مقترحات مشاريع واماكن غير مستغله فى كليتنا

هناك الكثير من الاماكن الغير مستغله ف الكليه الكثير منها مهمل ولا ينظر اليه احد فمثلا الجزء الفضاء امام المصليه وبجوار المدرج القديم ومعظم هذه الاماكن من الممكن ان تستغل بشكل ايجابى جزء منها مثلا يتم تشجيره ليعطى واجهه جميله للكليه واقترح عمل مكتبه مطوره او بمعنى اصح تطوير المكتبه وجعلها افضل من المكتبات الخارجيه فمثلا ليه الطلبه تروح بره طالما فيه افضل ف الكليه واعتقد ان التصوير وشغل المكتبات ف كليتنا بيجيب عائد كبير اعتقد ان الفكره سهله وبسيطه بس محتاجه رعايه وفى حاجه تانيه لازم اشير اليها الجزء الموجود خلف المصليه وخلف المبنى الفصول مش منظر حضارى ابدا ان يكون مقلب زباله دا ممكن يتعدل ويبقى على الاقل جزء من الكافتيريا او يتعمل فيه حمامات ارقى وافضل من وضعه الحالى ..
دى كانت بعض الاقتراحات اللى لو بايدى انا هعملها فورا فعلشان نوصل للافضل لازم نتعاون على كده ونبص للحاجات دى حتى ولو كانت بسيطه ولكن مهمه!!!!!!
جزاكم الله خيرا

والله افكار كويسه
بس يا رب حد مسئول في الكليه
يشوف موضوعك
وكمان يكون فيه اهتمام من الاعضاء

افكار كويسة يا بشمهندس وفى مكان تانى كبير وينفع يبقى جامع واسع اللى هو ورا مكتب العميد اللى عامل زى المظلة ومعمول بالخشب

ده مكان واسع وكبير يشيل حوالى 5 او 6 صفوف كبار وكده نبعد عن الكافتريا ودوشتها

او العكس باننا ننقل الكافتريا للمكان ده ونخلى الجامع زى ماهو وكده الكافتريا هتبقى اوسع بكتير وطرابيزاتها كتير اوى برضو وممكن الكافتريا تبقى ممتدة لحد مبنى المدرجات وتبقى واسعة والناس كلها تقعد عليها وتتزرع نجيلة واهى تبقى على الاقل كافتريا زى اللى بنشوفها فى التليفزيون

فعلا زي ماقال ميدو...المكان ده هااااااايل جدا ولازم نستغله..وفعلا هيبقي مكان هايل جدا للكافتريا..
ومتشكرين لطرحك الموضوع يابشمهندس

brave_engineer كتب:: هناك الكثير من الاماكن الغير مستغله ف الكليه الكثير منها مهمل ولا ينظر اليه احد فمثلا الجزء الفضاء امام المصليه وبجوار المدرج القديم ومعظم هذه الاماكن من الممكن ان تستغل بشكل ايجابى جزء منها مثلا يتم تشجيره ليعطى واجهه جميله للكليه واقترح عمل مكتبه مطوره او بمعنى اصح تطوير المكتبه وجعلها افضل من المكتبات الخارجيه فمثلا ليه الطلبه تروح بره طالما فيه افضل ف الكليه واعتقد ان التصوير وشغل المكتبات ف كليتنا بيجيب عائد كبير اعتقد ان الفكره سهله وبسيطه بس محتاجه رعايه وفى حاجه تانيه لازم اشير اليها الجزء الموجود خلف المصليه وخلف المبنى الفصول مش منظر حضارى ابدا ان يكون مقلب زباله دا ممكن يتعدل ويبقى على الاقل جزء من الكافتيريا او يتعمل فيه حمامات ارقى وافضل من وضعه الحالى ..
دى كانت بعض الاقتراحات اللى لو بايدى انا هعملها فورا فعلشان نوصل للافضل لازم نتعاون على كده ونبص للحاجات دى حتى ولو كانت بسيطه ولكن مهمه!!!!!!
جزاكم الله خيرا

