يالا بينا نشوف امتحان مصر فى اللغة العربية سنة2060 ها يبقى شكلة ازاى.........ومن غير زعل

ده كده بالصلا عالنبي امتحان مصر في اللغة العربية لعام 2060
****************************************************

ملاحظات: 1-يا ريت تجاوب ع الأسئلة كلها بوضوح وما تكبرش دماغك لأى سؤال
2-يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
3-يسمح للطالب باستخدام ال MP3 أثناء الامتحان

======== بيانات الإمتحان ======

وزارة هنديك بالشبشب
******************

أختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري

=====================

هذا الامتحان برعاية بيبسى
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))

==================================================

السؤال الأول (20 درجة)

==================================================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
وبقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

==================================================

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (5 درجات)
4- استخرج من البيت الثالث صورتين فوريتين مبينا نوع الكاميرا (3 درجات)

==================================================

السؤال الثاني ( 8 درجات)

==================================================
أعط أسباب ما يلي مع شرح وافي :

1- تم نقل السوق المالي إلى سوق السمك ؟ (2 درجة)
2- إقبال الناس الى شراء نوكيا 9990 و عدم شراء نوكيا 9900 ؟ (2 درجة)
3- إغلاق شبكة الأخبار Pnn بعد زواج شارون ستون ؟ (2 درجة)
4- أسباب اندلاع الخلاف بين تامر حسنى و عمرو دياب فى عام 2010 ؟ (2 درجـة)

==================================================
(الورقة التانية)
*** أخي الطالب أقلب الصفحة: والله لتندم عالساعة اللي دخلت فيها المدرسة ***

==================================================

السؤال الثالث –اختياري- (15درجة)

==================================================
1-قال تامر حسنى فى أغنية "لولا الهوى"
دا انا اللى دا يبقى رسمى فهمى نظمى و...........(شوقى - فتحى - عدلى) لو تحبى أ-اختر مما بين الأقواس؟ (5درجات)
ب-أذكر العلاقة التى تربط بين تامر حسنى وبين هؤلاء الأشخاص؟ (5 درجات)
2-ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل أسوان رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)

==================================================

**فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

==================================================

السؤال الرابع (8 درجات)

==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

1-ماذا كان يريد ان يقول عمرو دياب للمزة ؟ (4 درجــات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجـــة)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 درجة)

==================================================

السؤال الخامس (20 درجة)

==================================================
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى ))

==================================================

السؤال السادس ( 20 درجة )

==================================================

اجب عن أربعة فقط من الأسئلة التالية

1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجــات)
2- ما رأيك بموقف "حسام" من "منال" في مسلسل الحقيقة و السراب ؟ (5 درجـات)
3– اذكر أسماء أبطال مسلسل كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في بنى سويف2056 ؟(4 درجات)
4-أذكر الأسباب الحقيقية التى أدت لمنع عرض فيلم "كلمنى شكرا" من دور السينما المصرية ؟ (6درجات)
==================================================

سؤال المساعدة ( لرفع العلامة ) ( 20 درجة)
و ملهوش لازمة اساساً

==================================================
أ– أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء ؟

==================================================

انتهت الاسئلة و نلقاكم في امتحان الدور التاني انشاء الله
ربنا يعينكم علينا

" واستنونى فى امتحان مصر لمادة الفلسفة لعام 2060 "
**********************************************

عايز أقول من الموضوع ده إن التعليم في مصر عمره ماهيتعدل
وعلى راي عمنا الحاج سعد زغلول لما قال لصفية (مافيش فايدة) طبعا كل ده منطبق على منظر الامتحانات
وربنا يستر على الأجيال الجاية
===========================================================

(على فكرة الموضوع دة نزلتة واتقفل بعد ما نزل ب5 دقائق من غير أى سبب فياريت لو سمحتوا ما تقفلوش الموضوع)

اية المواضيع الجامدة دى يا سولوم

طب لو سؤال وقف معايا ينفع أتصل بالمزة قصدى بصديق

لو سؤال وقف معاك يا بو سليم

نفضلة وما تتعبش دماغك