مهم بخصوص كورد

أنا أتأسف شديد الأسف لأن أولى مواضيعى بالمنتدى تعبر عن فشل وفشل ذريع و هذا الموضوع يتحدث عن مسابقة كورد التى تنظمها الكليه هذا العام حيت أن المسابقه فشلت بسبب العشوائيه فى العمل والدكتاتوريه .

و أوجه فشل المسابقه التى يشرف عليها دكتور لؤى فى أن الطلبه غير مهيئين نفسيا لمثل هذه المسابقات ودليل صحة الأقويل حيث أن أخر الأجتماعات شهد هرج شديد وكان غير منظم تمام ولم يثبت طالب واحد جديته حتى البشمهندسان أحمد خالد وشيماء السعدى أستغرقا فى الضحك ومعهم كل الطلبه .

وأنا على أتصال شخصى وقوى بأعضاء منظمة كورد حيث أكدو جميعا عن عدم نيتهم الحضور لكليتنا المبجله .

هذا بالأضافه لعدم وجود أى خطوه رسميه أو فعليه حتى لهذه المسابقه (الوهم) ،****************************************************

وكان من الأجدر أن يتولى المسؤليه الدكتور هشام حامد أو الدكتور محمد على خليل وليس الدكتور لؤى.

********************************************************

******************************************************.**

كنت أتمنى مسابقه مشرفه لكليتنا ولكن أضاعنا الغرور و التعالى و البرجسيه والديكتاتوريه .

اقتباس :: تم التعديل بواسطة :
ENG_GODZELA

i love my life كتب:: أنا أتأسف شديد الأسف لأن أولى مواضيعى بالمنتدى تعبر عن فشل وفشل ذريع و هذا الموضوع يتحدث عن مسابقة كورد التى تنظمها الكليه هذا العام حيت أن المسابقه فشلت بسبب العشوائيه فى العمل والدكتاتوريه .
[size=24]
مين اللى قال كدا يا بشمهندسه ممكن اعرف ؟؟
وأيه خلاها فشلت وأحنا لسه ف أول الخطوات ؟؟؟
و أوجه فشل المسابقه التى يشرف عليها دكتور لؤى فى أن الطلبه غير مهيئين نفسيا لمثل هذه المسابقات ودليل صحة الأقويل حيث أن أخر الأجتماعات شهد هرج شديد وكان غير منظم تمام

الأجتماع مكنش فيه أى حاجه من دا بس كلنا عارفين أسلوب دكتور لؤى ف الكلام وياريت اللى كان حاضر الأجتماع يرد ع البشمهندسه
وأنا على أتصال شخصى وقوى بأعضاء منظمة كورد حيث أكدو جميعا عن عدم نيتهم الحضور لكليتنا المبجله .

طيب النقطه دى أعتبرى الكلام فيها مش معايا وأنا حأكدلك صدق كلامى.
هذا بالأضافه لعدم وجود أى خطوه رسميه أو فعليه حتى لهذه المسابقه (الوهم)
[right]لأ حضراك الوهم دا اللى ف خيالك

وكان من الأجدر أن يتولى المسؤليه الدكتور هشام حامد أو الدكتور محمد على خليل وليس الدكتور لؤى.
[right]أظن دى حاجه متخصش حضرتك

[size=24]واضح ان كلامك يا هندسه متوجه ليا أنا مش للمسابقه

ع العموم شكرا لرأى حضرتك وأتمنى الموضوع يفضل مفتوح وميتحذفش يا بشمهندس هانى بعد أذنك بلاش الموضوع يتحذف .

اقتباس :

السلام عليكم ورحمه الله وبركاته ..

مع اني مش فاهم هذا الكلام ولكنه يمس اعز وغلي اصدقائي ..

ويا بشمهندسه هذه المسابقه من بدري ولها فتره كبيره ومش في الاخر حضرتك تقولي وهم ..طب ازاي ..انا متابعها من الاول ومفيش حاجه حصلت من الي انتي قولتيه ....
ومع هذا كلامك المجرح الذي يمس اصدقائي انا هرد ع حضرتك ...