كلامك مظبوط يا بشمهندس
بس كل دي أراء
لكن لمشكلة في التنفيذ
ان شايف ان مفيش دعم خالص من ادارة الكلية
يعني انا بشوف ما شاء الله افكار من الطلية
لو اتنفذت ممكن تغير من الكلية تماما للأحسن طبعا
والفائدة هتعم على الجميع
على الطلبة من ناحية وعلى الكلية نفسها من ناحية تانية
يعني بعض الأفكار دي ممكن تجيب دخل زياده للكلية
ده غير المظهر العام الي هيتحسن
وخلينا " ساكتين " أحسن علشان نعرف " ناكل عيش " في البلد دي

في أمان الله

وين القروش اللى تسو ها الكلام يابو الشباب
بلدك مليانه افكار ممتازة ولكن اين لها بالدراهم

افكار ممتازة واجتهاد جميل تستحق علية الشكر

ونتمنى ان الافكار دية ينظرلها بجدية وتوضع تحت اطار التنفيذ
واضعف الايمان يتم تشجير الاماكن الفاضية في الكلية وال يمنظرها بصراحة يقرف وبيشوة منظر الكلية وياريت كمان المنطقة الي قبل مبنى المدرجات نسفلت بدل مسيبينها على الرمل
اويحفروا جمبيها ويحطوا في الحفرة ميه علشان ناجي نصيف عليها ’ وبكدة نكون شجعنا السياحة الداخلية بالكلية
والفففففففففففففففف شكرررررررررر

احب ارد على البشنهندس جودزيلا وقله يا بشمهندس لو كل الناس فكرت بطريقتك دى مش هنتقدم وثانيا كليتك دى بتدخلها ميزانيه كل سنه بتروح فين احنا مش شايفين جديد ولا هى لما الميزانيه بتقل او بترجع فى ناس تانيه بيكون ليها نسبه او مصلحه ف كده !!!!!!!!!!!!!!!
واحب اقول للباشمهندس اللى عاوز يمشى جنب الحيط مسير الحيطه مهتقع عليك
وهو فى حاجه ضيعة حقنا وحق الدول العربيه غير كلمة وانا مالى وخلينا جنب الحيط!!!!!!!!!!!!!!!
حرام عليكم كفاية اتغيرو بقى
(ان الله لا يغير ما بقوم حتى يغيروا ما بانفسهم )
ولا عايزين الحياه تروق وتحلو واحنا نايمين جنب الحيط طاب ازاى؟؟؟؟؟؟؟؟؟؟؟؟؟؟

اقتباس :: كلامك مظبوط يا بشمهندس
بس كل دي أراء
لكن لمشكلة في التنفيذ
ان شايف ان مفيش دعم خالص من ادارة الكلية
يعني انا بشوف ما شاء الله افكار من الطلية
لو اتنفذت ممكن تغير من الكلية تماما للأحسن طبعا
والفائدة هتعم على الجميع
على الطلبة من ناحية وعلى الكلية نفسها من ناحية تانية
يعني بعض الأفكار دي ممكن تجيب دخل زياده للكلية
ده غير المظهر العام الي هيتحسن
وخلينا " ساكتين " أحسن علشان نعرف " ناكل عيش " في البلد دي

الكلام ده اصح كلام قريته في الموضوع وكافي للرد . وعلي فكرة جودزيلا مش غلطان انما جودزيلا واقعي بعض الشئ . واحب اقول لمن يعترض علي كلام الاخ جودزيلا , لو انت نفسك فكرتك تتنفذ ماتعرضهاش هنا وتسكت , روح اعرضها هناك , متهيألي انت عارف هناك فين . هوه لو مش عارف مكتب جميل ونظيف ومريح وتحس نفسك ماتطلعش منه , اعتقد عرفت قصدي مكتب مين .

