حلمك ...ياعم جحا !!!!!

حلمك ...ياعم جحا

بقلم : - محمد الراصد

............ ......... ........

ياجحا ماينفعش كده الله يهديك . هاتبهدل نفسك علشان كلام فاضى
اسكتى يا وليه .. انا خلاص طقيت ..

ياجحا احنا مالنا ومال الحوكشه ..لانت بتعرف تلعبها ولابتتنيل ..غير بس حرقه الدم

العب سيجه .. العب مع الخروف .. روح حتى الخماره .وفكك من اللى فى دماغك يا

خويا ولادك عاوزينك

بس ياوليه يا خرفانه انتى .. خروف ايه وسيجه ايه ..انا بتكلم فى حاجه ثانيه ..
انتى ايش فهمك .. روحى زغطى البطه اجرى والا بيتى الكتاكيت .. دى سياسه ياوليه ..فاهمه

ياجحا اعقل انت طول عمرك فى حالك . ده انت حتى ابويا وافق عليك علشان حمار لابتفهم فى سياسه

ولا بطيخ .. ايه اللى قلب حالك ..

زهقت طهقت .. وبعدين انا رايح اسال سؤال واحد ..هما مش بيقولوا فيه حريه راى

وتعبير

يا خويا مانت فى بيتك اهو الراى رايك والشوره شورتك ..تعبير مين وتوحيده مين دى ؟؟
هاترجع والا اصوت الم الجيران ..

جيران مين وفيران مين ..ماكلهم فاهمين زيي ومكبيرن دماغهم ..
انا طول عمرى ساكت وفاهم ..لكن انا بقى عاوز ارسى على بر .يفهمونى يقولولى الصح فين

لكن اعيش واموت حمار طول عمرى ..لالالا

ده كده كثير جدا .. لا .انا مش هاقدر استحمل ده .انا كفايه بقى . .ليه هو احنا ايه . خلاص

ده حتى الاموات ليهم كرامه وخاطر ..

واحنا محصلناش

زوجه جحا

الحقونا يا ناس . ..غيتونا ياخلق

يدخل

جاره وصديقه

نوفل السناكحلى

مالك يا جحا فيه ايه ..

انا لازم اقابل السلطان واقوله ..كده ماينفعش يا مولانا ..

ياعم اتنيل واقعد .تقابل ايه وتهبب ايه ... اهمد كده وصلى على النبى . انت مين انت والا ايه انت
وعاوز تقابله ليه ياعم جحا .

انت مش كنت معايا واحنا قاعدين بنتابع اللى حصل معانا فى اليونان .. وسمعت كل اللى

الدنيا سمعته

ايوه وعاوز ايه دلوقنى ايه الجديد ..يعنى .طقت فى دماغك حاجه النهارده

قعدنا نقول الناس دى .مش اخوات ولا اشقاء وبعتوا بلطجيه وبعتوا وضربونا واهانونا

وكده

ايوه حصل .. وقلنا كمان مش هانسيب تارنا .

انت مش كنت موجود لما قالوا هناخد حقنا بكل الطرق والكبارى والمستنقعات .. وكمان

هنقاطعهم وهنقطع كل العلاقات . وطلعلوا المنادى ..فى كل البلاد . اننا هناقاطعهم على الاقل رياضيا

ومش هنلاعبهم لا هنا ولا فى اى

مكان

ايوه.مش بس رياضيا ..ده حتى مهرجان السينما حجب التكريم اللى كان معمول علشانهم

والفنانيين اصدروا بيان مقاطعه ..افتكر لسه سارى للان

جميل قوى .. طيب واللى خرج علينا وخللى الغندور يعيط .. لما قال محدش كاسر عنينا ..ومش

هانسكت على حقنا .. وماينفعش نسكت .. مش ده حصل .والا انا كنت بحلم

؟؟

لا يا صاحبى حصل .. ده حتى متسجل على حجر .ولا حجر رشيد .
وطلع المنادى شوشو غلط نفسه واعتذر .انه كان بينادى بالمصالحه وعدم تضخيم الامور