اقتباس :: نصيحه شخصيه للبشمهندس أحمد خالد (ابن الوليد)

العمل التطوعى لا يحتاج هذا التعالى الذى تتعامل به مع زملائك

لاء بجد مش عندك حق خالص في الكلام ده يا بشمهندسه ...
والله البشمهندس احمد خالد من اعز اعز اصدقائي وعمره ما تعالي ع حد ..
وهو من الناس الطيبين اوي وعمري ما تكلم ع حد بشخصيه متكبره زي ما حضرتك ما بتقولي

والبشمهندسه شيماء مثال عظيم جدا بتواضعها واحترامها الكبير ..وعمري ما شوفت منها من الكلام المجرح الي حضرتك قولتيه بجد حرام عليكي تتكلمي ع زمايلك بالاسلوب ده

انا مش هتكلم اكتر من كده
انا قولت رايي في اعز الناس ليا مش اكتر ..
واختلاف الرأى يا جماعه لا يفسد للود قضيه
والسلام عليكم ورحمه الله وبركاته

السلام عليكم ورحمة الله وبركاته

أهلا وسهلا بالأخت الناقدة

أعتقد حكمك بالفشل على الأخوة المشتركين بمسابقة كورد أو الذين سيشتركوا بإذن الله حكم

قاسى قليلا لأنهم كمجرد تفكير ومبادرة منهم بعمل شىء كهذا يعتبر شىء مشرف وطيب جدا

فإن كنتى ترين أوجه قصور فى المنظومة ككل أو من بعض الأشخاص فيا ريت كمان تقترحى

ممكن الأخوه المهندسين يعملوا إيه علشان لا يصيبهم الفشل فى هذه المسيرة الطيبة وليس

ذكر الأخطاء فقط وأنتظر منك أو من غيرك النقد للإصلاح وليس لمجرد النقد ويا ريت

يا بشمهندس أحمد ويا بشمهندسة شيماء تسمعوا لكلام الأخت وتدوا للناس مساحة للكلام

علشان المركب تمشى والملاحظات دى تؤخذ فى الحسبان ولو كان كلام الأخت صحيح

فى مجمله على حد قولها يبقى أعتقد ده إنذار بسيط أو إلتفاتة إلى اللى ممكن يحدث

فى المستقبل وأتمنى طبعا عدم الفشل والكلام ده بإذن الله والوصول إلى الحقيقة من

البداية حتى ولو كانت مش حلوة.

أخيرا كما تحبى أن تحترمى ومحدش يقول كلام وحش عنك لازم تحترمى غيرك حتى

ولو كنتى بتنقديه بمعنى إن حكاية البشمهندس أحمد خالد والبنات والكلام ده لا يصح

قوله وأخطأتى فى حقه كثيرا وإذا أردتى النصح فى هذه الأمور فبرسالة على الخاص

ده لو كان صحيح من الأساس وحتى لا يضيع نقدك وسط هذا الكلام.

فى إنتظار الإيضاح منك يا بشمهندس أحمد والبشمهندسة شيماء على إن الأمور تسير

على ما يرام.

والله الموفق

السلام عليكم

و أوجه فشل المسابقه التى يشرف عليها دكتور لؤى فى أن الطلبه غير مهيئين نفسيا لمثل هذه المسابقات ودليل صحة الأقويل حيث أن أخر الأجتماعات شهد هرج شديد وكان غير منظم تمام ولم يثبت طالب واحد جديته حتى البشمهندسان أحمد خالد وشيماء السعدى أستغرقا فى الضحك ومعهم كل الطلبه .

ما نقدرش نقول بان المسابقه فشلت وهم اساسا لسه في بدايه خطواتهم
وبعدين مين قال لحضرتك ان الطلبه غير مهياين نفسيا
روحتي سالتي كل واحد عن نفسيته تجاه المسابقه وهم اساسا مش مجبورين على الاشتراك

الظاهر ان حضرك ما شفتيش الاقبال على الاشتراك في المسابقه وقتها
وياريت تتاكدي من حكايه النفسيه دي لان معظم المشتركين اصحابي مهم بخصوص كورد Icon_lol

هذا بالأضافه لعدم وجود أى خطوه رسميه أو فعليه حتى لهذه المسابقه (الوهم) ،وأيضا ديكتاتورية البشمهندسان قائدا المسابقه السالف ذكرهم فى العمل وعدم صفاء نوايهم حيث قامو بحذف أسماء الناس المجده مثل البشمهندسه أميره والبشمهدس حسام والبشمهندس أمير .

