#@$ باركوووووووولى ومبروك عليك يا منتدى _ بقى لك ظابط في الجيش #@$

بعد شهرين من التخرج
ما خدناش فرصة اننا نفرح بشهادة التخرج ولا حتى نقراها بتمعن
لاننا خدناها بسرعة بعد صدامات مع إدارة الكلية
عشان نخللص ورق التجنيد ونكمممممله في وصلات من الذل
والقرف والإهانة عند موظفين الحكومة وعساكر البندر و شيخ البلد
وطوال شهرين من قبل الأن كنا ولاد بطوطة في رحلاتنا القارية
ما بين أسوان وقنا والقاهرة نختبر ونشوف نتيجة
6 مرات رايح جاى أسوان قنا
3 مرات رايح جاى أسوان القاهرة
وياترى بقينا عساكر ولا ظباط ولا مفيش
وكل الناس بقت تتمنى انه يكون عندها امراض عشان تطلع من الذل اللى هى فيه دة
وفي الاخر الحمد لله خلصناااااااااااااااااااااا

وثبتت الرؤية وظهر ان مصر محتاجاااااااانا جداً عشان نكمل اعداد كام نفر
مطلوبين في ملأ السجلات الإدارية وعايزاهم يكرهوا البلد بدرى بدرى قبل حتى ما يشقوا حياتهم
بعكس الناس كلها _ لا طلبنا ان الدولة تشغلنا ولا فكرنا في حاجة زى كدة
ولا فكرنا انها تقوى تعليمنا ولا تقوى ايماننا وولا عايزين منها حاجة

انما ازاااااااااااااى _ لازم الدولة تقضى عليك وتضيع مستقبلك ومستقبل دكاترة ومهندسين
مابيفكروش يقضوا حياتهم في الجيش الروتينى البغيض

واخيراً ثبتت الرؤية واطلقوا أسامينا بتخصصاتنا المطلوبة لنكون في أيدى الجيش المصرى
3 سنوات _ تاركين اهالينا اللى حنشوفهم فين وفييين _ وصابرين على ذل ناس أقل منك علماً
واخرهم اعدادية ولا معاهد لكن قداااااااام عنك في الجيش
وتنسى كل امالك واحلامك في تكوين مستقبل معين، وتشتغل في مجال بتحبه
او حتى تحلم ...........

فهلا بالتجنيد الإجبارى
اللى محترم جداً وماينفعش معاه غير الوسائط الجامدة جداً والقريبة لييك
يعنى لو أبوك ظابط في الجيش يبقى براحتك يا باشا
عايز تدخل كلية حربية ندخلك
مش عايز تدخل التجنيد نطلعك
انما لو والدك مهندس أو دكتور _ فانت بالنسبة لنا من عامة الشعب
وحتاخد على دماغك انت واللى ،،،،،،
ونمرمطك براحتنا زى ما احنا عايزين _

واخيراً يا ااخواننا حنروح كلية الظباط تاركين حالناا ومالنا وبيوتنا
لقضاء 9 أشهر من اللياقة البدينة والانضباط والمهانة والذل والروتين والتفتيش
منهم أول 45 يوم ربنا يعديهم على خير بسمع انهم تكفير عن ذنوب 45 سنة

و اشوفكم بعدين بقى يا جماعة ان شاء الله _ حتوحشوووووووووووونى كتييييييييييييييير جدا
دى كانت أجمل الفترات في حياتى اللى قضيتها في الكلية ومعاكم في المنتدى
انا خلاص مسافر بعد بكرة كلية الظباط في كوكب فايد العجيب في الإسماعيلية
ابعتولى مواساتكم بقى على ص ب كلية الظباط
فرع مصر الحبيبة _ بحبها قووووووووووووووووووووووووى
ومستعد أموت نفسي عشانها بس لحاجة مفيدة وقيمة

انما من اللى شفته واللى حشوفه _ مش مستعد أعمل لها أى نيييييييييييلة
ولو حيحصل ايه !!!!!!!!!!!!!!!!!!!!!!!!!!!!!

