايت = بتشيل حرف واحد, أكبر مساحه للحرف 256
كل كيبورد بتطلع 256 حرف مختلف

عشان كده اختاروا اليوم ده, مش بقولكم عقد وهسهسه!!! عجبي!!!

عرفتم مين هوا المبرمج؟

وفي النهايه أحب أقولكم "أنا أسمي أحمد وبيشتغل مبرمج, هتساعدني؟!
تعاطفك لوحده مش كفايه, اتبرع ولو بكيبورد أوماوس ليزر"

عين 2

ههههههههههههههههههههههههه
ماشى يا عم شكرااااااااااااا

بس ع فكرة موضوع ال uNDO دة شغاااال معاياا فعلاااااااا
مرة كسرت كوباية _ قعدت أدوور على CTRL+z
عشان عمل UNDO
مالقيتششششششششششش !!!!!!!!!

» : عقلك المبرمج... وتجاربك السابقه...اختبار نفسى
» الموسوعة الماسية للمهندس و المحاسب و المحامى و المبرمج
» الموسوعة الماسية للمهندس و المحاسب و المحامى و المبرمج