كل سنة وانت طيب وعبيط

عارف
لما تبقى شايف نفسك طول عمرك بطريقة معينة وتكتشف ان معظم اللى حواليك
واقربهم اليك (المفروض يعنى) شايفنك حاجبة تانية خالص... شايفين حاجات مش
فيك .. ومش شايفين حاجاات كتير فيك.
افتكرت الموضوع دة بمناسبة عيد
ميلادى النهاردة .. افتكرت اد ايه كل سنة كانت بتعدى على بتمنى فيها انى
امشى من هنا .. وهنا دى تطلع اى حاجة ..تطلع البيت او البلد او الدنيا
كلها المهم انى امشى .. امشى من وسط ناس حاسس انهم اغراب اوى عنى او انا
غريب عنهم .. مش زى ولا انا زيهم ... مش شايفنى خالص ولو شافونى بيشوفونى
بالمقلوب.
"بطل بقى الطيبة والخيابة دى"... "بقولك ايه فقولى بق كدة وبطل اليابة دى"
وكلام
كتير من نفس النوعية دى كنت دايما بسمعه من البيت واتهامات كتير بحاجات مش
في .. الاول كنت بحاول افهمهم وجهة نظرى وادافع عن نفسى .. بعد كدة بقيت
مش بقر ولا مهتم انى ادفع التهم و الفهم الخاطئ لى .. اصيبت بالخرس
والبلادة الشديدة تجاه اى حد يقولى على حاجة معملتهاش او صفة مش في ..
فصلت نفسى عن العالم دى تماما ..مبقاش يهمنى ابدا ولا تفرق معايا بالمرة
رايهم فى خالص كانهم مش موجودين فى حياتى .. اتعودت على كدة وانسجمت مع
نفسى اوى .. حياتى بقت بالظبط كالتالى .. انا عايش فى سينما بتعرض فلم
مدته عشرة خمستاشر سنة شغال عرض متواصل والناس دى هى اللى بتمثل فى الفلم
وانا رايح جاى قدامهم بس هم فى بعد وعالم غيرى.. بقو عبارة عن خلفية
ومزثرات صوتية فى حياتى .. هما يزعقوا ويتخانقوا مع واحد فى الفلم تقريبا
طول الفلم فاهمينه غلط .. وانا مالى اكيد الكلام مش لى ..
خرجت بعد كدة
للعالم اللى برة اللى هو الكلية وبعيدن الشغل .. نفس المشكلة واجهتنى مع
الناس اللى بقت غبية اوى و قاسية اوى .. مش بتقدر تسمع بعض مش بتقدر ترحم
اى اختلاف . الطيبة والرحمة والحنية بقت عبط ومرض .. انك تكون فى حالك مش
بتتدخل فى اللى مش يخصك ولا بتتكلم ولا تتريق على خلق الله بقت انعزال
وانطواء وجبن .. ان تكون الفلوس بالنسبة للك وسيلة مش غاية وانك تكون راضى
بقى اسمه سكون وعدم طموح ... انك بمنتهى السهولة تقدر تطلع اللى فى جيبك
لانك شايف ان صاحبك الفلانى والى بيه بقت سذاجة وهبل .
الناس كلها بقت ابطال الفلم اللى انا كل علاقتى بيه انى ساكن فى السينما اللى بتعرضه .. لكن هما فى عالم غير عالمى وفى بعد غير بعدى.
هاكمل
حياتى لوحدى بعيد عن الناس وقرفهم وصراعتهم اللى معظمها يتحل بكلمة حلوة
او ابتسامة ود صافية .. بس الناس مش بقت بتحب الهبل دة ولا انا بقيت احب
الناس دى.
دايما بقت باصص للسما مستنى سفينة الفضاء اللى هاتنزل تاخدنى
من هنا وتقولى انت ايه اللى مقعدك مع الناس دى مكانك مش هنا ..لا هايفهموك
ولا هاتفهمهم ..

بحب اوى الاغنية دى .. بتبكينى اوى
لم يعد يمكن ان ابقى هنا .. فهنا يبكى على بعضى بعضى

يا كل اللى شايفين الحنية والطيبة عبط ومرض يستوجب العلاج .. انا مش عاوز اخف .. يا ريت انتوا اللى تعيوا زى .. يا رب تعيوا زى .
وبمناسبة عيد ميلادى احب اهنى نفسى واقولى
"كل سنة وانت طيب وعبيط"

كل سنة وانت طيب وعبيط Lol

أهداااااااااااااااااااااء ,,,,,,,, لنفسي !!

كل سنة وانت طيب وعبيط 906137

هههههههههههههه
موضوع رائع
بس اذا اجتمع ثلاثه وانتم اربعه على خطا فهم على الصواب
فمابالك بالناس كلها
عيد ترتيب حساباتك الشخصيه
على العموم سيبك انتا كل سنه وانتا طيب
وسيبك من عبيط

موضوع جميل جدااا
واسلوب الكتابة والتصوير رائع

الشعور ده شعور صعب جدااااا مش أي حد ممكن يتحمله علي فكرة
انا ساعات بعاني منه بس مش من البيت الحمد لله من الناس اللي برة

وخصوصاً في الكلية وفي تعاملاتك الخارجية
تلاقي الناس اللي المفروض غلط وتفكيرهم غلط كتيييير
لدرجة ممكن توصلك للشك بنفسك انك انت اللي فيك حاجة غريبة مش هم

بس أرجع وأقول هذا هو حال الدنيا
الناس خلاص اطبعت علي كدة وصعب تتغير

فمينفعش تكون طيب معاهم لانهم حيستخدموا طيبتك غلط
وحيقولوا عليك انك ممكن يضحك عليك بسهولة وانك ساذج وكلام من ده كتييييير

مفاهيم الناس عن الطيبة والرحمة والحنية اتغيرت خالص
بس يمكن هم معاهم عذرهم من اللي بيشفوه من الدنيا ومن اللي بيجري ليهم

بس عارف ايه الاصعب من كل ده
انك مهما حاولت انك تغير من نفسك وتبقي زيهم
مش حتقدر تغير من نفسك علشان ترضيهم
فالأفضل انك تفضل زي ما أنت ومتحولش تغير من نفسك
لان الناس اللي كدة قليلة جداااا في الزمن ده للأسف

وكل سنة وانت طيب يا بشمهندس إسماعيل