وتقبلوا وافر تحياتي

السلام وعليكم ورحمة الله وبركاته

بص يا بشمهندس أكيد أفكارك جميلة وتستحق كل التقدير ولكن

رد البشمهندس جودزيلا كنت هرد زيه كده وده مش لتتفيه الموضوع او إستهزاءا بأى حد عموما

ولكن الأفكار دى كلها تم التفكير فيها زمان وحاول فيها مصطفى وانا وغيرى وأكتر من كده

كمان ، وللآسف أتخن فكرة لأتخن طالب فى الكلية بتترمى على الأرض أو مينفعش تتنفذ

بدعوى الميزانية قليلة "الميزانية تقريبا 4 آلاف جنيه " أو بتترفض أو مينفعش وسلسلة أو

إلى آخره.

بمعنى إن أكيد لينا أربع سنين فى الكلية والخامسه اللى جايه إن شاء الله هنكون فكرنا فى

جزء من اللى حضراتكم قولتوه فمثلا لا الحصر فكرنا نمهد الطريق من مبنى الإدارة لمبنى

القاعات ورغم إن فيه البلاط وكل حاجه بس قالوا مينفعش ورغم إنه ينفع بس هتعمل إيه ؟؟!!

الحتة برضو اللى ورا مبنى الإدارة والقاعات تتنضف وتتزرع ويتقعد فيها أو على الأقل تنضف

ورغم إن فيه أيدى عامله من الطلبة الشباب وكل حاجه بس قالوا مينفعش على الرغم من إنه

ينفع بس هتعمل إييييه ؟!

نقول مثلا هنزرع الحتة اللى قدام مبنى السكاشن دى وجمب الكافيتريا والمصلى ورد ونباتات

تخللى منظر الكلية جميل والريحة تبقى حلوه برضو ورغم إنى فيه شتل كانت هتيجى وكل

حاجه متاحة بس قالوا مينفعش وعلى الرغم من إنه ينفع بس هتعمل إييييه؟؟!!!

الباب بتاع زويلة بتاعنا اللى أتفتح بعد زمن بقى بميقات واللى يروح ميجيش منه وكلام كتير

طيب ليه يتقفل أو يتحدد ما دام ممكن يفيد الطلبة وناس عاوزه تتعلم وعلى الرغم من إنه

ينفع يتفتح بس هتعمل إييييييييييييييه ؟؟؟!!!

ده احنا حبينا برضو ندهن الباب اللى قدام المغربى أو عابدين بتاع الكلية يعنى "ده لو حضرتك

شرفتنا فى يوم الجوالة السنة اللى فاتت لربما تكون قاعد ومعرفش شخصية حضرتك لا مؤاخذه

يعنى كنت هتعرف الإقتراح ده كمان " قالك دهان الباب فيها محضر وسيبوه بشكلة ومنظرة ده

وإياكم تقربوله رغم إنه لو نضف يعنى مش هناخد منه حتة أو هنبهدله بالعكس ده هينضف

بس قالوا مينفعش هتعمل إيييييه ؟؟!

حبينا نعمل لافتات للأسر ولكل الكلية جديدة والأقسام ونغير لافتة الكلية برضو منفعش رغم

إنه كان ينفع برضو بس لأ مينفعش وهتعمل إييييييييييه؟؟!!

قيس بعد كده أفكار لا حصر لها تم طلبها وعرضها على إدارة الكلية وتم التكرار والإلحاح

وكل اللى تتخيله وكله مش بينفع أو معظمه أو الفكرة بيتم قص أطرافها والتغيير فيها قدر

الإمكان علشان تعجب الإدارة ، فلما يقولك البشمهندس جودزيلا فين المصارى يا ولدى ولا الدراهم

فهو وغيره عارفين إنى الكلية حجتها ممعهاش فلوس والميزانية مفيهاش أى مجال للإنفاق غير

للرحلات والحفلات والكلام ده لذلك محدش يزعل من كلامى أو كلامه لأن ده الواقع اللى إحنا عصارناه

والأجيال الجديدة بتقترحوا تغييره فإن شاء الله يمكن تقدروا تعملوا اللى مقدرناش نعمله وربنا معاكم

إن شاء الله وتقدموا الطلبات دى مع بداية السنة وتتنفذ على أرض الواقع والكلية تبقى جميلة ونظيفة

ومتطورة.