الإجبار دائماً غلط وبيجيب نتائج عكسيةةةةةةةة

ونصيحة لكل الشباب اللى حيختاروا التخصص
" ما تدخلش حاسبات الا لو كنت وحييييييييد أو عندك مصائب طبية
أو حابب تكون ظابط حربية بس طلعت من كشف الهيئة عشان واسطتك مش جامدة
فانت حتدخل في التجنيد عشان واسطتك مش جامدة
"
ولا حول ولا قوة الا بالله

أروح انا بقى _ ألم عدتى وألمع جزمتى وأحلق دقنىى خالص وشعرى خالص
واتعود ع الصحيان بدرى قبل الفجر وانام الساعة 10 واحترم اللى اكبر منى في الرتبة
حتى لو كان من ذوات ال 60% ثانوية عامة

وجاتها نيلة على الهندسة = لا جابت لنا حاااجة _ جابت لنا وجع القلب والقرف

وبشكررر باشمهندس محمد عبد الحميد _
انا زهقته في أسئلتىىىى كتيييييييييييييييييييييير عن التجنيد_
وكنت اتمنى امشى على خطاك بس للأسف طلعت اوت يا باشمهندس
وانا حكمل المشواااااار في الناحية الشمال
وبشكر كل الناس اللى صبرتنى وواستنى في المشوار
دة كله من اوله حتى النهاية
في كل حتة
أهلى ( اللى حيصرفوا عليا من تاااااااانى )
وخطيبتى (اللى مشحططها معايا من بعد التخرج )
وقرايبى وأصدقائى في المدرسة
وفي الكلية وفى المنتدى و ع الفيس بوك

وبشكر الحبار على ثقتة الجامدة في وجودى مشرف ومراقب عام
لحد دلوقتى رغم انشغالى بسفريات التجنيد الوقت دة كله
وبعتذر له _ وبعتذر عن الإشراف عن الأقسام اللى ماسكها دلوقتى _ واتمنى
ان اى حد يمسك الأقسام دى _ ويزودها وبجد حيستفيد جدأ ومش حيبقى مضيعة للوقت
التعليم الخارجى مع نفسك أفضل كتييير من الشغل الأكاديمى

وصحيييييييييح قبل ما أنسى ان حيدخل معايا كلية الظباط حبيبكم
" طارق عادل " Sewar
البعيد عن المنتدى منذ فترة
متاخر عن دفعته حيدخل معانا الدفعة 137 قوات مسلحة

الجيش ال الميدانى _ وان شاء الله
اعمل موضوع يوميات مهندس حاسبات في متاهات التجنيد المصرى
بس لما الدنيا تروووووووق وان عشنا ان شاء الله .

وبحب اقول للدكتور عبدالله _ ان القسم اللى هو حاسبات اللى حضرتك
كنت بتتريق عليه وبستتفهه وبتقول علينا بتوع الفيروس ومش عارف ايه !!!!!!!!

دة أهم قسم مطلوب في الجيش ورقم واحد على كل الأقسام اللى بعده
وانا حلاقيها في الكلية ولا في الجيش ولا فييييييييييييييين
يارب ارحمنى

ونهاية بحب أعتذر ل zyke_egyco
باشمهندس زكريا
أيام زمان لما كنت بتخانق معاه
عن رأيه في البلد لانى انا دلوقتى معاه 100%

و للأسف انا عايز الجزائر تفوز
على مصر في موقعة 14 نوفمبر
وعايز أندية طلائع الجيش
وحرس الحدود والإنتاج الحربى
يهبطواااااااااااااااااااااااااااا
ويدمرواااا خالص

كان معكم يحيي ممتاز
الدفعة 137
قبل ما يروح كلية الظباط الإحتياط
متمنى منكم الدعاء
ومتمنى من الله ألا ينقضي مستقبلى
رأساً على عقب
وتبقى البركة في أم الدنيا مصر

سلام بقى ألحق أقعد لى يومين مع أهلى

I'll miss you montada

وماتشيلوش همى
انا الحمد لله كويس
واتعايشت مع الموقف
وماحد عارف الخير فين
وانا كلى ثقة في الله تعالى
ان اللى جاى احسن ان شاء الله

باركووووووووووووووووووووووووولى
بقى
بقيت ظابط احتياط

لمزيد من التفاصيل عن كلية الظباط الإحتياط
في كوكب فايد العجيب

من هنا

ولرؤيتنا على جوجل ايرث

من هنا

[quote=YeHi@$MmZ]

و للأسف انا عايز الجزائر تفوز
على مصر في موقعة 14 نوفمبر

[/quote]

والله بجد أنا زعلان جدا جدا جدا أنك حتخش الجيش

وعلى فكره أنا شوفت العذاب بتاعك دا مع خالى ف أول السنه دى وبجد أنا حاسس بيك واللى بللى حيحصلك ف ال45 يوم الجايين دول ربنا يهونهم عليك يارب

بس ليا طلب عندك والنبى وبالش تدعى على مصر الدعوه دى بالذات أو تتمنها .

