استفسار بخصوص دورة ICDL

السلام عليكم ورحمة الله وبركاته

لو سمحتوا يابشمهندسين عندي استفسار بسيط بس

انا سمعت انا طلاب الفرقة الاولي لجميع الكليات بجامعه جنوب الوادي
انه لابد من اجتياز دورة الـ ICDL خلال هذا العام قبل الانتهاء منه
وذلك للحصول علي شهادة التخرج فيما بعد
لن أطيل عليكم
كل الكلام اللي عايزة أقوله موجود في اللينك ده

http://www.svu.edu.eg/icdl/index.htm

فأنا بسأل هل هذا الكلام سيطبق علينا _طلاب الفرقة الاعدادية
بكلية الهندسة مساوية الفرقة الاولي لبقية الكليات

الرجاء الرد علي مدي صحة هذا الكلام
وهل حقا سيتم تطبيقه أم لا

وجزاكم الله عنا خير الجزاء
والله الموفق

هو انا كل معلوماتى يبشمهندسة ان كل الدفعات لازم تاخدها قبل التخرج

يعنى حضرتك مش حتحصلى على شهادة التخرج غير ومعاها لازم icdl
اما لو كان استفسار حضرتك بخصوص المنحة المقدمة من الوزارة
فمعرفش هى مطبقة السنة دى ولا لأ
بس حضرتك تقدرى تستفسرى من الجامعة
اتصلى بالرقم ده 0973482901
هيرد عليكى السويتش قوليلوا ادينى مركز المعلومات واستفسرى منهم
او اتصلى على طول من الرقم ده بمركز المعلومات 0973482900
بس غالبا الموظفين بيكسلوا ما يردوا حاولى تغلسى عليهم يعنى
وربنا يوفقك يبشمهندسة

انا سمعت انها اجبارية و لكن فى اى عام من اعوام الكلية و لا يشترط اول سنة

withagree كتب:: انا سمعت انها اجبارية و لكن فى اى عام من اعوام الكلية و لا يشترط اول سنة

كلامك صحيح يبشمهندس

بس انا قصدى على المنحة المجانية اللى كانت خاصة بطلاب الفرق الاولى والاعدادية السنة اللى فاتت
ودى ماكنتش اجبارية عليهم اللى عايز ياخدها ياخدها واللى مش عايز براحته بس لازم ياخدها قبل التخرج
لكن دلوقتى افضل لما تاخدها فى اعدادى قبل ماتدخل فى دوامة القسم وبعدين ممكن يفضل ليك وقت تاخد فيه دورات تانية واهوه تبقى خلصت منها
زائد انك حتاخدها مجانا صحيح بتدفع فى الاول 145 جنية بس بترجعلك لما تنجح بعكس الدورة الخاصة بتكلفك اكتر من 400 جنية ده غير بهدلة الحصول على الشهادة
وربنا يوفقكم يبشمهندسين

الحقيقه ماتقصده الاخت البشمهندسه هو هذا البند من القرار

استفسار بخصوص دورة ICDL 27-02-10

لذلك علي من لدية اية معلومات عن هذا البند افادتنا لانه بذلك يصبح الوقت ضيقاً امام الطلبه من الفرقتين المذكورتين في البند
وشكراً جزيلاً مقدماً

في البداية أحب اشكر اهتمام البشمهندس withagree وبشمهندسة eng masrya

شكرا جزيلا لحضراتكم
وانتوا قولتوا اللي تعرفوه
بس الكلام ده من فترة وانا سمعته
واللي بسأل عليه
في البند ده

بنت مصر كتب:

وطبعا انا مش عارفه اقولك ايه بجد يا أم عبدالله دايما بتعبك معايا ربنا يخليكي ليا

وجزاكِ الله عنا خير الجزاء

فعلا البند ده اللي انا بستفسر عنه

السلام عليكم و رحمة الله و بركاته
معلش يا اخوانا الموضوع طلع بجد و السنة دى فعلا
لما رحنا سالنا الدكتور لؤى قالنا :
ان ICDL بقى مادة مثل باقى المواد المقررة على اعدادى و اولى هندسة
يتم تسجيل الاشتراك بمقره الخاص بالجامعة فى صحارى
كما انها ليست تبع المجموع و لا تعتبر مادة رسوب و لكن تعلن نتيجتها مع باقى المواد
و يظل الطالب راسبا بها حتى يتم تخطيه لها
بعنى من الممكن ان ياخذها الطالب فى الاجازة الصيفية او حتى السنة اللى جاية
و اخر موعد للامتحان اثناء الدراسة هو يوم 20/4/2010
و حسب كلام الدكتور لؤى انه من الممكن التحايل فى هذا الموضوع اذا كان الطالب غير مستعد او لا يجد الوقت الكافى
للمذاكرة و اداء الامتحان حتى اليوم المحدد
و هى ان يتم تسجيل الاسم و يجتاز الطالب مديول او اثنين فقط على الاقل من السبع مديولات
حتى يسجل الطالب انه قيد المتابعة
و ذلك الى ان يستعد تماما لباقى الامتحانات
و ان شاء الله موفق الجميع