والله الموفق

brave_engineer كتب:: احب ارد على البشنهندس جودزيلا وقله يا بشمهندس لو كل الناس فكرت بطريقتك دى مش هنتقدم وثانيا كليتك دى بتدخلها ميزانيه كل سنه بتروح فين احنا مش شايفين جديد ولا هى لما الميزانيه بتقل او بترجع فى ناس تانيه بيكون ليها نسبه او مصلحه ف كده !!!!!!!!!!!!!!!
واحب اقول للباشمهندس اللى عاوز يمشى جنب الحيط مسير الحيطه مهتقع عليك
وهو فى حاجه ضيعة حقنا وحق الدول العربيه غير كلمة وانا مالى وخلينا جنب الحيط!!!!!!!!!!!!!!!
حرام عليكم كفاية اتغيرو بقى
(ان الله لا يغير ما بقوم حتى يغيروا ما بانفسهم )
ولا عايزين الحياه تروق وتحلو واحنا نايمين جنب الحيط طاب ازاى؟؟؟؟؟؟؟؟؟؟؟؟؟؟

طيب مع احترامى لكلامك يبشمهندس
خلينا نفكر بواقعيه انت دلوقت قولت انه بيحصل كزة وكزه وميزانية بتروح وبتاجي
فين دليلك على الكلام ده ارجو لو معاك اى دليل على كلامك بالمستندات ترفعها لنا على المنتدى عشان نبقي واقعيينن لانى اللى اعرفه من ناس ثقه في الكلية ان ميزانية البحث العلمي في كليتك 1000 جنية ياترى دى نعمل بيها ايه نودى معيدين ياخدوا كورسات ولا نصلح اجهزة المعامل ولا نجيب ماتريال لها ولا يتعمل بيها ايه
ارجو انك تكون دقيق في كلامك لانك بتتهم ناس بدون وجه حق وبدون دليل ادانه
وكلمة حق احاسب عليها امام الله تعالى ممكن نختلف مع الدكتور عبد الله عميد الكليه في كثير من الامور انما صراحة عمر الراجل ده مايحط فلوس حرام في جيبه ودى ميزة فيه ونبطل نصدق العيوب عن الناس بسرعه ومش نصدق الحاجات الكويسه فيهم انا مش بقول كده لغرض ما ولكنه كلمة حق لابد ان تقال
انت في مكان يحكمه نظام بيروقراطي ياعنى اى حاجه حضرتك هتعملها لازم تكون بحساب وعشان تتعمل محتاجه لفه طويله
انما فيه مجهودات ممكن تتعمل زي التشجير بس بردوا خليك واقعي اما يبقي فيه يوم جواله كام واحد بياجي وكام واحد مستعد انه يأجي ينضف او يعمل للكليه ممكن يكون فيه حماس وكل حاجة لكن ساعة التنفيذ تجد اشخاص اخرين

الف شكر يا بشمهندسين على الردود اللى حضراتكم قدمتوها وانا على فكره مش زعلان من كلام حد زي مبيقول البشمهندس وبأبدى احترامى للجميع
وعايز اقول للبشمهندس جودزيلا انا موجهتش اتهام لاى حد او ذكرت اسماء انا بس بستغرب على اللى بيحصل وعايز اعرف السبب
ومعرفش صحة الكلام اللى حضرتك بتقوله ان ميزانية البحث العلمى ف الكليه 1000جنيه بس ولو كان كده يبقى عليه العوض وعندهم حق طلبة المشروع يشتروا تكاليف المشروع على حسابهم