وشلبيه المناديه اللى كانت متزعمه الحكايه ديه .. جابت احجار قديمه متصور عليها حرق علمنا

وحرق علمهم .. والمنادى الغندور .. وكل البقالين والحانوتيه والدكاكين بتاعه الكلام .قالت الكلام ده

صح فعلا ده حصل .. وحتى لما مولانا شخط فيهم .. وقالهم مش كده . لموا الثعابين . وبيتكبيتك
واللى كان بيقول مش اخواتنا .. ولا نعرفهم ..رجع غير كلامه ..بس على اساس

ايه

ناخد حقنا بالقانون ونقاطعهم رياضيا على الاقل .. صح ياعم والا انا مجنون .

لالا صح .. طوووويب .. انا دلوقتى عاوز اعرف

الكلام ده فين .. !!؟؟
فين حقنا بالقانون !! فين حقنا من غير قانون !1 فين المقاطعه والتصريحات والفرقعات !!!؟؟

الناس دى ..مش كلنا عارفين ومتاكدين انهم بيكرهونا ؟؟
وانهم بربر واحفاد الفرنجه .. وهمج ورعاع وكل العبر فيهم ؟
والا الناس دى اخواتنا فى الاسلام والعروبه ..

والبدنجان العروس والاضاليا ؟؟

والناس اللى اتضربت واتبهدلت فى اليونان وفى بلدهم وقالوا هناخد حقهم . فين حقهم ؟؟
ولا دى كانت مسرحيه وخلصت .. عاوز افهم ..مش الوزرا قالوا هنقاطع وزهرور قال هنقاطع

والمقدم الكلبى ..قال هنقاطع رياضيا وفنيا .. .. طيب فيين

؟؟

بس يا حجا .احنا اتعودنا مانسالش .. دى حاجات مالناش فيها .. احنا ناس

يوقولولنا حاربوا ..نروح نحارب .. ونموت ..يقولولنا .خلاص بقينا اصدقاء ..نفرح ونعلق الزينات

ونرقص ..ونقول اسبرطه اليوم فى عيد. وان مات لينا كام عسكرى على الحدود ..مش مهم ..احنا ياما

يعنى مش هتفرق الف والا الفين يموتوا .. ويقولولنا ..روحوا اضربوا ..العراقيين عشان الكويت

نروح..ولما الكوايته يضربوا عمالنا .. بيوس راس الكويت ورئيسها .. وننسى خالص ان العراقيين دول
مسلمين ونفتكر الايه بتاعه وان طائفتان من المسلمين اقتتلا ..فى العراق ونحاربهم علشان ده امر ربنا
ولما يقتتلوا فى فلسطين ..نسكت ..ونقول احنا يعنى نفذنا كل اوامر ربنا وناقص دى ..مش عاوزين مشاكل
احنا مالنا خلينا فى حالنا ..
ونسيب حدودنا مع اليهود مفتوحه .. ونعمل سور كبير على غزه .. ومانسالش

مين اليهود ومين المسلمين .. مش هاتفرق يعنى يا جحا ..
ولما نسكت على كل ده ..جاى عند البرابر وتعصلج دماغك .. ياخى

بجمله .ماتجيش فى الهايفه وتتصدر

لا بقى ..شوف ..انى طول عمرى ساكت ..نشرب ميه مجارى ..نقول كمان .. الحمير زحمه وكل
خمسه بيركبوا حمار .. وساكت .. دمنا سمموه ..وجابولنا السرطان فى اللبن والقمح .. وقولنا وماله
شقاوه وزرا ..وبيهرجوا معانا .. رمونا فى البحر وهربوا .. قولنا فداهم ..احنا فى خدمتهم

يمكن خطه لتسديد النحل ولا تحديد النسل ..انما انا بس عاوز افهم قبل ما اموت

يا جحا اعقل ..ما هو انت لو سالت هتموت برضوا ..ولو فهمت هاتموت من الحقيقه ...خليك حمار احسن

ابدا ..انت جاى معايا والا لا ..؟؟

اقولك ..طالما هنسال بالادب وبالراحه ..اجى معاك .. على الاقل لو لقيتك هتخترف

اسكتك

............ ......... .......
المشهد الثانى

جحا امام باب وزير الوزراء ..

