تنتخبوا مين..؟

تنتخبوا مين..؟

بقلم على سلامة ٧/ ١١/ ٢٠١٠

صرح صاحب المعالى

وأكد..

وشدد..

وحدد..

وريح..

ومدد براحته..

واستعرض..

وهدد..

وبانت صراحته..

وأشار..

وأشاد..

وقرر..

ونفى..

واختفى..

وطفى النور

وأضاف..

وشد اللحاف..

ونام..

آخر كلام..

فى نظام مستبد

ومعارضة هشة..T

والله لو نجيب مليون مقشة..

ما عمرك هتنضف يا شارع الكدابين..

تنتخبوا مين..؟

نفس الوجوه واليفط

اللى دابت وشاخت من سنين..

تنتخبوا مين..؟

ده نائب..

ودى قصته..

تلاتين قرار لعلاج آلام رموش عيون المدام

وتصليح ركبته..

ومفيش قرار واحد يوحد ربنا

من أجل أبناء دايرته..

تنتخبوا مين..؟

ده قمار..

ودى موبايلات..

ودى تربيطات..

ودى مصالح..

ودى مخدرات..

ودى دعارة..

ودى تجارة بالدين..

وده صندوق الانتخابات..

تنتخبوا مين..؟

الســــــــــلام عليكم

هههههههههههههههههه الصراحة حضرتك يابشمهندس مواضيعك فوق الممتازة بس انا ليا رجاء عند حضرتك انك لا تأخذ الاشياء علي أعصابك لان البلد كلها فيها فساد ووالله لازم تتأكد ان هناك علاقة طردية بين الوجوة والفساد بمعني انه كلما تغيرت الوجوه زاد الفســــــــــــــــــــــــاد والحمد لله البلد دة محتاجة اننا نرجع لطريق ربنا فقط وساعتيها ان لم تملك الارادة للتغير فانك تملك الدعـــــــــــــــــــــــــــــاء .

تقبل مروري ويارب تقرأالتعليق .
والسلام عليكم

Miss_snowhite كتب:: الســــــــــلام عليكم

هههههههههههههههههه الصراحة حضرتك يابشمهندس مواضيعك فوق الممتازة بس انا ليا رجاء عند حضرتك انك لا تأخذ الاشياء علي أعصابك لان البلد كلها فيها فساد ووالله لازم تتأكد ان هناك علاقة طردية بين الوجوة والفساد بمعني انه كلما تغيرت الوجوه زاد الفســــــــــــــــــــــــاد والحمد لله البلد دة محتاجة اننا نرجع لطريق ربنا فقط وساعتيها ان لم تملك الارادة للتغير فانك تملك الدعـــــــــــــــــــــــــــــاء .

تقبل مروري ويارب تقرأالتعليق .
والسلام عليكم

وعليكم السلام

شكرا لحضرتك على الرد والمتابعة ونسأل الله أن يصلح الحال بتغير الوجوه إنه سميع الدعاء وأتمنى لكى كل التوفيق

والله الموفق