لا حول ولا قوة الا بالله
وهم ايه بس يا بشمهندسه
والله المسابقه موجوده واحنا في علم مش في حلم ههههههههههه
وديكتاتوريه ايه ؟؟
الباشمهندس احمد والباشمهندسه شيماء مش كده خالص
وهم مش هيحذفو اسماء حد بمزاجهم او لاسباب شخصيه مثلا
اكيد هم طلبو كده ( ومين قال لحضرتك اذا كانو جادين ؟؟ )
وبعدين مفيهاش حاجه لما يضحكو يا باشمهندسه وده دليل انهم مبسوطين وكده كده
الضحك مش حرام ولا حضرتك ايه رايك ؟؟

اما بقى بالنسبه للنقد الموجه للباشمهندس احمد فهو من الشخصيات المحترمه
ولو ده رايك الشخصي فيه يبقى فعلا زي ما قال الباشمهندس هاني يبقى في رساله خاصه
ده لو كان كده اساسا وعمرة ما كان متكبر والكلام المكتو فوق ده

وما ينفعش تتكلمي على حد من زمايلك بالاسلوب ده

اما بقى الباشمهندسه القديرة شيماء فاللي ما يعرفهاش يجهلها
وشيماء محترمه وانا عارفه قد ايه تعبت في موضوع المسابقه ده هي والباشمهندس احمد
والمفروض اننا نشجعهم مش ننقدهم ...

مع العلم ..
الباشمهندسه شيماء من المقربين الى قلبي بل هي قلبي
ولن اسمح في يوم من الايام ان يهان قلبي لاي سبب من الاسباب

i love my life كتب:: أنا أتأسف شديد الأسف لأن أولى مواضيعى بالمنتدى تعبر عن فشل وفشل ذريع و هذا الموضوع يتحدث عن مسابقة كورد التى تنظمها الكليه هذا العام حيت أن المسابقه فشلت بسبب العشوائيه فى العمل والدكتاتوريه .
أولا : احب اهنى حضرتك على اولى مساهماتك معانا ف المنتدى و لكن ما يؤسفنى حقا انها تكون محتوية على معلومات مغلوطة و أشياء عارية من الصحة تماما
و أوجه فشل المسابقه التى يشرف عليها دكتور لؤى فى أن الطلبه غير مهيئين نفسيا لمثل هذه المسابقات ودليل صحة الأقويل حيث أن أخر الأجتماعات شهد هرج شديد وكان غير منظم تمام ولم يثبت طالب واحد جديته حتى البشمهندسان أحمد خالد وشيماء السعدى أستغرقا فى الضحك ومعهم كل الطلبه .
حابة أقول لحضرتك حاجة :المسابقة حتى الآن لم تقام فعليا حتى يحكم عليها انها فشلت بل و فشل ذريع كمان
و بالنسبة للاجتماع الاخير لا ننكر انه كان ينقصه بعض التنظيم و لكن ليس لدرجة التهريج و
الذى اضاف عليه جو المرح هو اسلوب دكتور لؤى ليس الا اما من ناحية اخرى فقد حقق الاجتماع المطلوب منه الحمدلله و قد وضحنا هذا من قبل و هذا ليس بكلامى فقط بل كلام من حضروا هذا الاجتماع
وأنا على أتصال شخصى وقوى بأعضاء منظمة كورد حيث أكدو جميعا عن عدم نيتهم الحضور لكليتنا المبجله .
انا لست معكى فى هذه النقطة بالذات لأننا على اتصال دائم بالمسئولين و سوف ننزل ما يثبت صحة كلامنا و جديتنا بل و جدية مسؤلى كورد فى المجئ

من قال هذا الكلام نحن و الحمدلله اخذنا خطوات رسمية فى هذا الموضوع و حصلنا على الموافقة الرسمية لاقامة المسابقة فى الكلية و تمكنا من الاعلان رسميا عن المسابقة كما رأى الجميع
أما بالنسبة لموضوع حذف الاسماء فلم يقم اى فرد من افراد الفريق المنظم بحذف اى اسماء نحن اعلنا عن فتح باب تسجيل الاسماء برعاية الشباب و ايضا من سجل اسمه اكد على اشتراكه بحضور الاجتماع الاخير لانه منذ فتحى للموضوع بالمنتدى هناك الكثيرين ممن ارسلوا لى اسمائهم و قالوا انهم معنا ثم اختفوا و لم نرى اى جدية منهم لذلك جعلنا التسجيل من خلال رعاية الشباب و لم نقم بحذف اى شخص سجل اسمه
و ارجو من المهندسين السالف ذكرهم التوضيح للبشمهندسة
اما عدم صفاء نيتنا فنيتنا لا يعلمها الا الله و الحمدلله نحن مخلصين النية لله تعالى فى هذا العمل
وكان من الأجدر أن يتولى المسؤليه الدكتور هشام حامد أو الدكتور محمد على خليل وليس الدكتور لؤى.
عندما بدأنا فى هذا الموضوع لجأنا الى اكثر من دكتور بالكلية لم نجد تشجيع و مساعدة فعلية من احد بقدر ما وجدناها من دكتور لؤى لذلك له منا جزيل الشكر على ما بذله و ما يبذله معنا جزاه الله عنا خير الجزاء

وكذلك أحملك مسؤلية فشل المسابقه لأن من معك ليس لهم رأى
كما وضحت لك سابقا اننا لم نبدأ حتى نفشل و بالنسبة لفريق العمل
فالحمدلله كل فرد له دوره الذى يقوم به و هناك مشورة و تعاون جعنا نسير بخطوات ثابتة فى هذا الموضوع.