عسكرى

عاوز ايه يا راجل .جاى هنا ليه ..معاك هدايا ..

لا جاى اسال وزير الوزرا .. واباركله ..على الجواز .. والله انا مكسوف جاى بايدى فاضيه

تساله عن ايه ..هو فاضيلك ... وعاوز تسال .ما عندك الكشك بره ..اسال العسكرى والا اكتبله شكوى

ما انا يا بيه مبعرفش غير يدوب اتكلم ..وقولتله يكتب شكوى ..قالى مابعرفش اكتب ..انا

بعرف اضرب بس

ولازم اقابله .. علشان استفسر منه .. عاوز افهم ..

الكونستبل .. وشه اتقلب ..وعفريت ركبه

يا نهار ابوك اسود .. عاوز تفهم ..ده انت فجرت .. دى جريمه .. ده تسيب ..دى محاوله ضد النظام

وانت عاوز تفهم ليه ... هتعمل ايه بفهمك .. ما احنا بنفكرلك ..ونخططلك .. ونعرفك تعمل ايه وما تعملش
ايه .. احنا

مش بنقولك ..اغسل ايدك بالصابون .علشان الخنازيرى ؟؟

ايوه يابيه

وبنقولك .تدفع ضرايب كام .على الميه بالمجارى وسايبنلك الميه اللى من غير مجارى .لو عاوز

تشترى؟

ايوه يابيه

وبتدفع استهلاك الكهربا والزباله وجدعنه مننا بنخليك تشيل الزباله بنفسك

ايوه يابيه

وبتدفع ضريبه مبيعات ومشتروات واستهلاك وغاز وضريبه دخل عام .. وكمان بنفكرلك فى ضرايب ثانيه

ايوه

يابيه بس ضرايب ثانيه على ايه ..انا بدفع ضرايب على كل حاجه

يا مفترى .. والهدوم اللى انت لابسها دى .. مش ساتره جتتك . . هو الستر ده مش مفروض

عليه ضرايب..والا الستر ده سايب مالوش اصحاب

يابيه شيخ الجامع قالنا ان ربنا هو الستار ..

حمار..مفروض كان يقولك اننا مندوبين هنا عنه فى الارض ..مستخلفين ..؟؟ فاهم يعنى ايه

لا يابيه مش فاهم ..متخلفين يعنى ايه .. ولا مستغفلين دى

مش مهم تفهم .. معناها . انت تفهم بس مفروض تدفع ايه ..وتعمل ايه ..امتى تفرح ..وامتى تزعل

يالا غور من هنا ..مش كفايه سايبنلكم الهوا من غير عدادات .. وانت كل واحد فيكم مربى مناخيره

قد كده ..بيستهلك هوا . والامراض خلت نفسكم مقطوع بتتنفسوا بسرعه

انا بابيه مش منقول غير لما اساله وافهم منه .انا قاعد هنا

فيشير الكونستابل باصبعه ..فتتهاوى الصفعات والركلات على جحا ..وفى هذا الاثناء ..يدخلوزير الوزرا

ومعه مندوب الباب العالى .. يرطن .. ومعه مجموعه من سفراء الممالك الاخرى

ويستنكرون الامر ..وينقذوا جحا من موت محقق .. وبعد ان يستضيفه مندوب الباب العالى

ويعرف انه يريد ان يقابل وزير الوزرا

يطلب وزير الوزرا ليقابله .. وياتى مهرولا ..فى ذعر .. ويجد حاله جحا التى لاتسر عدوا ولا حبيب

طلبتنى يا سيدى ..خيرا .. باى زا واى

انا علمت بما حدث لمواطنى الاسبرطى الذى ضربتموه ونال شرف ركلات احذيتكم ..ارجو ان لايكون قد

