عام دراسى سعيد باذن الله وعاوزين نعرف اخبار البشمهندسين ايه فى اجازه صيف 2009

السلام عليكم ورحمه الله وبركاته

حبيت اكتب موضوع صغير لكن إن شاء الله الردود تكون كتيره عليه وفعاله بإذن الله

حبيت بمناسبة قدوم العام الدراسي الجديد يوم السبت بإذن الله

عاو زين كل واحد يعمل تقييم لنفسه

على أساس

عمل إيه في إجازة صيف 2009

وناوى يعمل إيه في العام الدراسي الجديد

الى ربنا يكرمنا ويبدأ بدون أنفلونزا لا طيور ولا خنازير إن شاء الله.

ويكون عام دراسي سعيد على جميع الطلبة بإذن الله.

عام دراسى سعيد باذن الله وعاوزين نعرف اخبار البشمهندسين ايه فى اجازه صيف 2009 860511

اولا كل سنه وحضراتكم جميعا بخير ويارب يكون فعلا عام دراسي سعيد علينا كلنا

انا بالنسبالي كان صيف2009 أحسن صيف في حياتي ويليه صيف2006
والسر في كده ان الصيف ده كان مليان رحلات كتيييييييييييير ودورات تدريبيه
والواحد لأول مره شعر بأنه مش محبوووس في البيت
ده بألعكس دأنا مقعدتش في البيت كتير
غير كده الواحد حاسس انه اكتسب خبره كبيره واستفاد الحمد لله يعني
وكل سنه وانتو طيبييييييييييييييييييييييييين

السلام عليكم ورحمه الله وبركاته

كل عام وانتم بخير بمناسبه بدء العام الدراسى الجديد.

وان شاء الله يكون عام ملى بالتفوق والنجاح لكل الطلبه.

الحمد لله أنا خريجه دفعه 2008

يعنى بدأت في السنة الثانية من وقت التخرج

والحمد لله اخدت دوره

ICDL

وربنا يكرمني وامتحنها

والحمد لله اشتغلت في شركة مصر لإعمال الاسمنت المسلح

وربنا يكرمني إن شاء الله واخذ خبره كويسه في هذه الشركة.

وشكرا لـMR M

على المشاركه

أولا ,,,, عام دراسي جديد عليكم وان شاء الله يكون وش السعد عليكم

ثانيا ,,, ألف مبروك يابشمهندستنا علي الـ ICDL مقدما والشغل ,,, ,,,, وخلاص بقي مافاضلش غير العريس !!

ثالثا ,,,,, بالنسبالي الصيف كان صيف مختلف شويه ,,, يعني

1) قدمت علي منحه مقدمه من وزارة الصناعه ,,, للمهندسين والفنيين ,,,

المنحه دي فيها انا بشوف سنتر هندسي بيدي دورات هندسيه وانا ادفع فقط 10% من التكاليف والباقي تدفعه الوزاره ,, ولما أخلص الدوره شهادتها تطلعلي من وزارة الصناعه نفسها ( كانها دوره معتمده )
وقدمت فيها علي دوره توتال استيشن ودورة تشطيبات وبريمافيرا ,,, والحمد لله عملت مقابله ,, ودلوقتي بحضر دورة التوتالاستين ودفعت فيها مبلغ وقدره 60 جنيه فقط والوزارة دفعت باقي المبلغ 540 جنيه ,,,,

وربنا يسهل وأخد الباقي ,,,, وطبعا جميع المواعيد تبدأ من الساعه 6 مساء وحتي 10 ,,, 3 ايام في الاسبوع ,, تعب أه ,, بس اللي عايز يتعلم هيستحمل

2) أيضا في هذا الصيف تم وبحمد الله الأنتهاء من جميع امتحانات الدبلومه اللي بحضرها في الأكاديميه البحريه (دبلومة تشييد وادارة مشروعات) ,,, والتقدير العام (B-) يعني جيد ,, وفاضللي بس المشروع ,,, وان شاء الله هانت !!

