بحبك من غير تشويش
ياللي لبسالي شاويش
وفكراني معنديش
وبتدوري علي شاب كنيش
ده وشه ليه مليان خرابيش
وتقولي مايهمنيش
حتي لو قلبك فيه شواكيش
ذنب حبيبك أنه ماجاش
وعايشه حياتك غش في غش
حبيبك انا ولا بلاش
وفكك بقي من التطنيش
وتقولي مايمكنيش
هو انا حتة جبنه قريش
ولا ستارة في ضلفة شيش
أنا عصفور أو خفاش
كله يطير مابيستناش
شاب وسيم ومافيش كرش
شقة جميلة من غير قش
تليفزيون وريسيفر دش
بانيو جميل وكمان دش
أوضة نوم لأجمل عش
مرايا خطيرة بتاكل الوش
غير الصالة والحناكيش
كلة ده وماعنديش
تعالي ياله متديقيش
والله كتير انا مابنمش
عايزك أنا ومبستسلمش
ونش كبير مش عجلة كاوتش
سيبك بقي ماتحبكهاش
قبل حياتك قلبي ماعاش
وفكرة حياتي كده ببلاش
هاتي أيديكي ما تنتشهاش
هقولك كلمة ماتتكرش
عايزك انا مابهزرش
فكي ايديكي من الكلابيش
عيشي حياتك ماتحكيش
بحبك انا ومن غير تشويش
__________________
كلمات عماد فهمي
موضوع: بحبك من غير تشويش !! 
الخميس 5 نوفمبر - 21:25
