حصرى فقط فى البيت المصرى

(اشياء يجب ان تراها فى البيت المصرى)
1-حقائب السفر التي لن تراها الا في مكان من اثنين ( فوق الدولاب) أو ( تحت السرير)...
2-علب عصير التانج التي بعد فراغها لاتلقى في سلة المهملات بل تصبح مكانآ ممتازآ لوضع التوابل والبهارات في المطبخ...
3-في كل غرف الصالون لابد أن تجد تلك البونبونيرة السخيفة التي توضع فيها الحلوى للضيوف..( كل ما أشوفها في بيت حد ابقى عايز اكسرها)..
4-فوق كل كومدينو من غرف نوم الأب والأم لابد أن تجد ( مصحف وكتاب تفسير الاحلام)...( الستات بيموتوا في تفسير الاحلام لدرجة أحيانا بحس اني هما بيناموا عشان يحلموا عشان يلاقوا حد يفسرلهم الاحلام)...
5-في البلكونة لابد أن تجد معلقآ على الحائط الثوم والبصل وكذلك لابد من وجود مضرب لتنفيض السجاجيد ( واحيانا لاستخدامات أخرى)..
( عبارات لابد أن تسمعها في أي بيت مصري)...
1- لو مش هتنام بدري ابقى سيبلي ورقة مكتوب فيها أصحيك الساعة كام...( وماتبقاش زكي زيي وتحط الورقة في مكان مش باين )..
2-ياواد ماتستحماش وتقعد قدام المروحة...
3-ماتمدش ايدك على أختك تاني سامع...
4-اللي ياكل على درسة هينفع نفسة...
5-قوم ذاكرلك كلمتين ينفعوك في الامتحان...
6-في صباح يوم الامتحان تتلقى نفس النصائح كل سنة ( اقرا الفاتحة...وسطر الورقة... واكتب على سطر وسيب سطر)..
7-يا واد وطي التليفزيون شوية أختك مش عارفة تذاكر...انت لامنك ولاكفاية شرك...
8-عندما تفتح باب البلكونة لتهوية الغرفة فتسمع صوت والدتك بتلميحات تفهمها جيدآ ( اقفل باب البلكونة علشان منى بنت الجيران ماتتكسفش وهي بتنشر).
( ومش عارفه لية كل بنات الجيران اسمهم منى... وبعدين يعني هي لازم تطلع تنشر دلوقتي)..؟؟
9-تطلع من المدرسة على البيت على طول فاهم ( ملحوظة الجملة دي هتسمعها برضة بعد الجواز مع فارق اني المدرسة هتبقى الشغل )..
10-بلاش لعب وفتح وقفل في المقص بيجيب الفقر ( أموت وأعرف من البارد اللي طلع الاشاعة دي)..
11-آدي دقني لو فلحت..روح يابني ربنا يهديك..واحيانا ( حسبي الله ونعم الوكيل )
12-ماتغنيش في الحمام عشان الشياطين بتتلم ( لا والله...يعني لوغنيت برة الحمام عادي؟؟)..

لي عظيم الشرف في وضعي رد متواضع لموضوعك المميز جداً
كل التمنيات بالتوفيق
كل التمنيات من أعماق قلبي لأسرة هذا المنتدى الأكثر من متميز في كل جديد
شكراُ لكل مشاهد
شكراً لكل زائر
شكراً لكل عضو
شكراً لكل مشرف
ساهم في وضع معلومه قيمة أو برنامج نادر أو رد متميز أو نقد موضوعي
موفق بإذن الله
مشكوووووور
لكل أعضاء ومشرفين المنتدى
أجمل وأحلى التمنيات بدوام التقدم والنجاح وإلى المقدمه دوماً
الحكــ الأسواني ـــمدار

مشـــــكـــــ جدا جدا جدا ـــــــــــور

على هذا المجهود الأكثر من متميز

شكرا لحضرتك يا بشمهندس على مرورك الكريم

تحفه يا ذووووووووووووووق لا بجد جامد الموضوع ده تسلمى

كلامك مظبوط يا بشمهندسة
وهنلاقي حاجات مشتركة في بيوت الشعوب
التانية وشكرا
حصرى فقط فى البيت المصرى 619365

اقتباس :: في كل غرف الصالون لابد أن تجد تلك البونبونيرة السخيفة التي توضع فيها الحلوى للضيوف..( كل ما أشوفها في بيت حد ابقى عايز اكسرها)..

ههههههه

والمشكله كماااااااااااان انها بتكون فاضيه........

هههههههههه

تسلمي يابشمهنسه

ميرسي والله يا بشمهندسين علي مروركم الكريم