منتدى طلبة كلية الهندسه بأسوان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلبة كلية الهندسه بأسوان

منتدى طلبة كلية الهندسه بأسوان
 
الرئيسيةالتسجيلأحدث الصوردخول

 

 مجرد وجهة نظر !!

اذهب الى الأسفل 
كاتب الموضوعرسالة
eng_ghost
مراقب عام المنتديات والحوار العام ومنتدى الهندسة المدنية
مراقب عام المنتديات والحوار العام ومنتدى الهندسة المدنية
eng_ghost


عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos : مجرد وجهة نظر !! Upload

مجرد وجهة نظر !! Empty
مُساهمةموضوع: مجرد وجهة نظر !!   مجرد وجهة نظر !! I_icon_minitimeالأربعاء 26 يناير - 18:30

مجرد وجهة نظر !! 860511

الموضوع ده منقول من كراسه شخص ما ,, وهي تعبر فقط عن وجهة نظر صاحبها!!
وهي للأمانه مجرد (مقصوصه) من القصه اللي هوه كتبها ,لذا فهي تفتقر لبعض التفاصيل
لكن ما كتب ,,, يكفي لإيضاح وجهة النظر


@@@ **** @@@

وأخيرا ,,,, جه اليوم اللي فيه الاقي نفسي بتقدم لعروسه
يعني اتقدمت رسمي , واحد بن حلال دل واحد من اهلي عليها او حتي دلني شخصيا عليها
رغم اني مكنش احلم ولو في اسوأ كوابيسي اني اتقدم لواحده وارتبط بيها في الظروف اللي انا فيها
أنما ,,,, الدنيا مابتقفش علي حد
ومليون سبب وسبب يخلوك ترتبط ,,, لازم ترتبط
وخلاص ,,, استسلمت للواقع لأن ده اللي حصل
وخصوصا اني عارف ,,, ان مافيش اسوأ من كده ممكن يحصل
المهم ,,,!!
اتقدمت لأول واحده ,,, واهلها رحبوا بيا بحراره
ورغم ذلك ,,, ماحصلش نصيب
من قبل ما هي حتي تشوفني او حتي انا اشوفها
ملحوظه:
اي بنت انا بتقدملها ,,, بتقدملها من قبل ما اشوفها مش لاني مبقدرش اشوفها ,
لأ ,, انما لأني مش عاوز أشوفها قبل الرؤيه الشرعيه في بيت اهلها
لأني لو شوفتها قبل كده ,,,, اكيد اكيد مش هتقدملها حتي لو كانت اجمل جميله في الكون
ليه؟؟
ليا وجهة نظر وتفسير
لنفترض انك شربت مشروب معين (خلينا نقول شاي)
والمشروب ده انت حبيته ,,, ارتبطت بيه عاطفيا
لدرجه انهم لو جابولك اي مشروب تاني وقالولك علي اسمه وعرفت هوه ايه من قبل ما تشربه
استحاله تشربه ,,, ليه؟؟
لأنك عارف من جواك ومقتنع ان مافيش مشروب احلي من الشاي ,, حتي لو كنت انت غلطان
انما
لو جابولك مشروب ,,, وماقالوش علي اسمه
وقالولك اشرب ,,, ساعتها هتشرب
وساعتها هتحكم بغريزتك ,,, مش بعواطفك
او
انت بتعشم نفسك بده ,,, لأنك ماقدامكش اي حل تاني عشان تضحك بيه علي نفسك
للاسف
فعشان كده ,,, برفض رفض تام ,, اني اشوف انسانه من قبل ما اتقدملها
لا ,,, اروح واشوفها واتدبس ,,, بدل ما اهرب من بره بره
(مجنون مش كده ,,,,
مجرد وجهة نظر !! 454660 )
المهم ,,
رغم اني اترفضت ,,, ورغم اني كنت قدام الناس زعلان اوي ومقموص ومكتئب كمان
انما كان فيه جزء من جوايا اوي ,,,, فرحان