تسبب فى الم لقدم سعادتكم .. احنا بعت جيبنا باقى العيله كلها وحطيتها فى السجن .. وكلفت جهاز المنادين

يذيع خبر اجهاض محاوله الاعتداء عليكم

يا فندم وانكم امسكنم بالجانى وضربتوه

والله سعادتك انا لما قالولى انه ضرب سعادك بالوش فى جزمتك وقولت لازم اعدام ماهى بقت موضه
لسه مدرب عندنا ضارب حكم بالوش ف بوكسه . .المهم جزمه سعادتك بخير والا حصل لا حاجه

انا عارف ..الناس دى كده جتتهم منحسه

فينظر المندوب اليه فى اشمئزاز واحتقار ..

اعتداء ايه يا دونكى .. دى بووور مان .. والعسس بتوعكم كانوا عاوزين كيلد هو

نحن لم نضرب احد ..رجالك هم من كانوا يضربونه امام سفراء الممالك .. وقد انقذناه

رجالى انا .. ساتحقق من ذلك ياسيدى ..
وفى سره

يابن الكدابه ياكنوستابل رحيم ...بتورطنى ..

على اى حال اعدك ببحث شكواه .. وتقديم تقرير لكم عن ماتم

المندوب

بل ساستدعيه بعد اسبوع واساله عما تم فى شكواه .. فهو فقط يريد ان يستفسر .. وشيخ الحاره الذى

يمثل حارته .. هرب بالامول بعد ان باع اراضى الدوله .. ولم يعين غيره بعد

امرك يا سيدى

تعالى يا جحا ياحبيبى .. تحب اشيلك يا جحا . والا اقولك خطوتين واخللى

العسس يشيلوك

............ ......... ....

المشهد الثالث

مكنب سعاده وزير الوزرا رابسو باشا الطرطورى

............ ......... ......... .........

اتفضل يا جحا . اقعد .تشرب ايه ..

والله ياباشا انا مش عاوز اشرب ..انا نفسى اشوف اللحمه .مش هاكل والله ..اشوفها بس

لكن انا عارف ان ده مستحيل ..ولو سعادتك مصمم ..يبقى انا لازم بقى استرجل ..واشرب بيرل

بس كده ..
يمسك الجرس فيدخل احد العسس ..ويامره

انتم ليه ما اكلتوش جحا .. انا مش منبه ..ان اى حد من المواطنين تشوفوه .. لازم تعملوا

معاه الواجب

العسكرى

ياباشا والله عملنا الواجب ..والبشوات هما اللى منعونا نبسطه على الاخر .ده واكل ضرب ..بعينه شوف
سعادتك جتته .. ده تسبب باهماله .وجهله باصول الضرب .فى قطع جزمه سعاده الكونستابل

كانه محدش فهمه ازاى ينضرب .. وازاى ما يتسببش فى تعكير دم اللى بيضربه

ياحمار .. انا بقول تاكلوه اكل مش ضرب .. امشى غور ..هات سندوتش كباب من الكلابجى اللى جنبنا
وكوز .بيرل ..

انصراف

ها ياجحا .. تحت امرك . انا عاوزك تتكلم براحتك وانا هعملك اللى نفسك فيه

ياباشا انا جاى استفهم

انا سمعت انكم هتلاعبوا البرابر . بعد كام يوم .. وانا اعرف ان سعادتك حلفت بالطلاق .. انكم هاتقاطعوها

ومش هاتلعبول مع الناس الوحشه دى .
مش برضه حضرتك قولت كده .بعد ما ضربونا فى اليونان ..

