تنبيه هام بخصوص مسابقة تصميم الانسان الالى

اخوانى واخواتى طلبة وطالبات هندسة اسوان الحمد لله السنه اللى فاتت ربنا وفقنا وقدرنا اننا ندخل مسابقة كورد واللى حققت انجاز كبير مالوش مثيل والفضل بعد ربنا سبحانه وتعالى يرجع للبشمهندسه شيماء والبشمهندس احمد خالد والبشمهندسه ساره وكل جروب التنظيم واللى وتعبوا بجد علشان نعمل مسابقه بالقوه دى

وزى ماعملنا مسابقة كورد انا نفسى بصراحه اننا ندخل روبوكون ايجيبت ودا مش هييجى بسهوله لان كل حاجه ولازملها ترتيبات علشان كده

النهارده انا قابلت المهندس جمال عبدالعاطى رئيس مجلس ادارة شركة جيليكوم فى المقر الرئيسى للشركة فى القاهره وكلمته فى موضوع روبوكون واد ايه نفسنا فى اسوان ندخل المسابقة دى علشان ماحدش يقول اننا مابنقدرش نعمل حاجه والدليل اهو مسابقة كورد اسوان واللى كانت ومازالت اقوى مسابقة شافتها كورد ومش هتشوف قوه زيها فى اى مكان فى مصر

المهم البشمهندس جمال وافق على الفكره لكن علشان يطمن اننا نقدر نمثل هندسة اسوان ونقدر ننافس صح لازم نبقى على علم بأساسيات تصميم الروبوت

ودا مش هيحصل غير لما نبقى حاصلين على دورات فى الموضوع ده

plc 1

plc 2

robotics

ودول هما الاساس علشان نعرف نصمم روبوت ينافس الكليات المشاركه فى المسابقة وربنا يوفقنا كلنا ان شاء الله ونرتقى بكليتنا بين هندسات الجمهوريه

والحمد لله الدورات اللى قولتلكم عليهم دول شركة جيليكوم هتوفرها فعلا عندنا فى فرع الشركه فى هندسة اسوان واللى ابتدى فعلا بدورة gsm

فياريت يا جماعه اللى عنده جديه وناوى يشارك فى روبوكون ان شاء الله يكلمنى والله الموفق

اخوكم يحيى بدوى محمود

الفرقة الثالثة تحكم وحاسبات

هندسة اسوان

تنبيه هام بخصوص مسابقة تصميم الانسان الالى 604369

شكرا يا بشمهندس يحيى
والصراحه بعد ما شوفت أمبارح مسابقة ربوكون بتاعت أمبارح حسيت أننا قريبين منها أوى
وخلينا دلوقتى مركزين فى كورد

الحمد لله يا بشمهندس احمد مسابقة كورد حققت انجاز كبير ومنتظر انها تحقق نجازات اكبر كمان السنادى ان شاء الله ودا بمجهودكم الرائع اللى الكل لاحظه السنه اللى فاتت واللى مازال مستمر فربنا يوفقكم ان شاء الله

وروبوكون كمان طلبه كتير فى الكليه بيحلموا اننا نشارك فيها ونحقق انجاز زى ماحققنا فى كورد والاحساس ده مجاش من فراغ بالعكس لما الناس شافت المستوى الرائع بتاع مسابقة كورد الكل متوقع اننا نحقق زيه ان شاء الله فى روبوكون ايجيبت

فربنا يوفقنا ان شاء الله ونحط البدايه للأجيال القادمه

» تنبيه هام بخصوص مسابقة تصميم الانسان الالى
» تنبيه بخصوص مواضيع قسم الأدب و الشعر....
» مسابقة تصميم دائرة الكترونية للفرقة الثالثة والرابعة اتصالات
» تنبيه هام جدا
» الحلقه الاولي (التحكم)