والله مش عارف المنتدى كدا حيبقى شكله بايخ ومش حلاقى حد زملكاوى أضايق خاصة بعد ما أنقرضو من المنتدى تماما

ف الأخر ربنا يصبرك و يهون عليك الأيام الجايه

السلام عليكم ورحمة الله وبركاته

قدر الله وماشاء فعل
"وعسى أن تكرهو شيئاً وهو خير لكم وعسى أن تحبو شيئاً وهو شر لكم"
هكذا قالها الله تعالى فى القران الكريم.

لا شكر أخى يحيى فأنا لم أقدم إلا بعض ما مررت به ولكن جاءت مشيئة الله معى أن أجند كعسكرى فى القوات المسلحة فى أخر يوم لى
وكانت مشيئة الله معك أن تكون ضابط احتياط ولكن ليس معنى ذلك أن العالم قد انتهى وأنه قد تحطمت كل الأمال فالنصيحة أن تحسن استغلال هذه الأيام فهذا هو واجبنا نحو الوطن شئنا أم أبينا أن نؤديه.
وسوف تمر هذه الأيام على خير إن شاء الله تعالى وسوف تذكرها بكل سعادة بعد ذلك.
فهناك الأمثلة الكثيرة لمن كانو ضباط ومش هنروح بعيد عندنا فى الكلية معظم دكاترة حاسبات وبعض المعيدين والحمدلله وضعهم الآن كما تعلم فليس هذا هو نهاية المطاف ولكن هو بداية تكوين حياتك الشخصية وإن كانت تلك البداية فى خدمة الوطن.
فكن مع الله ولا تيأس انت ولا أى من يمر بهذه الفترة وانها لأيام وسوف تمر ان شاء الله.

وفقكم الله جميعاً.

السلام عليكم

إزيك يا يحيى لعلك بخير إن شاء الله

شد حيلك يا بطل والحمد لله على كل حال ومتبصش للسنين إنها كتيرة وتحسس نفسك

بضغط يخليك تكره حياتك والأيام وحاول تفتكر دايما إنك إمبارح كنت فى ثانوى وأهو

النهاردة ما شاء الله مهندس وبكره هتخلص ظابط والتلات سنين يعدوا هوا وإحمد ربنا

إحنا فى عهد سلام لأن جوز عمتى فضل خمستاشر سنة فى الجيش بس وحارب فى جميع

الحروب وكان بينزل أجازة كل تلات سنين فما بالك أنت يا باشا ويا ظابط واللى هتاخد

مرتب وإن شاء الله هتشتغل فى مجالك وتبقى مرتاح بغض النظر عن أول أيام يعنى !

إن شاء الله نسمع عنك خير وخللى بالك ناس كتيرة بتتجوز وهيا فى الجيش وتعيش

حياتها والشقة بقت إيجار والدهب إيجار والتلفزيون والغسالة بالتقسيط المريح والأجازة

عشر أيام كل تلاتين تقريبا ومرتب كويس مش وحش يعنى معندكش حجة يا عم

والحياة محتاجه اللى يفهمها ويتأقلم عليها وربنا يصبرك ويصبرنا برضو ما احنا هنا

فى معتقل والجيش أرحم والله من اللى بيحصل.

بالتوفيق مره تانية وأبقى طمنى عليك إن شاء الله وابقى طمنى برضو على مصر وشوف

أقفل الشباك كويس ولا أسيب الباب مفتوح وانام مطمن ولا إيه النظام ؟؟

والله الموفق

ترجعلنا بالف سلامة ان شاء الله
ربنا يوفقك يا بطل

يعني خلااااااااااص

أقدر أنام متطمن ,,,قرير العين ياولدي

يويو باشا في الجييييش

طبعا انا متأكد من ان الجيشكله هيبقي زملكاوي وانت هناك ,,, ولا فيه شك وحقن في الموضوع ده

