eldowy36
مهندس بيشارك كويس
عدد المساهمات : 67
تاريخ التسجيل : 05/05/2009
العمر : 34
رقم العضوية : 3400
Upload Photos : 
 |  موضوع: سندرلا نيو لوك 2009  الأحد 30 أغسطس - 7:34 | |
|
طبعا محدش يقدر يغير فى قصة السندريلا لكن كل حاجه فيها تجديد اشمعنا بقى السندريلا ناقصه
جزمه مثلا ما الامير لقاها وبقيت عال العال.
___________________________________________
تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يابنت ال ........ بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط وتئوأء
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطط الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
خرجت سندريلا من البيت لقت الساحره مجهزة عربية هوندا ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى
| |
|
Eng Assad
عضو بدرجة مهندس إستشارى
عدد المساهمات : 2859
تاريخ التسجيل : 21/06/2009
العمر : 34
الموقع : في البيييييييييييييييت
الأوسمه : 
Upload Photos :
| | موضوع: رد: سندرلا نيو لوك 2009 الأحد 30 أغسطس - 9:46 | |
| مكرر ياابو يوسف للاسف...
بس طبعا نشكرك وكفايه مجهودك
| |
|
eldowy36
مهندس بيشارك كويس
عدد المساهمات : 67
تاريخ التسجيل : 05/05/2009
العمر : 34
رقم العضوية : 3400
Upload Photos :
| | موضوع: رد: سندرلا نيو لوك 2009 الأحد 30 أغسطس - 9:49 | |
| ايه يا اسد انت مستعندني طيب اعمل نفسك مش واخد بالك مجاملة ليا يا خي هههههههههههههههههههههههههههههههههههه | |
|
Eng Assad
عضو بدرجة مهندس إستشارى
عدد المساهمات : 2859
تاريخ التسجيل : 21/06/2009
العمر : 34
الموقع : في البيييييييييييييييت
الأوسمه :
Upload Photos :
| | موضوع: رد: سندرلا نيو لوك 2009 الأحد 30 أغسطس - 9:58 | |
| - eldowy36 كتب:
- ايه يا اسد انت مستعندني طيب اعمل نفسك مش واخد بالك مجاملة ليا يا خي هههههههههههههههههههههههههههههههههههه
ههههههههههه...
حظك ياعم انك بتنزل مواضيع انا شاركت فيها قبل كده...
عموما ...خلاص ياعم انا هعمل نفسي مش شايفك...وهنفض..
ههههههههههه...
عموما قبل ماتنزل موضوع....اختار بحت من فوق...واكتب اسم الموضوع اللي هتنزله..وشوف لو كان نزل قبل كده ولا لا..
وبعدين ياعم...انا ياااااااما نزلت مواضيع مكرره,,
يعني ولا يهمك..
كل سنه وانتا طيب ياجمييييييييييل..
| |
|
