خيال مآتة !!

.
..
.
زرعوا الأمل فى أراضى بور
كان حلمهم سكة سفر
لنهار جديد
لكن عشان طَبْع الـ بَشَرْ
سابوا الأمل من غير مـَ يسقوه الحنان
متعشِّمين ..
فى سحاب هيروى حلمهم
و خيال مآتة
ريح العصارى كات تلطف وحدته
و الشمس بتغذيه أمان
فارد دراعه ع الشمال ..
و ع اليِمين
حالف يَمين
يحمى الأراضى البِكْر مـِ البهتان
على وشه كان مكتوب " خَطَرْ "
لكن السحاب
– لَجْلِ القَدَرْ –
يمحى خطاويه مـ السما
و الجِدْر مشتاق للمطر
و الليل هَجَمْ
على غفلة من حَرَس النهار
و بقسوته ،، دَوِّب حدود الصبر فِ جْدور الأمل
و بدل ما يطرح روح حياة
طرح انهيار
يصحوا البشر ..
على صوت أنين الأرض من كُتْر الـ عَدَمْ
من جهلهم
يجروا علـ خيال المآتة يلبِّسوه توب ذنبهم
خاب ظنهم !! ...
ساعتها كان الهمِّ دَوِّب قوته
و مـَ باقى منه /
غير حروف كلمةْ
" نَدَمْ "

كلمات جميلة
و اختيار موفق من حضرتك
سلمت الايادى

– لَجْلِ القَدَرْ –
يمحى خطاويه مـ السما
و الجِدْر مشتاق للمطر
و الليل هَجَمْ
وانا لجل حظى الحكيم
ان اقرا موضوع لحضرتك
بهـ كل المعانى الجملة
سلمت يا بشمهندس وسلمت اناملك

» كلام العيون علم مش خيال وجرب هاتعرف
» السجن بالنمسا دى حقيقة والا خيال
» تحول حلم البشرية، في رؤية إنسان يطير في السماء، فوق رؤوسنا، من خيال الى حقيقة.
» حقيقة وليست خيال ويندوز إكس بى حجمها 90 ميجا تثبت فى 5 دقائق فقط + 21 برنامج مثبت بها
» "محمول السيد الرئيس"خيال علمى.