حابة اوضح نقطة انه التعامل مع البشمهندسات من خلالى و من خلال البشمهندسة سارة فقط و كذلك التعامل مع البشمهندسين من خلال البشمهندس احمد فقط.
أرجو تكون وجهة نظرى وصلت و شكرا لحضرتك يا بشمهندسة على كلامك الى ادانا حماس اكتر اننا نكمل فى مسيرتنا.

عشان تتأكدى يا بشمهندسه أن الوهم دا ف دماغ حضرتك بس أحنا نازلين كفرع لكورد ف كليات الهندسه وياريت تكونى أطمنتى ولسه فيه رد كمان عشان نأكد للناس الوهم دا فين

السلام عليكم
علي الرغم ان وجهات النظر حريه لكل عضو ف المنتدي

إلان ان ردك كان قاسي يا بشمهندسه او فيه تصعيد للأمور فوق حدها

اولا علي الرغم اني مش متابع المسابقه إلا ان اخبارها بتوصلني و ماشاء الله الناس قايمين بعمل رائع ومجهود عظيم والحمد لله مسمعتش اي فشل ولا حاجه

بالنسبه للدكتور لؤي فهو ده اسلوبه والناس كلها بتحبه علي كده ومحدش ينكر انه من اكتر الدكاتره المحترمه عندنا وكله عارف كده

و المسابقه اخدت خطوات ايجابيه بالفعل بدليل الإعلان ايلي كان متعلق ولو مكنش فيه حاجه زي ما بتقولي مكنش حد نزل إعلان او اي حاجه

المسابقه يا بشمهندس مفيهاش قائد او مقود كل الناس سواسيه و محدش بيمارس الديكتاتوريه ولا الكلام الكبير ده

بالنسبه لموضوع الحذف فمحدش حذف الأسماء ايلي انتي قلتي عليها ولا حاجه انا مش عارف بصراحه جبتي الكلام ده منين ع العموم ما علينا

بالنسبه لمين من الدكاتره انه الأجدر يتولي المسئوليه فكل الدكاتره ماشاء الله كفء انهم يتولي مسؤليه زي دي وعشره زيها كمان و الموضوع كله ان الدكتور لؤي هو وكيل الكليه وهو المختص بالمسؤليات دي وهو جدير بكل ده

بالنسبه للكلام ايلي بعد كده والتعالي و استغلال المسابقه لحجات تانيه

فده انا مقدرش احكم عليه لأن انا مقدرش ادخل ف نوايا الناس وقلوبهم و ربنا وحده هو ايلي يعلم ما في الصدور بس انا متأكد ان لو حد منهم حس بأي حاجه زي كده ف أكيد هيوقفوه عند حده

ف النهايه احب اقلك يا بشمهندسه :

بسم الله الرحمن الرحيم " يا ايها الذين امنوا اذا جائكم فاسق بنبئ فتبينوا ان تصيبوا قوماً بجهالة فتصبحوا على ما فعلتم نادمين "

صدق الله العظيم

طبعا كلنا بنحترم رأيك بس احنا منحكمش علي الناس من خلال وساوس جوانا ولازم نحكم عليهم من خلال افعالهم

