اعتذار لأدارة المنتدي ولأعضاؤه المحترمين

طبعا أنا مكنتش ناوي أنزل الموضوع ده لكن وجدت من الواجب أن اعتذر لجميع ادارة المنتدي ومشرفيه وأعضاؤه

المحترمين وطبعا مكنش ينفع أبعث برسائل خاصة للجميع

لقد كنت أظن أنني حين أفتح موضوع للنقاش في شيء كنت أراه مهما من وجهة نظري للمنتدي وأعضاؤه ولكن

أعتقد قد خانني التوفيق فيما طرحت ويعلم الله ما كان بنيتي حين طرحته وان هدفي كان مصلحة هذا المكان وصورته

أمام أعضاؤه وزواره لأنه صورة تنقل للجميع مايحدث في هندسة أسوان شئنا أم أبينا ذلك

ولكن فوجئت بموضوعي يتحول لشيء أخر لم اكن اتمناه او احب أن أراه من بعض أناس المفترض أنهم هم مهندسين

المستقبل وتحول الموضوع لساحة لتبادل الاتهامات وأصبحنا كلنا كأننا متهمين ندافع عن أنفسنا

وهذا يدعوني للتساؤل هل كان رئيس وزرائنا المبجل محقا حين قال نحن لم نتعلم الديموقراطية ؟؟؟؟

فأظن أن أبسط قواعد الديموقراطية أن نحترم أراء بعضنا البعض ولا نجعل اختلاف وجهات نظرنا تتحول إلي عداء

شخصي وتصفية حسابات وهنا لا يسعني إلا أن أتقدم باعتذاري الشديد للبشمهندس حسام لما حدث في حقه بسبب هذا

الموضوع وأعتذر لمدير المنتدي البشمهندس الحبار عما حدث بسبب موضوعي وأعتذر لجميع من سائهم ماحدث في

موضوعي من كلمات قد تكون سيئة وليس هذا مكانها

ملحوظة:أرجو من ادارة المنتدي اذا سمحت لي أن أطلب هذا غلق هذا الموضوع أيضا حتي لا يتحول لساحة مشاحنات أخري نحن في غني عنها

وأتمني التوفيق من الله لجميع الأخوة والزملاء وأن يوفقنا الله لما يحبه ويرضاه

بشمهندس فارس الأندلس

حضرتك مفيش داعي للإعتذار لأنك فعلا بموضوعك كنت تقصد مصلحة المنتدي وده ايلي انا متأكد منه

واحنا ايلي مفروض نقدملك اعتذار ان موضوعك اتحول للتشبيه ايلي حضرتك قلت عليه

وانه كان المفروض ياخد شكل تاني غير ايلي ظهر عليه

وانا زي ما قلت قبل كده وهافضل اقول

اني مش بشيل من حد ولا بكره حد مهما اتهمني او قال عليا اي حاجه

بس انا ف الأول و الآخر دايما بسامح وعمري ما كرهت حد ولا عاملت حد وحش

علي العموم مره تانيه يا بشمهندس بنقدملك اعتذارنا و بنشكرك علي خوفك علي مصلحة المنتدي

والحرص علي ارتقاؤه

اعتذار لأدارة المنتدي ولأعضاؤه المحترمين 604369

اعتذار لأدارة المنتدي ولأعضاؤه المحترمين 604369

مفيش داعى للاعتذار ياباشمهندس
لان الكلام دة مش بيحصل فى موضوعك بس...بالعكس دة بيحصل فى اى وقت وفى اى قسم فى المنتدى....ومع اى حد من اعضاء ومشرفين.....ربنا يعفينا منهم ومن مشاكلهم

يا بشمهندس مفيش داعي للاعتذار او لاي حاجه تاني ..

احنا هنا كلنا اخوه واذا كنا عاتبنا بعض فده في عشمنا في بعض ...

واتمني من كل الناس تسامحني اذا غلطت في حد من غير قصد

وانا اسف جدا اذا زعلت حد مني فيوم ...

السلام عليكم ورحمة الله وبركاته

كلامك يا أخ فارس إن دل على شىء فإنما يدل على الأدب والإحترام الكبيرين وثقافة الإعتذار

للآسف لا أجدها هذه الأيام فأنت لم تخطا فى حق أحد ولكنك أهتممت بأن تعتذر لربما تكون

أخطأت فى حق أحد ولم تقصد ذلك ويا ليت هذا الأمر يشيع بيننا فى المنتدى وخارجة.

أشكرك جزيلا على كلامك وبإذن الله لا يتجدد الخناق وتبتعد عنا نزغات الشيطان ويهدى علينا

الجميع.

والله الموفق

يابشمهندس الموضوع فكرة حلوة اوى وكان المفروض ميتحولش للدرجة دى بس دا خطا ناس معينة مبتعرفش تتعامل مع الناس ناس عندها نقص او اى عقد وكدا يعنى والكلام الى فى الردود ضايقنى جدااااا على فكرة وانا مبحبش اعمل مشاكل مع حد لان عارف كويس ان فى اختلاف فى الشخصية بتعت كل واحد فى الحقيقة يعنى وجها لوجه وفى المنتدى وكل واحد عارف نفسة كويس.
وبالنسبة لموضوعك الشعب المصرى احسن شعب يقول كلام حلو واكتر شعب مش بينفذ كلامة يعنى ناس كلها بتاعت شعارات .
وكل واحد بقى حاجة بيظهر نفسة علينا وانا والله مش بدخل فى نقشات مع حد علشان راجل بحترمة جداااااااااا المدير بتاعنا الدشناوى الاصيل طبعاااا والباقى دا انا مش بارتحلة خالص لذلك مبدخلش فى نقاش معاهم لانهم بصراحة بيتكلموا كدا بطريقة استفزاية جدا حتى لو الواحد غلط لو كلمتة باحترام هيتكسف من نفسة وممكن يعتذر لوحدة لكن من غير بقى الكلام الكبير بتاعهم دا بحيث انهم يحسسوك انهم شحصية يعنى وتخاف منهم وانا مش بهين حد بالكلام دا علشان انا لما بقرا تحذيراتهم الكبيرة دى بافطس ضحك لانى مبخفش من حد وثانيا المفروض يبقى فى روح تعاون والواحد يبقى مخه اكبر من كدا يعنى المفروض اللى واخدين منصب يتخذو اسلوب النصح بدلا من التحذير دا علشان المنتدى يرتقى ونبقى ناس محترمة
وبانسبة للخلافات اللى بتحصل فى الحوار ياريت كل واحد عاوز يبقى شخصية او ضايقة كلام عضو تانى تبقى بينهم وبين بعض فى الشارع وجها لوجه كدا او فى الشات او رسايل خاصة بدل مانفرج الناس على ردود مش متعلقة بالهندسة خالص
ولو اى حد ضايقة كلامى يااريت ميعلقش علشان الموضوع ميتقلبش زى الموضوع السابق

» :::: اخر البنات المحترمين ::: أهداااء خاص لجوست
» اعتذار
» اعتذار
» اعتذار رسمي مني
» رسالة اعتذار