واحب ارد على البشمهندس masa واقله هو يعنى لو عايزين افكارنا تتنفذ على ارض الواقع نروح المكتب اللطيف الظريف اللى مش هبقى عايز اطلع منه لو دخلته ؟؟؟؟؟؟؟؟؟؟؟؟ اوكى؟؟؟بس لو كان هو دا الحل الوحيد عندك
يبقى مع احترامى الشديد ليك ولكل القائمين على المنتدى يبقى قسم(اقتراحات لتطوير الكليه) ملوش اى لازمه ف المنتدى دا المعنى الوحيد لكلامك وعايز اعرف لو دا صحيح امال احنا على المنتدى بنعمل ايه ؟؟؟؟؟؟؟؟؟؟؟؟؟
المفروض اننا بناقش المشاكل دى؟؟؟؟؟؟؟؟
واحب اقول للبشمهندس الحبار الف شكر على ردك وانا مقدر كل دا ويمكن تقريبا عارفه بس انا اثرت الموضوع هنا علشان نعرف مع بعض ايه الحل؟؟؟؟؟؟؟؟؟؟؟؟
ممكن حد يجاوبنى يا بشمهندس ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟
وياريت محدش يزعل منى الاختلاف للراى لا يفسد للود قضيه
مع احترامى للجميع[/i]

الف شكر يا بشمهندسين على الردود اللى حضراتكم قدمتوها وانا على فكره مش زعلان من كلام حد زي مبيقول البشمهندس وبأبدى احترامى للجميع
وعايز اقول للبشمهندس جودزيلا انا موجهتش اتهام لاى حد او ذكرت اسماء انا بس بستغرب على اللى بيحصل وعايز اعرف السبب
ومعرفش صحة الكلام اللى حضرتك بتقوله ان ميزانية البحث العلمى ف الكليه 1000جنيه بس ولو كان كده يبقى عليه العوض وعندهم حق طلبة المشروع يشتروا تكاليف المشروع على حسابهم

واحب ارد على البشمهندس masa واقله هو يعنى لو عايزين افكارنا تتنفذ على ارض الواقع نروح المكتب اللطيف الظريف اللى مش هبقى عايز اطلع منه لو دخلته ؟؟؟؟؟؟؟؟؟؟؟؟ اوكى؟؟؟بس لو كان هو دا الحل الوحيد عندك
يبقى مع احترامى الشديد ليك ولكل القائمين على المنتدى يبقى قسم(اقتراحات لتطوير الكليه) ملوش اى لازمه ف المنتدى دا المعنى الوحيد لكلامك وعايز اعرف لو دا صحيح امال احنا على المنتدى بنعمل ايه ؟؟؟؟؟؟؟؟؟؟؟؟؟
المفروض اننا بناقش المشاكل دى؟؟؟؟؟؟؟؟
واحب اقول للبشمهندس الحبار الف شكر على ردك وانا مقدر كل دا ويمكن تقريبا عارفه بس انا اثرت الموضوع هنا علشان نعرف مع بعض ايه الحل؟؟؟؟؟؟؟؟؟؟؟؟
ممكن حد يجاوبنى يا بشمهندس ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟
وياريت محدش يزعل منى الاختلاف للراى لا يفسد للود قضيه
مع احترامى للجميع[/i]

اقتباس :: الكلام ده اصح كلام قريته في الموضوع وكافي للرد . وعلي فكرة جودزيلا مش غلطان انما جودزيلا واقعي بعض الشئ . واحب اقول لمن يعترض علي كلام الاخ جودزيلا , لو انت نفسك فكرتك تتنفذ ماتعرضهاش هنا وتسكت , روح اعرضها هناك , متهيألي انت عارف هناك فين . هوه لو مش عارف مكتب جميل ونظيف ومريح وتحس نفسك ماتطلعش منه , اعتقد عرفت قصدي مكتب مين .

