موسوعة أمثال عربيات النقل

نقل.. ميكروباص.. مقطورة.. ملاكي .. توك توك ... كله بيتكتب عليه.
هنا ممكن نعمل موسوعة للجمل الظريفة والحكم والأمثال اللي بيكتبها
السواقيين على عربيات النقل: سواء نقل ركاب زي سيارات الأجرة (الميكروباص
والتاكسي والتوك توك) أو نقل بضاعة زي سيارات النقل (النص نقل والنقل
واللوري)أو الملاكي كمان. مش بس في مصر لكن في كل مكان

متبصليش يا عبيط أنا جايبها بالتقسيط
العين صابتني و رب العرش نجاني
الحارس الله
عضة أسد ولا نظرة حسد
عايزينك يا بابا- , وائل و رشا
خدي بالك من الواد، انا نازل يا سعاد
إذا كان من الموت بد، فلتموت في سبيل من تحب
التدخين ممنوع
إذا كان من حقك أن تدخن فمن حقي أن أستنشق هواء نظيفا
مركز صيانه كريازى و كريازك و كريازنا كلنا
الأمورة هبه
الأمير تامر و البرنسيسة منار
الأجرة لو سمحت
سوق على مهلك يا بابا.
حمو لما يدلع يخلى الاسفلت يولع
متجريش ورايا اختك راكبه معايا
ياتهدى ياتعدى
أوعى تبصلي يا أبو عين وحشة،
ما تبصليش يا عبيط ده أنا جايبها بالتقسيط،
ما تبصليش بإشمناط الحلوة عليها أقساط،
ما تبصليش بعين رضية بص في اللي اندفع فيّ،
الحلوة مش ورث دي جاية بطلوع الضرس،
خليها على الله،
الطمع له ناسه والحسد برضه له ناسه.
دي مش دبابه ..... دي رزق الغلابه
الحلوه خوخه ... جت بعد دوخه
الحلوه كايداهم... وإللى جايباهم وخداهم
أنا وأنت وهما ... ومحدش عارف حاجه
يا ناس ياشر كفاية أر
هذا من فضل ربى
في السودان بقى قرأيت دي مكتوبة على ركشة (يعني توك توك بالمصري):
انزف يا جرح ما دام العلاج ما في
في السودان كلاكيت تاني مرة:
لو نظرت نظرة حسد هشكيك للواحد الصمد
لما الناس تسيب الناس يبقى العشرة مافي
عين الحسود صابتني ورب العرش نجاني
ي التأني السلامة وفي العجلة الندامة
مفيش صاحب يتصاحب
لو فيه غراب أبيض يبقى فيه صاحب يتصاحب
على مسئولية اللي كاتبها على العربية:
إذا كان الشيطان أستاذ الرجل فهو تلميذ المرأة
للبيع بجد
اللي ينسي اصله وماضيه خسارة النصيحة فيه
لو ابوك صعيدى متخفش
لو باض الديك مش هعديك
حمادة زكي المفش,الشهير بعلاء السيد حمودة
سوقوا بالراحه يابهايم أصل سواق العربيه نايم
عايزين همة ..... ياعالم يارمة
الحلوة تفاحة للسفر والسياحة
الرجاله مواقف والنداله دروس

حلوه يا أسطى

أه سورى حلوه يا جودز

جايبهم من فين دول

ENG_GODZELA كتب:: متبصليش يا عبيط أنا جايبها بالتقسيط
عضة أسد ولا نظرة حسد
عايزينك يا بابا- , وائل و رشا
خدي بالك من الواد، انا نازل يا سعاد
الحلوه كايداهم... وإللى جايباهم وخداهم
عين الحسود صابتني ورب العرش نجاني
إذا كان الشيطان أستاذ الرجل فهو تلميذ المرأة
اللي ينسي اصله وماضيه خسارة النصيحة فيه
لو باض الديك مش هعديك

انت كنت واقف في موقف ايه يا بشمهندس ههههههههههه جامد جداااااا

ههههههههههههههههههههههههههههههههه ايه يارجاله انا ومسافر اسكندرية الصيف ده باتوبيس الجامعه طول وانا ماشي على الطريق كنت بشوف اكتر من كده ودول حبة حاجات كنت قريتهم قبل كده ولسه فيه كتير
وياريت اى حد يقرا حاجه جديدة ينزلها لنا هنا اهو خلينا نشوف

لا فعلا جامدة ابقى احفظها للتباعين اصحابى اقصد اللبنتشاكل انا وعلى معاهم هههههههههههههههههههههههههههههههههههههههههه
شكرا يابشمهندس موضوع جاامد يابرنس

امثال جامده والله
بس اليومين دول
اللي اغرب من الامثال هما السواقين

سولار فى التنك ولا مليون فى البنك
عضة اسد ولا نظرة حسد
سلام يا بلد الكلام
الرجولة مواقف والندالة دروس
لو كان الرزق بالجرى ماكانش حد حصلنى
اللى يخاف من العفريت يعمل عبيط
المضطر يركب التاكسى
الباشا مش تلميذ
بكره ترجع ريما من عند خالتها فى مارينا
دى قصة كفاح مش جاية على المرتاح
ما تبصليش بعين رضية ده انا طلع عين اهلى فى السعودية
الحلوة من دمياط وعليها اقساط
الحلوة من حلوان وصاحبها راجل غلبان
إيسوزو النوزو كوانونزو
من حق التقيل يتدلع
ان عيشت هزلكو وان مت ربنا يسهلكو
شوفو الجديد يا بلد التقليد
تركب معايا اسليك تنزل اولع فيك
لما كنت عصفور اكلونى ولما بقيت اسد صاحبونى
تعمل حسابى اقدرك تهزر معايا اعورك
الحلوة تفاحة للسفر والسياحة
دلعها فى الغيارات وريحها على المطبات
ماتقولش دى بكام دى جت بدهب المدام
الحلوة لما تدلع تخلى الاسفلت يولع
الحلوة خوخة جت بعد دوخة
ما تبحلقش كده يا لوح دى جت بطلوع الروح

ماتبصليش كده يا عبيط الحلوة دى بالتقسيط
مافيش صاحب يتصاحب
عتاب الندل اجتنابه
جبنا المازدا وجيبنا الزيت وهى عليها خراب البيت
اللى امه تدعيله احسن من اللى امه تديله
لو كان الجرى بالرتب كان زمانى لواء