عموما ,,, أنت بج هتوحشنا خالص ,,, وماتخافش

بص لنص الكوباية اتاني

انت وفي الجيش هتاخد دورات وهتتعلم وهتحترف وبج شخصيتك هتتغير 300% يابطل

ده غير انك بتطلع بشهادة خبره من الجيش بال3 سنين بتوعك اللي ان قعدتهم

ودي لوحدها تسوي في اسي في بتاعك أوييي

عموم شد حيلك ,,,, وابقي خليك متابع معاعالفيس بوك ولأيميل

وربنا يوفقك

تسلمواااا لى يا شباب كلكم على المؤازرة الجماهيرية دى
وانا حتابع معاكم دائماً ان شاء الله
ولو كنت قلت على ماتش الجزائر حاجة
فدة من ورا قلبى أكييد
مين عارف ممكن لو مصر فازت ناخد اجازة

و خلاص بقى يا أخواننا
تقدروا تناموا والشبابيك والأبواب مفتوحة
مصر بقت في امان من الأن

وأنا الحمد لله لقيت منتديات كتييييييييييير بتتكلم عن فترة ض ح
وعن كلية الظباط الإحتياط
وافادتنى كتيير كتيير _
وان شاء الله أبقى أخلى موضوع مميز للمنتدى ينفع ظباط المستقبل
الإحتياط ويدلهم في متاهات التجنيد المصرية

شده و تزول يا ابو يحي

جندي مجند يحي ممتاز ربنا يعينك

ربنا معاااااااااااااااك يا يوووووووح باشا..

ماتقلقش شده وتزوووووول..

ربنا معاك بجد...

جندر مجند مييين بقى يا حساام
ظابط احتياط يا مان

وتسلم يا أسد
على المساندة الجماهيرية ع الفيس بووك من أول المشوار

ان شاء الله ادخل سلاح المخابرات كدة
دعواتكمممم

أدهم صبري هندسة أسوان
#@$ باركوووووووولى ومبروك عليك يا منتدى _ بقى لك ظابط في الجيش #@$ 64589

بص انت ادخل واعملهم فيرس ابن حلال كده
يخلي كل طلبة اسوان ياخدوا اعفاء السنين الجاية
والا شكلك هتقول اشمعنىىى ويدخلوا هم كماااااان #@$ باركوووووووولى ومبروك عليك يا منتدى _ بقى لك ظابط في الجيش #@$ 275530

#@$ باركوووووووولى ومبروك عليك يا منتدى _ بقى لك ظابط في الجيش #@$ 275530

ربنا يعينك علي اللي جاي
واكيد هي فترة وهتعدي وحاول تستفيد منها علي اد ما تقدر
واذا ماكانش فيه استفادة .. فحاول ما تخسرش حاجة
واكبر خسارة انك تفقد الأمل

واذا علي خطيبتك .. فاحنا هنشغلها لغاية ما تخلص الجيش
ونفرح بيكو ان شاء الله
#@$ باركوووووووولى ومبروك عليك يا منتدى _ بقى لك ظابط في الجيش #@$ 271362

#@$ باركوووووووولى ومبروك عليك يا منتدى _ بقى لك ظابط في الجيش #@$ 271362

هههههههههههههههههههههههههههههههههه
ايه يبني ده كله امال احنا لو في حالة حرب كنت عملت ايه
انشف ياد وبلاش دلع الجيش للرجالة ياولد واتعلم النشان زين عشان شكلك هتكون الكبير واحنا مستنينك في الجزيرة
تمااااااااااااااااااااااااام يافندم
يحي ممتاز مخالي شل

ههههههههههههههه

تماااااااااام يا جودززززززززززز

والله كإننا في حرب عالمية تالتة

بس احنا صامدين

وتقدروا تناموا وانتوا مسترييحيين برده
طول ما أنا حى

أجيلكم الكلية بالبدلة ان شاء الله
أسلم عليكم لو قدرت أنزل أسوان تااانى

انا حالياً في القاهرة والأجازة بتفنننننننننش

يارب كل 4 أيام عيد

كل سنة وانتوا طيبيييييييييييييييين

ومخااااااااالى ميين يابنى انتتتتت

هزززززززززززززززززلت

#@$ باركوووووووولى ومبروك عليك يا منتدى _ بقى لك ظابط في الجيش #@$ Icon_lol

اسمى حضرة الظابط مهندس yMmZ

» حد قال عليك قبل كده...........؟؟
» هون عليك
» فرفوور فى الجيش
» الناس عليك ... لا معك !!!
» لن تغرقيني في هواك بشبر ماء ..