اولا يابشمهندس محمد سعد...
احب اشكرك علي مرورك وردك....
لكن بس ليا اعتراض علي كلامك لو سمحتلي...
وانتا وجودزيللا انا بحترمكم جدااااا....
وانتا عارف كده...
لانكم ناس اثرتوا فينا كلنا ..
لكن يعني الراجل غلطان يعني انه نزل موضوع زي كده....؟؟
طب والله الراجل ده يشكر انه فكر في تطوير الكليه..
امال ايه بقي لزمه قسم مقترحات لتطوير الكليه......
طب ماهو اي مقترح هينزل...عاوز يتنفذ..محتاج فلوس..
هوا في تنفيذ من غير فلوس يعني..؟؟
يبقي بقي خلاص نقفل القسم ده...
لعدم وجود سيوله..
من الاخر...
الكليه فيها فلوس ولا لا..؟؟
وفين بتروح الميزانيه...؟؟
شويه الشجر اللي تكرم محمود جعفر السنه اللي فاتت وزرعهم هوا...والبشمهندسين..بعد طلوع الروح..والكلام كان قدامي..الراجل طلعت عينه عشان ياخد فلوس الشجر..
وفين بقي باقي الفلوس...
انا مش بقول يعني انه لا سمح الله الفلوس بتروح في......
لا ..بس في حاجات اسمها اولويات..
يعني المرتبات وكده..
وبعدين بقي الكليه..
لو محتاجه حاجه تتنفذ بقي..
وفالاخر....احب اشكر البشمهندس طارح الموضوع..
والبشمهندس محمد سعد والبشمهندس مصطفي جودزيللا بقولهم ...متشكرين برضه علي رأيكم..
بس انا شايف انه من المفرض انكم يعني تشجعوا كده مش تعارضوا حاجه ممكن تطور الكليه اللي حالها يصعب عالكافر....
ومتشكر جدا ليكم....
وياريت تتقبلوا رأيي....وياريت مش حد يتضايق..

كلام البشمهندس brave_engineer مضبوط لازم نطور من الكلية ونستغل كل شئ

مش كل حاجة مرة واحدة ولكن مرة بمرة
ولازم نبدأ ونجتهد

شكر جزيل للبشمهندس brave_engineer على مقترحاتك ونشاطك

مقترحات مشاريع واماكن غير مستغله فى كليتنا 700120

مقترحات مشاريع واماكن غير مستغله فى كليتنا 700120

كلامك يا بشمهندس brave engineer كويس خالص

وافكارك احلى

وكمان فتحت باب الاقتراحات لكى يبدى كل منا برأيه

وانا مع فكرة البشمهندس ميدو

لان الكافتيريا فى موقعها الحالى سئ للغايه

عشان اللى داخل واللى طالع من الكلية

بيشوف اللى قاعد ع الكافيتريا

واتمنى انى اى حد من المسؤلين يشوف الاقتراحات اللى كتبها بعض المهندسين

ولهم جزيل الشكر

يابشمهندسين
احنا بنتناقش معاكم بردوا تم فتح الموضوع للمناقشه ونحن نعطيكم ما ماهو
موجود من خبرة لنا في الكلية حتى تتضح لكم جميع الامور ارجوكم خذو الاراء
والاقوال بعقول متفتحه وليس مناقشه بين فريق وخصمه نحن جميعا اخوه ونود
جميعا ان نرى كليتنا في افضل حال
نحن لانريد منكم ان تحلموا وتفكروا وتسيروا نفس الخطوات وياتى من بعدكم نفس الكلام يفكروا يصطدموا بالواقع وهكذا وكله محلك سر
ياجماعه
انتم مهندسين فكروا شغلوا دماغكم اعملوا افكار مجنونه ياعنى ناجى لموضوع
الفلوس مثلا ياعنى انتم لو عاوزين تعملوا حاجه طلعوا رحله وزودوا على
تكلفتها 2 جنية شوف لو طلع معك خمسين واحد يبقي انت بقي معاك100 جنية
ياعنى ممكن تعمل بيها وحاجات كتير انت ممكن تفيد وتستفيد بس اللى يشغل
تفكيره ياجماعه احنا في اسرة بداية الافكار ممتازة ونفتقد للبشر معظم اللى
يشتغل في الاسرة بنات الشباب مش معظمهم مش بيرضي يعمل حاجه ياما يكون فيه
مصلحه في الموضوع ياما مش هيعمل طب ده كلام البنات تشتغل والولد تقوله
ساعدنا في حاجه يقولك مش فاضي وتلاقيه صايع اليل كله في الكورنيش وعلى
المضيفه لحد نص الليل
ربنا يهدي الجميع ياشباب

