إحنا ليه بنستنى الامتحان علشان نذاكر

إحنا ليه بنستنى الامتحان علشان نذاكر

أكبر مشكلة من المشكلات المذاكرة إننا بنستنى الامتحان علشان نبدأ المذاكرة أعتقد أن الموضوع دة مش طبيعى لأن أحنا لو رجعنا بالزمان حنلاقى أننا لما كنا فى الثانوية العامة بنذاكر قبل الأمتحان بمدة طويلة ولما نزلنا للطلبة علشان نشوف الموضوع دة لقينا أن نسبة كبيرة جدا توصل إلى 90% من الطلبة الذين قابلناهم بيذاكروا قبل الأمتحان تعالوا نشوف قالوا أية:
طالب من كلية الزراعة :
أنا مينفعش أنى أذاكر من أول السنة علشان حاجة بالعقل كدة أنا داخل الكلية ليه أكيد علشان دة أحسن فترة فى حياتى ولازم أشوف فيها نفسى والمذاكرة لازم تكون قبل الأمتحان بشهر بس ومتزدش عن كدة.
طالب من كلية التجارة:
بص يا كابتن المعيدين مبينزلوش الكرس إلا قبل الأمتحان وأنا أتحداك أن معيد يخلص الكورس إلا قبل الأمتحان بأسبوع وتلاقية من أول السنة نزل 4 ملازم وفى الأسبوعين اللي قبل الأمتحان ينزل 8أو9 ملازم "يا عم كبر دماغ" التعليم باظ خلاص ومفيش أمل فيه.

طالب من معهد خدمة اجتماعية :
أنا السنة دى كنت حذاكر قبل الأمتحان بعشرين يوم والمادة دى 20 ورقة قلت كل يوم ورقة بس وأحفظها وأصمها صم وأجيب فيها تقدير بس للأسف يافرحة ما تمت كل يوم أقول بكرة كل يوم أقول بكرة حتى جت ليلة الأمتحان وأضطريت أنى أذاكر العشرين ورقة فى سعاعتين قبل ما أنام.
* بتتعب والله ياعم
طالب في كلية الهندسة :
قال أنا السنة دى فى الفرقة الثالثة وأول مرة فى حياتى من ساعة ما دخلت كلية الهندسة أنى أذاكر قبل الأمتحان بفترة كبيرة قال أقلت لازم أضغط على نفسى وأذاكر قبل العيد علشان بعده أقدر أن أراجع.
ولما سألناهم عن هل المذاكرة دى تخليك تجيب تقدير.
بتاع زراعة :
لأطبعا بس أدينا بننجح وممكن نطلع بمادة أو أتنين
بتاع تجارة :
لابس بص أنا عندي قاعدة "ذاكر تنجح غش تجيب مجموع"
بتاع خدمة :
طبعا ممكن تجيب تقدير بس تركز فى الساعتان اللى بعد الفجر لغاية الأمتحان
* عند حق لما المنهج كلة فى عشرين صفحة يبقى أكيد لازم تجيب مجموع
بتاع هندسة :
أنا نفسي أنجح بتقدير بس بصراحة مش عارف لأن عندي مادة معقدانى أسمها "فيبراشن" مش عارف أفرفص منها لويشلوها بس أجيب تقدير علطول.
طبعا زى ماشوفنا الطلبة أن المذاكرة ليلة الامتحان مبتجبش تقدير بس بتنجح
وطبعا الامتحانات السنة دى جاية في وقت صعب جدا قبل وبعد عيد ملمين ومسيحيين وزى ما كانوا بيقولوا "إن العيد فرحة" بس للأسف يا فرحة ما تمت خدها الغراب وطار.