وربنا يوفقك ويوفقنا جميعا

سلام عليكم ورحمة الله وبركاته
اولا سوف ارد على الاخت صاحبة الموضوع من وجهتى نظر الاولى وهي كعضو في المنتدى وثانيا كطالب بكلية الهندسة بأسوان
اولا بالنسبة للمنتدى يبدوا ان حضرتك حديثة عهد بالمنتدى ولم تقراي القوانين التى تنص على عدم اهانة الاعضا او التجريح فيهم على صفحات المنتدى
ثانيا انتقتد زميل بهذه الطريقه حتى وان كنتى على صواب وانا اعرف البشمهندس احمد معرفة جيده وهو انسان على خلق ليس كما تهتمتيه بالباطل بكل تلك التهم الفظيعه التى يندى لها الجبين فاود ان ابلغك ياختى الفاضله انا ما كتبتيه هو ينم عن ضعف شخصيتك بدليل انك لم تكن لكي الجرأه لمواجهة المهندس احمد والمهندسه شيماء بوجهات نظرك ولا حتى الدكتور اللؤي وفضلتى قول مايجول في خاطرك وراء ستار حتى تتقي شر الردود التى تؤكد عدم مصداقية كلامك لذا ان كان هناك من يحتاج الى تأهيل نفسي فأنتى الاولى به وليس المشاركين بكورد ايجيبت اختى الفاضله يبدو انك لا تعلمين ماهو نظام العمل الجماعي ولا حب العمل الجماعي وذلك بدليل انفرادك بالاتصال بجهة كورد ايجيبت دون التحدث مع بقية المجموعه المشاركة في المسابقة
ارجو اختنا الفاضله اعادة النظر فيما قولتيه وان توجهى طاقتك بدل النقض الوهمي الذي ليس له اساس من الصحة الى مجهود في احياء هذه المسابقة التى سعدت كثيرا بها لانها ترفع من اسم كليتنا وسط جموع كليات هندسات الجمهوريه والتى للاسف حضورنا وسط هذا التجمع ضعيف جدا

السلام عليكم ورحمة الله وبركاته

أولا برحب بيكي في المنتدي وأول مشاركة ليكي
ونرجو انك تستمري معانا لكن بعد قراءة قوانين المنتدي
وان شاء الله هتلاقي الكل هنا مستعد يسمع لنقدك لو كان بناء

مبدأيا انا بحب أهني كل القائمين علي المسابقة
وكل المشاركين فيها .. لأن الاستفادة من المسابقة دي ماحدش هيقدر يعوضها
وأنا عن نفسي كان نفسي اشترك في المسابقة جداااا
وسبق واعتذرت لشيماء وكتبت رد في موضوع في المنتدي هنا
اني مش هشارك لظروف مشروع التخرج والمذاكرة وبكالوريوس
وده كان قرار من نفسي وكنت مصممة عليه جدا
رغم محاولة شيماء اقناعي بالعكس وانا كان نفسي جدا اشترك معاها بالذات في فريقها
لأني واثقة ان بروحها وتصميمها هتقدر تعمل شغل كويس جدا في المسابقة

وحتي هذه اللحظة ماحدش كتير يعرف اني غيرت رأيي
واشتركت بالفعل في المسابقة من يوم السبت اللي فات .. وده شيء يشرفني
ويفيدني أنا .. ويضيف لحصيلتي العلمية والعملية

وأنا وبعد اجتماعي مع الفريق اللي اشتركت معاه
أحب أقول لكل المشاركين في المسابقة .. إن والله حتي لو ما كسبناش في المسابقة
يكفينا الاستفادة اللي هانستفيدها واننا نجرب الحاجة بايدنا
والمذاكرة والبحث والتطوير في الشغل اللي هنعمله بإذن الله
فاعتقد ان ده نجاح في حد ذاته للمسابقة حتي من قبل ما تبدأ
ان كلنا بقي فينا روح المنافسة وحب العلم للعلم واننا عايزين نعرف اكتر عشان نفيد نفسنا وكليتنا اكتر

واذا حد جاله احساس ان المسابقة فشلت .. فاعتقد ان هو اللي فشل من قبل ما يبدأ
لأنه قرر انه يستسلم لليأس وللافكار السلبية

وكنت عايزة اوضح نقطة تانية ذكرتيها في الموضوع
وهي الدكتور المشرف علي المسابقة ..
انا رأيي ان دكتور لؤي كتر خيره معانا جدااااااا
لأنه ساعدنا كتير في وقت كنا محتاجين فيه أي مساعدة
وسهل الطريق للمسابقة كتييييييييير

وأنا عن نفسي كلمت دكتور هشام تقريبا من شهرين
وهو رحب بالفكرة جدا وقالنا انه مستعد يساعد الفرق وأي مساعدة محتاجينها هيقدمهالنا
هو حاليا دكتور هشام مش متواجد في الكلية لظروف سفره
وأكيد لما هيرجع هيساعدنا وهيكون متواجد لو أي حد من الفرق المشاركة احتاج مساعدة

وأكيد دكتور محمد علي خليل عنده نفس الاستعداد
لكن انا عن نفسي ما كلمتوش .. لكن كل دكاترة كليتنا جديرين بالاحترام والثقة
وعمرهم ما بخلوا علينا بمعلومة او مساعدة
وأكيد هنحتاج دكتور محمد في جزء الميكانيكا وان شاء الله انا واثقة انه هيساعدنا