اقتباس :: اولا يابشمهندس محمد سعد...
احب اشكرك علي مرورك وردك....
لكن بس ليا اعتراض علي كلامك لو سمحتلي...
وانتا وجودزيللا انا بحترمكم جدااااا....
وانتا عارف كده...
لانكم ناس اثرتوا فينا كلنا ..
لكن يعني الراجل غلطان يعني انه نزل موضوع زي كده....؟؟
طب والله الراجل ده يشكر انه فكر في تطوير الكليه..
امال ايه بقي لزمه قسم مقترحات لتطوير الكليه......
طب ماهو اي مقترح هينزل...عاوز يتنفذ..محتاج فلوس..
هوا في تنفيذ من غير فلوس يعني..؟؟
يبقي بقي خلاص نقفل القسم ده...
لعدم وجود سيوله..
من الاخر...
الكليه فيها فلوس ولا لا..؟؟
وفين بتروح الميزانيه...؟؟
شويه
الشجر اللي تكرم محمود جعفر السنه اللي فاتت وزرعهم
هوا...والبشمهندسين..بعد طلوع الروح..والكلام كان قدامي..الراجل طلعت عينه
عشان ياخد فلوس الشجر..
وفين بقي باقي الفلوس...
انا مش بقول يعني انه لا سمح الله الفلوس بتروح في......
لا ..بس في حاجات اسمها اولويات..
يعني المرتبات وكده..
وبعدين بقي الكليه..
لو محتاجه حاجه تتنفذ بقي..
وفالاخر....احب اشكر البشمهندس طارح الموضوع..
والبشمهندس محمد سعد والبشمهندس مصطفي جودزيللا بقولهم ...متشكرين برضه علي رأيكم..
بس انا شايف انه من المفرض انكم يعني تشجعوا كده مش تعارضوا حاجه ممكن تطور الكليه اللي حالها يصعب عالكافر....
ومتشكر جدا ليكم....
وياريت تتقبلوا رأيي....وياريت مش حد يتضايق..

ياسيدي الفاضل , انا مش بثبط من عزيمتكم , انا احب ما عليا ان الحاجات دي تتعمل , وصدقني لو فيه بايدي حاجة هعملها وهساعدكم . بس انا اللي بتكلم فيه ان الموضوع اتعرض هنا والناس هترد وتقول وتعيد وتوافق وتعترض وبعدين !!
علي رأي جودزيلا لما نقول يلا نسيب الكلام علي المنتدي وننزل للواقع ونحاول ننفذ مش هتلاقي حد معاك ......... والراجل اكيد صادق لانه جرب وشاف .

انا مش بختلف معاكم في عرض الموضوع .... انا اعتراضي بس علي انه مسيره في الاخر هيبقي عبارة عن ردود وتنساها الناس وتكمل حياتها بعدين ولا كأن فيه حاجة اتقالت .

اتمني تكون فكرتي وصلت . وياسيدي اللي مش عاجبه كلامي لما يحب بنفذ الكلام ده وشايف انه ممكن يحتاجني في حاجة يقلي وانا مش هتأخر .

تقبلوا تحياتي

والله يا جماعه لو فضلنا نتكلم من النهارده لحد بكره محدش حيعمل حاجه ولا حد حيعبرنا يعنى اراء اى طالب بتدخل من ودن وتطلع من الناحيه التانيه وانا بقالى 5 سنين فى الكليه والجايه الساته وبقولك مفيش فااااااايده
بس احنا لو عايزين نغير فى كليتنا يبقى بانقسنا يعنى ايه لو كل طالب فى الكليه اتبرع ب خمسه جنيه بس كل شهر للكليه حنلم مبلغ محترم ونروح نديله للادراه ونقولهم عوزين نعمل كذا وكذا بالفلوس ده حتلاقى حالين بقا قادامك الاول يخدوا منك الفلوس ويقولوا احنا حنعمل كل حاجه وساعتها انسى الفلوس وانسى انى حاجه تتعمل
والثانى يقولوك اتفضل روح اعمل واحنا بنشجعك وده انا بستبعده
عموما خلينا زى ما احنا كدا نخلص سنين الدراسه فى صمت حتى تاتى المعجزه من السمااااااااااااء