3) أيضا في هذا الصيف اخدت دورة سلامه وصحه مهنيه ,,, معتمده من الأوشا (وزارة السلامه والصحه المهنيه الأمريكيه ) وطلعلي بيها كارنيه من هناك بأسمي !! ,,,,

لأني مش هشتغل مهندس سلامه ,, لأ انا مهندس مدني بس عندي خلفيه عن السلامه في الموقع وسلامه المعدات والأجراءات الأكثر من بسيطه اللي لو عملتها في الموقع هتوفر معايا حاجات كتييير أوي ,, أحسن من اني استني المصيبه تقع وبعد كده اقول وانا مالي !!

4) أنا حاليا شغال في مكتب أبوشبانه للمقاولات ,,, ودول ناس مشهود لهم بالخبره والباع الطويل جدا في الأنشاءات ,, وشغال معاهم في فندق بيتبني في الكينج مريوط فندق تشطيبات 5 نجوم ,,,, والحمد لله انا ابتديت مع أول المشروع من الحفر ,, ولما المشروع بيقف بنقلب في الموقع مكتب فني وبنعمل حصر وبتعلم الحمد لله حاجات كتير وبستزيد خبره
صحيح يوميا بطلع من بيتنا 7 وادخل بيتنا 6 مساء ,,ولله الحمد مبعرفش اطبخ وماليش نفس علي الطبيخ وغسل الصحون والكلام ده ,,,, بس برضو أهي فتره مؤقته لغاية ما أخلص خالص اللي ورايا في الأسكندريه ,, وأرجع بيتنا الحبيب في كوم أمبو وأستقرررر هناك ,,,,

ومعلومه أخري ,,, تم بحمد لله فتح مكتب هندسي انا دخلت فيه شريك مع بعض زملائي المهندسين في كوم أمبو ,,, ودي خطوه ربنا يسهل ونقدر نكملها !!

عموما ومره تنايه موضوع حلو أوي يابشمهندسه ,,, وربنا يوفقك ويوفق جميع المسلمين ان شاء الله

اسماعيل أمين محمد احمدالريس ,,,, دفعة مدني 2008 ,, هندسة أسوان

صيف مش بطال
دورتين ورحله لسكندريه اظن انه مش بطال

شكرا لمروركم الكريم يا بشمهندسين على اشتراككم الايجابى فى الموضوع

ويا ريت نلا قى مشاركات كتييييييييييييير زى مشاركات البشمهندسين معانا
وده كله عشان نتعرف على المفروض يتعمل فى الاجازه.
يعنى انا الصراحه شاكره جدا للبشمهندس اسماعيل على مشاركته معانا لانى شوفت ايه الكورسات الى هو اخدها عشان انا نفسى اخد الكورسات دى ان شاء الله.
وشكرا لكل اللى شاركوا فى الموضوع
MR M
eng- ghost
THE ONE

حضرتك بالنسبه للكورسات اللي أخدتها فأنا رفعت مذكرة الدوره بتاعة التوتال استيشن ورفعت حاجات كويسه في التشطيبات لوحضرتك عايزه تلقي نظره عليهم

هتلاقيهم في الموضوعين دول [ندعوك للتسجيل في المنتدى أو التعريف بنفسك لمعاينة هذا الرابط] و [ندعوك للتسجيل في المنتدى أو التعريف بنفسك لمعاينة هذا الرابط]

أتمني أنهم يفيدو حضرتك وباقي أعضاء منتدانا

و أن شاء الله أي جديد هتحصل عليه , ربنا يوفقني وان شاء الله رغم المشاغل أني أقدر أرفعه علي المنتدي عسي انه ينفع الناس

,,, وربنا يوفقكم جميعا

والله الموفق

مشكورررررررررررر اخى البشمهندس اسماعيل

على مجهودك الرائع .
وشكرا لكرم اخلاقك

مشكووووووور يا بشمهندسه

» افضل شرح للشبكات باذن الله(صوت وصوره)
» كيف نعرف اننا نحب؟؟
» هات ودنك ......بس ولا كاننا نعرف بعض هه
» تم بحمد الله الإنتهاء تقريبا من إستايل ما بعد العيد 2009
» تم بحمد الله الإنتهاء من إستايل عيد الأضحى لعام 2009