هيَ يا عم هيَ

********



يَـ ـمُ العيون السود



وبسمة لونها أخضر



ونجمةْ قمر لامع



ونسيم بيتمختر



ونيل ماشي بيتسحّب علىَ أرضك



وحبة شوق بيبدرها هوا عطرك



ونقطة من المطر نازلة علىَ غصنك



تخلي حياتنا مبتسمه



بلون زرعك ولون طرحك



وقدامنا إيدين عايشة



بتتمنى يزيد جرحك



بتدبحنا هنا وهناك



وإنتِ بتحكي .. بستناااك



يا بلدي غُربتي أرحم



من الوحدة في أوردتك



يا بلدي كنا يوم عايشين



إيدين واحده بطول وقتك



لكن دلوقتي مزعنا السكات والكبت



وغمّا عنينا خلانا



نلاقي كل طرقك سد



وندبح كل ضحكاية



ونحجز حلمنا بـ 100 ( بـميت ) حد



وآه لما نقول الآه ونتوجع



نلاقي ألف خرزانه بتتمرجح



على ضَهري وعلى ضَهرك



وسايبَه علامة بتسبح



على يأسي وعلى قهرك



انا يا بلادي مِستنّي يدوب الربط



وبستنّىَ يا شعبي تفوق



ومش هحكي انا وطني



ولا هحكي لأجلك أنت



انا من يومي رايح جاي



وإنت في النعيم والمجد



وحالي للهموم شكّاي



وعمري ما شكيته لحد



تبص فـ معدتي فـ جوفي



مَهتلاقي حتى تفل الشاي



ولا الخزنة فيها بواكي



لكنّي حقيقي متأكد



بإن في يوم هلاقي الناي



كما المدفع بيخبط زمر



وألاقي عمنا الخبّاز



بيعجن من دقيقـُه جمر



ولقمة ناكُلها مخبوزة بتراب المر



عشان لما نقول لأه



ما نخشى من كلابك سُعر



عشان لما



نقول لأه



نكسّر كل سور للذل



يا بلدي



يلّي دايقه المر