mira rora كتب:: والله يا جماعه لو فضلنا نتكلم من النهارده لحد بكره محدش حيعمل حاجه ولا حد حيعبرنا يعنى اراء اى طالب بتدخل من ودن وتطلع من الناحيه التانيه وانا بقالى 5 سنين فى الكليه والجايه الساته وبقولك مفيش فااااااايده
بس احنا لو عايزين نغير فى كليتنا يبقى بانقسنا يعنى ايه لو كل طالب فى الكليه اتبرع ب خمسه جنيه بس كل شهر للكليه حنلم مبلغ محترم ونروح نديله للادراه ونقولهم عوزين نعمل كذا وكذا بالفلوس ده حتلاقى حالين بقا قادامك الاول يخدوا منك الفلوس ويقولوا احنا حنعمل كل حاجه وساعتها انسى الفلوس وانسى انى حاجه تتعمل
والثانى يقولوك اتفضل روح اعمل واحنا بنشجعك وده انا بستبعده
عموما خلينا زى ما احنا كدا نخلص سنين الدراسه فى صمت حتى تاتى المعجزه من السمااااااااااااء

يا بشمهندسة حتي فكرة جمع الفلوس من الطلبة مرفوضة
والرد كان عشان ما يتقالش برة الكلية اننا بنلم تبرعات عشان خاطر الكلية
رغم اني مش شايفة فيها حاجة .. ده حتي لم التبرعات ايام حرب غزة كان فكرة مرفوضة
لو عايزين فكرة تجميع الفلوس تنجح يبقي كل مجموعة اصحاب مع بعضهم يجمعوا ويعملوا بيها حاجة
من غير ما تتدخل الادارة في حكاية تجميع الفلوس
يعني مثلا تبرعات زي كوديرات او دهانات .. ما تروحيش تستأذني انك هتلمي فلوس
لأن ده مبدأ مرفوض .. انما لو رحتي تستأذني تبقي خلاص الفلوس معاكي وتستأذني علي تنفيذ الفكرة بس
وساعتها ان شاء الله ما تلاقيش رفض

وان شاء الله السنة دي نلاقي مشاركة كبيرة في الانشطة المفيدة فعلا للكلية زي يوم الجوالة مثلا
ده لو نص العدد اللي بيحضر حفلة التنصيب حضر يوم الجوالة
كان حال الكلية اتغير من زمان

انا مش ضد حفلة التنصيب ولا معاها .. وانا عن نفسي بحضرها .. بس زي ما بحضرها بحضر يوم الجوالة
وياااارب السنة دي نقدر نعمل حاجة بجد قبل ما نسيب الكلية

وطبعا شكرا لتفاعلك وانا دخلت رديت علي ردك عشان حكاية تجميع الفلوس دي حصلت قدامي
وعرفت ان المبدأ مرفوض

للأسف حتضطروا تنتظروا سنتين كمان لحد ما
تقدروا تطلبوا أى مقترحاات

واشمعنى سنتين بقى !!!!!!!!!!

الحدق يفهم

ولا حول ولا قوة الا بالله

احنا لا عارفين نفلت من الإدارة
في الكلية مبهدليننا
في التخرج مبهدليننا
دخلنا الجيش مبهدليننا
بنعمل ماجستير مبهدليننا
حسبي الله ونعم الوكيل

» صور ملونة من كليتنا .
» كليتنا والالتزام بالوقت
» الشاويش زناتي عميد كليتنا 1-3
» البيت بيتك.......يوميات من هندسة أبوالريييييييش......
» الف مبروك للباشمهندس مختار على لتعيينه معيد شعبة قوى والات ف