اقرأوا الخبر ده جيدا.... لبنان تسيطر على حفلات رأس السنة

لو سمحتوا يا جماعة إقرأوا الخبر ده كويس وركزوا فى الارقام اللى فيه......

سيطر المطربون اللبنانيون على الحفلات الغنائية خلال موسم رأس السنة على مستوى الوطن العربى بالكامل، فى حين اختفى المطربون المصريون، ولم يصبح لهم تواجد سوى الحفل الغنائى الذى يحييه كل من عمرو دياب وشيرين عبدالوهاب فى لبنان بالإضافة إلى عدد من الحفلات فى مصر.
تعاقد عدد كبير من اللبنانيين على إحياء حفلات فى مصر، الأول تحييه إليسا بمشاركة تامر عاشور، ومن المقرر أن تصل إلى القاهرة قبل الحفل بثلاثة أيام لتجرى بروفات مكثفة بصحبة فرقتها الموسيقية خاصة بعد أن أعلنت عن رغبتها فى تقديم عدد من أغنيات ألبومها الجديد الذى سيتم طرحه فى التوقيت نفسه، وقد تقاضت أجراً ٨٠ ألف دولار.
والثانى يحييه وائل جسار الذى تقاضى ٥٠ ألف دولار مع سيرين عبدالنور وسعد الصغير. والثالث تشارك فيه سيرين ومحمد حماقى وسعد الصغير. والرابع تحييه نوال الزغبى التى تقاضت ٥٠ ألف دولار مع الإماراتى حسين الجسمى الذى تقاضى ١٠٠ ألف دولار و يجرى بروفات مكثفة مع فرقته الموسيقية لتقديم أغنيات ألبومه الجديد «الجسمى ٢٠١٠» الذى طرحه خلال موسم عيد الأضحى.
ويشارك تامر حسنى فى حفل مع شذا و دينا الراقصة، وقد تقاضى ٦٥٠ ألف جنيه، بينما يقدم محمد حماقى حفلا تقاضى فيه ٥٠٠ ألف جنيه.
وقد اختفت الحفلات الجماهيرية، باستثناء محمد منير الذى يلتقى بجمهوره كالعادة فى دار الأوبرا المصرية.
وتتراوح أسعار التذاكر فى حفلات الفنادق بين ٥٠٠ و٣٠٠٠ جنيه.
أما فى لبنان، فسوف يقام عدد كبير من الحفلات، أكبرها الحفل الذى يجمع بين عمرو دياب والمطربة الصاعدة مليسيا بالإضافة إلى فرقة أجنبية شهيرة، ويتردد أن دياب حصل على ٤٥٠ ألف دولار ليتصدر قائمة المطربين الأعلى أجرا على مستوى الوطن العربى، كما تحيى شيرين حفلين فى لبنان أحدهما بمشاركة جورج وسوف وفارس كرم، والثانى بمشاركة عاصى الحلانى، وتقاضت شيرين ١٢٠ ألف دولار فى الحفل الواحد، بينما تقاضى جورج ١٧٠ ألف دولار، وعاصى ٦٠ ألف دولار.
وتحيى نانسى عجرم حفلين أحدهما بمفردها وتقاضت عنه ١٠٠ ألف دولار، والثانى بمشاركة عاصى الحلانى وفضل شاكر. أما هيفاء وهبى، فتشارك راغب علامة فى حفل، ووائل كافورى فى حفل آخر، وقد تقاضت أجراً ١٠٠ ألف دولار عن الحفل الواحد.
وعلى مستوى الوطن العربى، تعاقدت نجوى كرم على إحياء حفل فى قطر وتقاضت عنه ١٢٠ ألف دولار، كما تعاقدت مى حريرى على إحياء حفل فى دبى. .... انتهى الخبر

يا ناس يا عالم يا هو حد يقول للناس دى حاجة ...الناس دى محسسنى انهم عايشين فى عالم تانى
مش حاسين بالبلاوى اللى بتحصل فى البلد .... ومش حاشين بالامراض اللى عاملة تنتشر بسرعة البرق بين البشر
فى كل انحاء العالم ..... ولا حاسين بالحالة الاقتصادية بتاعة البلد اللى زى الزفت قبل وبعد الازمة ...
ولا حاسين بالناس اللى بتنام فى الشارع وملهاش مكان يأويها واخرهم الناس بتوع حى الهجانة.. عائلات كاملة مهددة بالطرد من المساكن بتعاعتها و الجلوس فى الشارع .... ولا حاسين بالغلاء و الاسعار و الدنيا المولعة نار
.... ولا حاسين بالقطارات الى بتخبط فى بعض و الناس الغلابة اللى بتموت ومالهاش ذنب والمصيبة انهم لازم يكونوا غلابة وعلى قد حالهم ... مفيش بلد فى العالم بتحصل فبها حوادث القطارات بالشكل الرهيب ده ...
وقانون الطوارئ اللى شغالين بيه بقالنا يجيى 700 سنة ... ويجيى يقولولك احنا ما عندناش ارهاب ذى البلاد التانية
امال كان لو عندنا ارهاب كان حصل ايه...هى ناقصة .... وفى الاخر على راى المقولة
( كله بيصب فى ماعون واحد ) اقصد طبعا الشعب... اللهم لا اعتراض
اللهم ارحمنا فإنك بنا راحم ...ولا تعذبنا فأنت علينا قادر .... والطف بنا يا مولانا فيما جرت به المقادير

رزق الهبل..عالمجانين ياعمنا..

الفضا يعمل كتييييييير

ربنا يهدي

طالما في ناس بتدفع فلوس عشان تروح الحفلات دي يبقى الاكيد ان الناس دي مش هاتحس انه في مصايب حاصله ف البلد وربنا يهدي