فرحان ,, اني لسه ماغيرتش حاجه من جوايا عشان خاطر حد
ورحت ,,, واتقدمت لواحده تاني ,, وهنا لاحظت شئ غريب جدا
وتقريبا ,,,, اكتشفت انها ظاهره
يعني ,,, اكيد صوابعي مش زي بعضها
أنما لما اسأل وأتقدم لكذا بنت ,,, وكلهم علي نغمه واحده
انهم عاوزين ,,,, شيخ
يعني راجل بيعرف ربنا اوي ,,, حافظ كتاب الله ,,, بيصلي الفروض الخمس في المسجد
ولامانع كمان انه يبقي مطلق لحيته ,, وكمان مقصر ,, عشان يبقي كامل من مجاميعه
اللي انا اعرفه ,,, اني بصلي الفروض الخمس ,,, بس مش دايما في الجامع
اللي اعرفه ,,, اني حافظ نص كتاب الله ,,,
وبحلم بالانسانه اللي معاها وبيها اكمل كتاب الله كله حفظ واختمه كمان
واللي انا اعرفه ,,, اني مش علي استعداد لا حاليا ولا مستقبلا اني امثل دور الشيخ الملتحي عشان اعجب حد
اللي انا متأكد منه ,,, اني علي استعداد اني اغير نفسي
بس
عشان انسان عاوز يغيرني للاحسن ,,, عشان هوه بيعزني او بيحبني
انما يغيرني بس عشان ,,,, انفع و أوافق متطلباته في الحياه
يبقي لأ
والف لأ كمان ,,, حتي لو أنا غلطان
بس هي دي وجهة نظري
ان الانسانه اللي هرتبط بيها ,,, تقبلني كــ أنا
بعيوبي وبمميزاتي
وكون انها تعمل ده وعن اقتناع ,, يبقي هي بتجبرني اني اغير من نفسي للأحسن
عشانها
لأني عارف ان عيوبي ,,, هي ذنوبي
اللي الأخرين مالهمش ذنب انهم يتظلموا بيها
وان اللي يشتريني زي ما انا كده,, اشتريه واشتري كمان وده وراحته وسعادته
عشان كده انا بغير من نفسي وهغير من نفسي كمان وكمان
بس هغير وانا راضي عن نفسي وراضي عن التغيير ده
انما مش غصب عني ,, او عشان اعجب حد
المهم برضو ,,, !!
مع كل اللي بيحصل
اتضايقت ,,, لاني حسيت ان الموضوع بقي عرض وطلب
انا ببص علي ان البنت تبقي كويسه وطيبه بغض النظر عن الشكل
انما البنت بتبقي عايزه وعايزه ,,, وتحس كانك في سوق
لدرجه اني استغرب لما قالولي ان فيه واحده عاوزه بالاسم
عريس (وكيل نيابه) ,,, واي وكيل نيابه يتفضل يتقدم ويشيل
لدرجه اني وصلت لمرحله مبقتش استغرب
لو سمعت ان واحده تانيه عاوزه تتجوز بس ,,, رائد فضاء
اييييييييييه ,,, يالا خير
عموما ,,, ورغم التناقض اللي جوايا
انما بحلم اني في يوم استريح
باي شكل مش مهم ,,, المهم استريح
وربنا يكرم ,,, وربنا يهدي الجميع !!!




**************

مجرد وجهة نظر !! 604369
الرجوع الى أعلى الصفحة اذهب الى الأسفل
http://WwW.EngAswaN.C0M
 
مجرد وجهة نظر !!
الرجوع الى أعلى الصفحة 
صفحة 1 من اصل 1
 مواضيع مماثلة
-
» رتب هذه الكلمات ........حسب وجهة نظرك
» أفضل نسخة xp من وجهة نظري
» الهروب إلى الحرية
» مجرد تساؤل
» مجرد فلسفه !!

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة كلية الهندسه بأسوان :: دين ودنيا :: قــلــم المـهندسـيــن :: الإبداع القصصى والروائى-
انتقل الى: