اقتراح ضروري لعمل مكتبة خاصة بالمنتدي تضم جميع انواع الكتب

السلام عليكم

اقتراحي ده انا سبب وطرحته قبل كده بس ماكنش فيه رد عليه لذلك انا هقوله تاني والحرية للادارة في النهاية :

اولا انا لما دخلت علي قسم الالكترونيات في المنتدي , لقيت كتب كتير محطوطة في القسم ده فيه منها كتير مفيد وفيه منها اللي مالوش علاقة بقسم الالكترونيات ولكن ليه علاقة بقسم كهرباء بصفة عامة . يعني الموضوع الي حد ما مافيهوش دقة ولذلك ما اعتقدش انه مفيد جدا .

اقتراحي اننا نعمل قسم نسميه مكتبة المنتدي او اي اسم تاني . القسم يتم تقسيمه من الداخل الي اقسام اصغر , ويكون لكل قسم في الكلية قسم للكتب خاص بيه في المكتبة . يعني قسم لكتب الهندسة المدنية وقسم لكتب الهندسة المعمارية وهكذا .

وبالطريقة دي اللي عايز يدور علي كتاب هيبقي سهل عليه يوصله من غير مجهود .

برضه فيه كمية كتب لا بأس بها في المنتدي والدور الباقي علي المشرفين انهم ينقلوا المواضيع بكتبها في الاقسام المناسبة وانا عن نفسي ممكن اساعد قسم الهندسة الكهربية ومشرفينه في ترتيب الكتب .

ايضا اقترح ان تكون الاقسام الموجودة في المنتدي مقصورة فقط علي المواضيع العلمية والابحاث والرسائل العلمية والكتب تكون في مكتبة المنتدي .

وشكرا وارجو ان يلاقي الاقتراح الاهمية من القائم علي المنتدي .

السلام عليكم

طيب إيه رأيك يا بشمهندس بدل ما نضيف أقسام فرعية صغيرة بالنسبة لقسم واحد يعنى

نضيف لكل منتدى "المنتدى بيحوى أربع أو خمس أقسام" قسم نسمية مكتبة هندسة القوى

والآلات والمنتدى التانى نضيف قسم ونسمية مكتبة هندسة الإتصالات والإلكترونيات والتالت

مكتبة هندسة حاسبات والنظم.

لو التطبيق ده عجبك قولى والمسميات برضو عشان نبتدى ننفذ علطول بإذن الله

وشكرا على إقتراحك

والله الموفق

اقتباس :: السلام عليكم

طيب إيه رأيك يا بشمهندس بدل ما نضيف أقسام فرعية صغيرة بالنسبة لقسم واحد يعنى

نضيف لكل منتدى "المنتدى بيحوى أربع أو خمس أقسام" قسم نسمية مكتبة هندسة القوى

والآلات والمنتدى التانى نضيف قسم ونسمية مكتبة هندسة الإتصالات والإلكترونيات والتالت

مكتبة هندسة حاسبات والنظم.

لو التطبيق ده عجبك قولى والمسميات برضو عشان نبتدى ننفذ علطول بإذن الله

وشكرا على إقتراحك

والله الموفق

هوه اقتراح جميل , بس انا فكرتي مبنية علي مكتبة الكلية , يعني اللي بيحصل ان فيه مكتبة واحدة للكلية وكل شعبة في الكلية ليها قسم خاص بيها في المكتبة . انما مفيش مكتبة في كل قسم او في كل دور من ادوار الكلية

انت فاهمني ياباشمهندس ؟
عامة انا ما يهمنيش تنفيذ اي منهما , المهم فقط هو تنظيم الوضع الحالي .
كمان انا شايف ان انشاء قسم كامل للمكتبة هيدل علي ان ده منتدي هندسي بالدرجة الاولي ثم ترفيهي وتثقيفي بالدرجات الاخري .

في انتظار تنفيذ اي من الفكرتين

والسلام عليكم

شوف كده يا بشمهندس تحت منتدى هندسة الحاسبات تم عمل منتدى المكتبة يا ريت تقول

رأيك فيه ويا ريت برضو تساعدنا فى توزيع الكتب على أقسامها الصحيحه بعد ذلك.

والله الموفق