رابسو باشا ينظر الى جحا متعجبا .. مين قال كده ياجحا

ومين هما اللى ضربونا ..انت لازم كنت بتحلم .. تلاقيك بتروح الخماره يا خلبوص
طيب ده احنا حبايب واخوات ... وفى الاخر دى رياضه .. الحوكشه بتقرب الشعوب ياجحا
مش

نقاطع بعض وكلام من ده

ياباشا كل شعوب العالم انما العرب لا.. دول يقبلوا الضرب والبهدله من اى حد الا احنا.. افتكر كده

حضرتك وانت تعرف

جحا وقد وضع يده على راسه

ياباشا انا عمرى ماروحت حته بطاله .هو انا لاقى اكل ..
انا شوفتك وانت بتقول كده . بلاش انت سعادتك ..المنادين كلهم قالوا كده
..ومش انا وحدى اللى سمعتك
اسال جارى نوفل ..السناكحلى .. هو بالمناسبه فين ..

يا جحا ياحبيبى .. محصلشى حاجه من دى خالص ... ولا ضربناهم ولا ضربونا .. واللى انت بتقوله ده

كله كان حلم .. انت تلاقيك كنت متقل فى الاكل

شويه

ياباشا ابدا .. انا حتى بتغدى بس .لابفطر ولا بتعشى .. طيب والناس اللى كانوا بيصرخوا فىالتليفونات
والمشخصاتيه اللى اتعوروا ..ودمهم سال .. واسبوعين وانا بسمع الطبل والزمر وهنحارب هنحارب

والشوادر اللى كانت بتتعمل قبل وبعد الماتش .. وزهروره وشلته اللى قالوا عملوا ملف مايخرش الميه
كل ده كان حلم . بلاش دى ..

طيب

انا افهم انا الحلم احلمه لوحدى

وهنا انتفض رابسو من مكتبه .. وقال له .لو سمحت ..
انا لااكره فى حياتى غير الكلمه دى .. معندناش مواطن من حقه يفهم . مابحبش اشوف حد فى الشارع
احس انه بيفهم ..ولا عاوز يفهم ..

جحا ..حقك عليا يابيه .. انا قالولى ..كويس كده ..
فهز راسه موافقه

فاكمل جحا

قالولى وانا صغير مافيش اثنين بحاموا مع بعض نفس الحلم ... .ازاى كنت بحلم ومعايا نوفل جارى

و200 مليون شاهدين على نفس الحلم وشافوه معايا ..

با جحا محدش شاف الحلم ده غيرك .وانا هاجيلك نوفل تساله بنفسك . وتعرف انك كنت بتحلم

والا عاوزنا نحولك على مستشفى المجانين ..

لاباشا .انا بس كنت عاوز اعرف . هما اخواتنا والا من الاعداء .. علشان انا طول عمرى

بسمع اللى بتقولوه وانفذه ..مش عاوز اعمل حاجه تزعلكم ..
علشان لو لقيت واحد منهم اسلم عليه ..طالما اخواتنا ..او اخاصمه واشتمه ..لو عدونا وانا راضى
بحكم نوفل جارى .. بس انت كمان .لو قال مش حلم ..تصدقنى وتفهمنى ..وتجيبلنا حقنا

حاضر
..بس كده يا جحا

انا هاجيبلك نوفل دلوقتى حالا ..بس تلاقيه تعبان شويه من الاكل .. وبيريح ..مانت عارف بقى

يجعله عامر دايما ياباشا ..انتم ابو الكرم والله ..مع الشعب كله ..مش حارمينه من حاجه
حتى الاوبئه . عندنا كوكتيل .. خنازيرى وطيور ومعيزى .. والسرطانات متوفره ..طبعا ما انتم لازم

تشغلوا مستشفى 57 .. وبيتوفروا كل حاجه للشعب .. حتى الموت ..ماشاء الله .ممكن بالقطر او بالعباره
او على الاسفلت . والجديد بقى الامراض

النفسيه وحالات الانتحار

طيب انت يا جحا بتقول الكلام ده وبتحلم الحلم ده ليه ...؟؟ انت مش عاوز مصر تلعب وتكمل

وتاخد الكاس والا ايه ..عاوزنا ننسحب يعنى

ابدا يا باشا .. ننسحب ليه لاقدر الله . انا بس عاوز اعرف الكلام ده والوعود دى راحت فين
وبينى وبينك ..سعادتك انا بخاف .مصر تفوز بحاجه .. الدنيا بتغلا بعدها وقوانين غريبه بتطلع

والواحد معندوش استعداد يوفر حاجه ثانيه ..
يعنى لو فوزنا بالكاس خد عندك .. احنا اللى بندفع الثمن ..ومحدش بيعترض ولا حاجه بنتلهى

فى الاغانى ويا حبيبتى يا اسبرطه ..