وجزاهم الله كل خير .. ونشكر ليهم تعاونهم معانا

ويبقي الاشراف لدكتور لؤي عشان يكمل المسيرة اللي بدأها معانا
وان شاء الله تكون فيه خطوات فعلية قريبة في المسابقة
ولغاية ما ييجي الوقت ده .. ياريت كل فريق يحدد اهدافه
وهو داخل المسابقة ليه .. وعايز يعمل ايه .. ويستفيد لأي درجة

طبعا بالنسبة للكلام عن شيماء .. فاعتقد ان كل اللي ردوا وضحوا كتييير من مكانتها عندنا .. وأنا عن نفسي مش هاقدر اقول غير اني كسبت أخت ليا بمعرفتي بيها السنة دي
وربنا يوفقها في دراستها وفي المسابقة ويكرمها بالمجهود اللي بذلته عشان تخلي الفكرة حقيقة

وأكيد نفس الكلام بالنسبة للبشمهندس احمد خالد .. واللي تعب كتييييير
وواصل المسيرة من بدايتها حتي الآن وعمره ما فقد الأمل ولا تعب وقال كفاية
وهو شخص محترم وكل اللي اتعامل معاه يشهد بكده

واعتقد بعد كل الردود دي يابشمهندسة
حسيتي اد ايه انتي اتسرعتي بحكمك في الأمور
وان شاء الله فكرتك عن المسابقة والقائمين عليها تتغير
ونشوف منك ومن كل الفرق المشاركة أفضل شغل وعمل جماعي

واسفة للاطالة

انا من امبارح عاوز افتكر شوفت رد المهندسة اميرة اللى عرفني انها انسحبت والحمد لله لقيته

الحمد لله الكلام واضح والصورة واضحه
ادي المهندس حسام والمهندسه اميرة ردوا فاضل المهندس امير
انا هتصل بيه اخلي يدخل يرد على الكلام
وان شاء الله الموضوع لازم يكون فيه موقف من المنتدى لانه اتهام الناس بالباطل وتشويه سمعتهم على صفحات المنتدى شيء مرفوض تمام وسيتم مناقشة امر الايقاف مع ادارة المنتدى

علي فكرة انا كنت منسحبة من قبل التاريخ ده اللي هو 31 ديسمبر
بس ما كتبتش في المنتدي غير في التاريخ ده فعلا

واللي يأكد ان مفيش أي مانع اني اشارك
اني شاركت فعلا يوم السبت وقبل الموضوع ده ما ينزل
لأن دي حرية شخصية .. اللي عايز يقدم بيروح يسجل اسمه في رعاية الشباب
ومفيش اي تدخل من القائمين علي المسابقة في كتابة الأسماء أو مسحها

ياريت البشمهندس أمير يوضح موقفه

ومنتظر منك يا بشمهندسه أنك تقوليلى أسم واحد من أسامى البشمهندسات اللى بيقولو أنى كلمتهم
وأنتظرى ردى برضه عشان أنتى أسأتى لسمعتى بدون وجه حق وبكذب وأفترى

وياريت أعرف حضرتك مين ؟؟

السلام عليكم جميعا اخوتي واخواتي :

رغم اني لم اتابع المشكلة منذ البداية , وبالطبع لم اقرأ كلام المهندسة لانه تم تمزيقه وهذا طبيعي , ولكن احب ان انصحكم جميعا بداية من المهندسة صاحبة الموضوع الي جميع من ردوا عليهم الالتزام بالهدوء والاتزان في الردود والاقوال , كل فرد منكم وضح وجهة نظره بأسلوبه وبطريقته وبالطبع لكل منا اسلوبه وطريقته , صراحة لم يعجبني الاسلوب في الردود الا للمهندس حسام والمهندس هاني والمهندسة "Princess " التي اجهل اسمها الحقيقي - عذرا لجهلي - فجميعهم ردوا بمنتهي الذوق والاحترام الذي لا يتناسب مع قوة كلمات صاحبة الموضوع الذي استشففته من ردودكم .

عامة انا اقدر احساس من جرحت احاسيسهم بكلمات جارحة وتشويه للسمعة , ولكن انصح فقط بنصيحة : " ان المهندسة صاحبة الموضوع حتي وان اخطأت فواجب علي من يرد عليها ان يرد بالمنطق الهادئ الهادئ الهادئ ، لا لكي يغلبها بذوقه وانما فقط ليكون قدوة لها في اسلوب الرد والانتقاد وهذا ما اعجبني في ردود المهندسين سالفي الذكر "

وعامة ما استفزني فقط هو جملة واحدة لم افهم مغزاها وشعرت معها اننا لسنا في منتدي كلية هندسة وانما عذرا فنحن كأننا في مكان همجي قانونه البلطجة وارجو من المهندس توضيح معني هذه الجملة :

