سؤال الى ذوي الخبره

السلام عليكم.......
لو سمحتم يا جماعه عاوز اعرف ما هى مجالات العمل المتاحه اذا الانسان اخد كورسات database administration and development
يعني ح يبقي وظيفته ايه؟! وايه الشركات اللى ممكن تطلبه
وشكرا مقدما

مرحباً بك أخى العزيز

في منتدانا

بالنسبة لسؤال حضرتك

في ال Developer

وال Admin

يعتبر مجالين مختلفين

الأدمن هو الأعلى

حيث ان حضرتك ممكن تشتغل ديفلوبر لفترة معينة حتى تكتسب الخبرة

و من ثم تتدرب على الأدمن فتعلو درجاتك إلى أدمن داتا بيز

فاذا كنت مبتدئ _ الأفضل لك أن تبدأ بكورس الديفلوبر

حتى تتعايش مع الداتا بيز وتفهم المفاهيم العامة وتبذل مجهود كبير

يجعلك ترحب بالعمل الأكبر والأعلى اجراً

فانك كديفلوبر لداتا بيز

فمن مهام عملك :

1- بناء قواعد بيانات كاملة من حيث الجداول والاستعلامات بناءاً على ما
تحصل عليه من محلل النظم، وعلى التوجيهات التى تعمل بها من أدمن الداتا
بيز.

2- بناء واجهات ونماذج للتطبيقات تتناسب مع التطبيق الذى تعمل عليه

3- بناء سيستم تقارير متكامل للتطبيق .

فانت الأن يجب ان تفهم جيداً لغة السكوال _ ولغة برمجة التى تساعدك على بناء النماذج

وبرنامج تقارير الذى ستستخدمه

ومثال من قواعد بيانات أوراكل مثلاً :

انت محتاج دراسة :

SQL

PL-SQL

Oracle Forms

Oracle Reports

أما بالنسبة لوظيفة الأدمن : DBA

Database Administrator

فهى الأجزى أجراً وتحتاج خبرة عالية _ لانك تكون شخص واحد يتحمل مسئولية

سقوط الداتا بيز او حدوث أى كراش لها

ومن مهامك :

مدير قاعدة البيانات هو الشخص المعني بعدد من المهام
الأساسية واللازمة لإستمرار عمل قاعدة البيانات بشكل سليم ويمكن تلخيص
مهامه بآلاتي :

تركيب وإعداد خادم الأوراكل والتطبيقات المتعلقة بالأوراكل .
التحديث والتطوير لقاعدة البيانات .
تحديد الموارد المطلوبة مثل مساحات وسائط التخزين وحجم الذاكرة , والتوصية بتحديثها أو تعديلها بناء علي الأداء .
بناء الهياكل الرئيسية للبيانات مثل الجداول الفهارس بالتواصل مع طاقم التطوير .
تعديل وتحديث قاعدة البيانات بناء علي متطلبات المبرمجين .
مراقبة أداء قاعدة البيانات ومعالجة مشاكلها .
مراقبة المستخدمين لقاعدة البيانات والتأكد من كفاءة الصلاحيات .
التخطيط والتنفيذ لعمليتي النسخ والإسترجاع لقاعدة البيانات .
تنظيم وإدارة عملية أرشفة قاعدة البيانات .
التواصل وتقديم الدعم الفني لكل الجهات التي تتعامل مع قاعدة البيانات وفي مجال إختصاصه .

جزاك الله خيرا

وهل لو اخدت كل الدورات دي تشغلني بالرغم من انى مش هندسه حاسبات ولا اتصالات

حضرتك _ حالياً الشغل اما بيكون بالكفاءة أو بالواسطة
وبرده مش بستبعد انه لازم المؤهل الدراسى
لكن فيه شركات كتير مش شرط عندها المؤهل قد ما انها بتهتم
بالكفاءة .
فانت اهم حاجة عندك انك تقوى كفاءتك في المجال دة،
وتدريباتك العملية وحتلاقى فرص عمل ان شاء الله
وتقدر تعوض كدة بالحصول على الشهادات المعتمدة اللى تؤهلك للعمل.
بس اعتقد ان دة حيكلفك كتيير في الأول.
والشهادات المعتمدة دى برده مطلوبة حتى للمهندسين....
واخيراً بوضح لحضرتك ان مهندسين اتصالات مالهمش اى علاقة بمجال الداتا بيز.
اللى حتلاقيهم معاك في سوق العمل:
مهندسين حاسبات _ حاسبات ومعلومات _ علوم حاسب