لو عايز تعرف معني توقيعي ادخل هنا

ونبدأ مع صورة نفسي افهم بتدل علي ايه
ولا صورة مين

eng_ghost





وتوقيع حسام

اقتباس :

من الصعب .... ان تكتب لمن لا يقرأ لك ... وان تنتظر من لن يأتي لك .... وان
تحب من لا يشعر بك .... وان تحتاج إلي من لا يحتاج لك ..... من المؤلم ان
تحب بصدق .. وتخلص بصدق ..وتغفر بصدق .. وتصدم ف النهايه بموت كل الصدق
الذي قدمته ... و ان أجمل لحظات العمر كانت سراااااااابا

جمييييلة بجد الكلمات دي
وبلاش اسألك كاتبها ليه

فعلا فكره هايله
انا كان نفسى اقدمها بس مش عرفت اقدمها بأي شكل
فعلا انا كان نفسى الراجل الهندي عند البشمهندس اسماعيل دي

كويس مش انا لوحدي اللي ما اعرفش الراجل ده
انا خوفت يطلع مشهور وانا اللي مش عارفاه


كنت عايزة اضيف طريقة سهلة عشان نعمل كوبي للصور
لو عايزين الصورة بس من التوقيع مثلا او من الصور الرمزية
بالنسبة للانترنت اكسبلورر
ندوس كليك يمين علي الصورة ونختار properties
وبعدين نعمل كوبي للعنوان زي الصورة دي



وفي الفاير فوكس
ندوس علي الصورة كليك يمين ونختار Copy Image Location
علي طول


وبعد ما نعمل كوبي نحطها في الرد بتاعنا علي طول
زي أي لنك صورة معانا من زرار ادخال صورة

أعتذررررررررررر كعادتي دايما عن التأخر ,,, وبجد مش عارف أقول أيه



أولا أحب أحيي بشمهندستنا أميره علي الموضوع الأكثر من رائع ده




وثانيا ,,,, بالنسبه للصوره الشخصيه ,, فهي فعلا زي ماقالت بشمهندستنا زهره أن ده ممثل هندي والصوره فيلمه الأكبر والأضخم ( جودا أكبر ) ,, وقصة الفيلم بمنتهي البساطه هي

اقتباس :

يحيي فيلم هندي جديد قصة حب بين إمبراطور مغولي مسلم وأميرة هندوسية توجت بالزواج وشحذت خيال فناني الفولكلور الشعبي على مدى قرون.
ظلت قصة الحب التي جمعت بين الإمبراطور جلال الدين أكبر والأميرة هيرا كونواري موضع إعجاب في الهند طيلة 450سنة. ويقول العاملون في فيلم (جودا-أكبر) إنهم يريدون أن يظهروا كيف نجح الحبيبان في تحطيم الحواجز الثقافية والدينية.

أما بالنسبالي ,,,, فأنا يكفيني أن الفيلم يعطي صوره حسنه عن الإسلام والمسلمين في وقت أحنا في أمس الحاجه ولو لشمعه تنور صورتنا أمام العالم ,,, وأن الإسلام دين تسامح وليس إرهاب



وعموما أنا الصوره الشخصيه دي بغيرها برضو حسب الظروف والتقلبات المزاجيه




عموما انا بحب أحطها لأبطال في فيلم معين ليه هدف أو معني لفت نظري ليه ,,, وأحب أن باقي الناس لما تبص لصورتي الشخصيه تفتكر المعني او الهدف ده ,,,, علي امل انه ممكن ينفع حد !!





مره تانيه وعاشره ومليووووووووووون أعتذر عن التأخر في الرد ,,,,,








وبجد موضوع أكثر من رائع









وأيوه كده ,,,,,,,,,,, عاوزين نشاط أكتر وأكتر ,,,,,,,,, ,,,,, وننتظر الجديد دائما منك

وأخيييييييرا اتحل اللغز

وعرفنا الراجل الهندي .. اللي طلع حكاااااية

وما تعتذرش عن التأخير
اساسا الموضوع للترفيه يعني كل واحد براحته فيه
اي توقيع او صورة رمزية تعجبنا
نحطها هنا عشان نحتفظ بيها



والنهاردة شوفت صور رمزية عجبتني جداااا
وهي ظاهرة بتنتشر في المنتدى بسرعة
وهي صور الأطفال في الصور الرمزية للأعضاء

مع ميرا


وحسين



ايه العيال دي يا جمااااااااااعة
ما شاء الله عسسسسسسسسسسسسسسسل

ممكن تكون صورهم وهما صغنطاطين؟؟؟؟

انا بقى عاوزة اعرف معنى توقيع البشمهندس
all star

السلام عليكم الاول.............بالنسبة للصورة فدى للمثل الاميركى جونى دب Johnny Depp والشباب اكيد يعرفوه باسم الكابتن جاك سبارو فى فيلم قراصنة الكاريبى


الحقيقة هو عاجبنى لكذة حاجة.........لكن اللى شدنى ليه فى الاول بسبب رفضه الصارم لحرب العراق....ووصف اميركا ساعتها بالكلب الضال اللى ممكن يعض اى حد وفى اى وقت....من الاكيد انه مش قدوتى لكنه شخصية انا معجب بيها جدا وفيا كتير اووى منه

دة يا سي إسماعيل

صورة لرسالة خطأ من ضمن أخطاء الأوراكل ORacle Exceptions

اللى كنا شغالين به في المشروع بتاع التخرج

والاوراكل معروف انه له قاموس كامل بأخطاء والأخطاء بالأرقام
وعشان تعرف الخطا دة ناتج عن ايه ولا ايه ولا ايه بالظبط

بندخل على موقع اسمه ora-errors

وبنعمل بحث عن رقم الإررور وبنعرف مشكلته ايه

والأخطاء دى في منها نوعية

FRM forms builder errors
ومنها

ORA oracle DB errors

ومنها

REP oracle reports errors

فاحنا اتخنقناااا ومخنا تعب قوووووووووووى من كمية الأخطاء والحلول
وطبعاً الكلية كانت موفرة لناكل سبل المساعدة وفصلو النت عن المعامل
شهر المشروووع
ربنا يكرمهم يا رب

ومرة واحدة ظهر لنا خطأ بيتكون من 5 تسعاااااااات
في الفورمز بيلدر

ودة اخر خطا في قاموس أوراكل للفورمز بيلدر

واحنا اعتبرنااااااه نتاج رائع

لجهودنا اننا وصلنا لأخر اخطاء أورااااااااكل وعرفنا نحللله كمااان ونعرفه وحدنااا
بس انا موووش فااكر هو كان على ايه بالظبط
بس هو كان خطا كارثى يعنىىىىىىىىىىى

واتصورنا كلنا جانبه وخدنا ايمج من السكرييييييين

وحطيته ع المنتدى كتوقييييييييييع




بسسسسسسسسسس

دة توقييعى