اقتباس :: وياريت أعرف حضرتك مين ؟؟

من الواضح ان كاتبها هو المهندس احمد خالد او شخص غيور عليه , ولكن قل لي ما الذي ستفعله يا اخي ان عرفت من هي كاتبة الموضوع ؟

عذارا علي اطالتي عليكم , ولم اقصد التدخل في شئونكم ومايعتريكم من امور داخلية ولكني احببت ان اكون سببا في تهدئة الامور فقط , وللمهندس احمد خالد فانا اعتذر لك نيابة عن صاحبة الموضوع وبالطبع لابد ان يكون هذا سوء فهم غير مقصود منها .

وفقكم الله لما فيه الخير وسدد خطاكم اخوتي .

MASA_2010 كتب:

وعامة ما استفزني فقط هو جملة واحدة لم افهم مغزاها وشعرت معها اننا لسنا في منتدي كلية هندسة وانما عذرا فنحن كأننا في مكان همجي قانونه البلطجة وارجو من المهندس توضيح معني هذه الجملة :

اقتباس :: وياريت أعرف حضرتك مين ؟؟

من الواضح ان كاتبها هو المهندس احمد خالد او شخص غيور عليه , ولكن قل لي ما الذي ستفعله يا اخي ان عرفت من هي كاتبة الموضوع ؟

وللمهندس احمد خالد فانا اعتذر لك نيابة عن صاحبة الموضوع وبالطبع لابد ان يكون هذا سوء فهم غير مقصود منها .

.

أولا يا بشمهندس أنا عاذر حضرتك عشان مقرتش الموضوع أصلا بس كان نفسى حضرتك تأجل حكمك على جملتى اللى أستفزت حضرتك لحد ما تعرف القصه أيه بالضبط .

ثانيا حضرتك لا قانون بلطجه ولا حاجه أنا بس كل اللى فيها عايز اعرف مين دى اللى بتتكلم عليا بالطريه الوحشه دى وبتقول أنى ديكتاتور عشان أمارس عليها دكتاتوربتى ولو هيا معانا أحذفها لأنها كدا نواه لمشاكل مش لعمل جاد وكمان يا بشمهندس دى مسائلة سمعه وأطن أن حضرتك متقبلش الكلام اللى أتقال عليا يتقال عليك وطبيعى حتكون عايز تعرف مين اللى بيقول عليك الكلام دا.

ثالثا مفيش داعى لأسف حضرتك لأن حضرتك مش مسؤل عن لعب العيال اللى عملته البشمهندسه .

اوكي يا احمد , معلش اذا كان كلامي ضايقك , بس انا مش عايز الامور توسع عن كده , انتوا الادارة اعملوا اللي يريحكم وانا بقترح ان الموضوع يغلق لحد كده ومفيش داعي لتدخل امير او غيره , متهيألي الامور بقت واضحة وغالبية الناس المعنية والغير معنية ردت . انا اعتقد ان مفيش فايدة من ترك الموضوع للنقاش اكتر من كده .

MASA_2010 كتب:: اوكي يا احمد , معلش اذا كان كلامي ضايقك , بس انا مش عايز الامور توسع عن كده , انتوا الادارة اعملوا اللي يريحكم وانا بقترح ان الموضوع يغلق لحد كده ومفيش داعي لتدخل امير او غيره , متهيألي الامور بقت واضحة وغالبية الناس المعنية والغير معنية ردت . انا اعتقد ان مفيش فايدة من ترك الموضوع للنقاش اكتر من كده .

ولا يهمك يا بشمهندس

بس أنا منتظر فيه واحد بيحضر رده وحينزل رده عشان الناس اللى بتقول مفيش أى أتصال بكورد تتخرص وبعدين الموضوع يتقفل يتحذف يتعمل فيه أى حاجه