وكمان خايف يا باشا ..ننضرب تانى . وخايف المره دى تبعتوا البنات الصغيره انجولا.. تشجع

علشان لما نخرج ..نحمد ربنا اهم رجعولنا بالسلامه ولا بطوله ولا كلام فارغ ..
هو صحيح يا باشا البشوات بتوع الحكومه والكبار يعنى. ليهم استثمارات كثير فى البرابر دى وعشان

كده محدش قالهم بتعملوا ايه والا الاشاعه اللى بنسمعها

صحيحه

اشاعه

ايه يا جحا

بيقولوا ان بتوع الجزايرماسكين عليكم زله .وسيديهات من بتاعه الزفت مورتا . وكاسرين عينكم

وانتم كاسرين نفسنا.. قدامهم ..

لالا يا جحا ..مافيش حاجه من دى ..وكل اللى بتقوله ده كان حلم .ولا فيه حاجه من دى

خالص

هاتولى اللى اسمه نوفل ده

يدخل نوفل وهو يكاد يغمى عليه .رغم ان العسس يسندونه محاولين جعله يقف ..
ويساله جحا ..

مالك

يا نوفل ايه اللى بهدلك كده . انت قلت لحد انك عاوز تفهم ؟؟

فيرد نوفل ..كان حلم ..والله كان حلم .محدش قال .ولا حد ضربنا .ولا احنا نقدر نضرب

حد

جحا ..حلم ايه يا نوفل .هنحلم انا وانت والجيران مع بعض ازاى

نوفل
ايوه نحلم كلنا نفس الحلم يابن المجنونه ..هو انا وانت وبس... دول 80 مليون حلموا نفس الحلم

وصحيوا على نفس الكابوس ..هاتيجى عليا انا وانت .. حرمت افهم يا باشا .
وهاسيب البيت وامشى ..من جنب الراجل ده ..احسن يعدينى .. واحاول افهم

جحا

نوفل ما تخافش انا هاروح لمندوب الباب العالى بتاع انتيكا .. وهو وعدنى محدش هايكلمنى ..وانت

عارف الناس دى .. مش زينا يعنى

نوفل

كان حلم يا جحا .. تحب احلفلك بايه ..
فيرد جحا .
خلاص ياباشا يبقى كان حلم

فيرد السيد رابسو

شوف يا جحا

اسبرطه طول عمرها بيبقى فيها راجل واحد بس ..هو اللى بيفهم ويفكر .ويقولنا نحلم ازاى

والباقى دول ..اما اغاوات او طراطير .او مكبوتين .او مش فاهمين

قالها فرعون زمان ..ماعلمت لكم من اله غيرى

وقالها الخديوى سعيد

انتم عبيد احساناتنا

وغيرهم كثير

بقى ..وبطل تشرب بيرل وتسترجل .. ماينفعش تبقى راجل .. وحتى ماتحاولش تفهم

علشان الفاهمين .. بطلوا يشجعوا .. مصر واحنا مش معاهم

والمش

» الو ...انتا ياعم انتا ....ابليس باعتلك رساله
» هل تقبل أن تتنازل عن جنسيتك فى سبيل تحقيق حلمك ؟!!!
» ماتفشل ياعم واية يعنى
» حوار بين اب وابنه...ادخل ياعم وشوف ابهات اليومين دول...
» حصريا لمهندسين عماره برنامج تقسيم المنزل وترتيبه كيفما تشاء Room Arranger 5.04.0.122 Multilanguage Portable | 5.65 Mb