السلام عليكم ورحمة الله
أولاً أنا كنت من الناس اللى شافوا الموضوع قبل ما يتحذف وبصراحة استغربت من الكلام جداً
عموماً أى عمل جماعى أو غيره لازم تظهر فيه مشاكل وأكترها المشاكل الشخصية لا الفنية
وبالتالى يجب وضع رئيس للمجموعة من البداية (ليدر) أنا شايف ده شرط أساسى والشخص ده
لازم يتوفر فيه مجموعة من الصفات من أهمها حسن التصرف فى المواقف خاصة مثل هذه
وحسن إدارة المشاكل والسيطرة على الفريق بالكامل وأكيد الصفة الأهم انه يكون أكتر واحد على
خبرة ودراية ومتابع للموضوع.
وأنا أرى أن كل من فى الفريق السابق ذكرهم يليقو بهذا المنصب أنا بصراحة معرفش بشمهندس أحمد خالد
لكن أعرف حسام وجودزيلا ومهندسة أميرة وأمير ومنهم من تعاملت معاه ومنهم لا ولكن كلهم وبدون
استثناء شخصيات محترمة جداً وقيادية وقادرة على حل المشاكل والسيطرة وبالتالى أى حد بيتعاملو معاه
هيكون من نفس طبيعتهم (أحمد خالد) لذا لايهم رأى فلان ولا غيره لأنه لاينقص ولا يزيذ ولكن فقط يشوش
على جو الفريق المتكامل والعاقل هو من يملك نفسه عند الغضب.

تقبلو إحترامى للجميع.
ربنا يوفقكم.

يامهندسه من حقك طبعا تنتقدي وتقولي ايه اوجه النقص اللي شايفاه في الفريق المنظم والمشرف على الموضوع ولكن نصيحه خويه لازم يكون النقد مهذب

لان حضرتك متعرفيش الناس دي تعبت اد ايه ولا بذلت جهد ووقتا د ايه ولا كان غرضها ايه من الموضوع ده يانه يتعمل في الكليه وياريت بدل ماتهاجمينا على مرئى ومسمع من الناس تعالي وانصحينا بهدووووء وشدي من اذرنا
وياعم لو لقيتينا دكتاتوريين يبقى يحقللك الكلام

mohamed_abdelhameed كتب:: السلام عليكم ورحمة الله
أولاً أنا كنت من الناس اللى شافوا الموضوع قبل ما يتحذف وبصراحة استغربت من الكلام جداً
عموماً أى عمل جماعى أو غيره لازم تظهر فيه مشاكل وأكترها المشاكل الشخصية لا الفنية
وبالتالى يجب وضع رئيس للمجموعة من البداية (ليدر) أنا شايف ده شرط أساسى والشخص ده
لازم يتوفر فيه مجموعة من الصفات من أهمها حسن التصرف فى المواقف خاصة مثل هذه
وحسن إدارة المشاكل والسيطرة على الفريق بالكامل وأكيد الصفة الأهم انه يكون أكتر واحد على
خبرة ودراية ومتابع للموضوع.
وأنا أرى أن كل من فى الفريق السابق ذكرهم يليقو بهذا المنصب أنا بصراحة معرفش بشمهندس أحمد خالد
لكن أعرف حسام وجودزيلا ومهندسة أميرة وأمير ومنهم من تعاملت معاه ومنهم لا ولكن كلهم وبدون
استثناء شخصيات محترمة جداً وقيادية وقادرة على حل المشاكل والسيطرة وبالتالى أى حد بيتعاملو معاه
هيكون من نفس طبيعتهم (أحمد خالد) لذا لايهم رأى فلان ولا غيره لأنه لاينقص ولا يزيذ ولكن فقط يشوش
على جو الفريق المتكامل والعاقل هو من يملك نفسه عند الغضب.

تقبلو إحترامى للجميع.
ربنا يوفقكم.

شكرا يا بشمهندس لنصحية حضرتك

بس زى ما حضرتك شفت دا مش رأى أو وجهة نظر دا أسف ف اللفظ بجاحه

اقتباس :: تم حذف الرد بواسطة Eng _ HOSSAM

يا بشمهندسه عيب كده تتكلمي بالاسلوب ده مع زمايلك ...

كل ما اقوله ربنا يهديكي ...

ارجو من الاداره بحذف ردها المسئ هذا ...وغلق الموضوع ...

واذا كان مع حضرتك مشكله ...في قسم لشكاوي والاقتراحات ...

وسبق الزميل احمد خالد رد ع كلام حضرتك مفيش داعي نعمل شوشره اكتر من كده

واشكرك جدا لتواجدك معنا

واتمني لكي اوقات سعيده ..

والله الموفق

ياريت يا بشمهندسه يكون الكلام مع زمايلنا بأسلوب احسن من كده

ده مش اسلوب ناس ف كلية هندسه خااااااالص

وده الإنذار الأخير

يتم غلق الموضوع نهائيا
وايقاف عضوية العضو
i love my life
لمدة أسبوع

» صور من محاضرات كورد
» شكر لجيليكوم من طلاب كورد
» **^( أين نحن من روبوكون مصر و كورد إيجيبت ؟؟؟؟ )^**
» كيف تري مسابقة كورد في هذا العام
» خاص بأستفسارات التصميم و التركيب فى مسابقة كورد