ترشح مين لرئاسه الجمهوريه؟

ترشح مين لرئاسه الجمهوريه؟ بس محدش يجيب لي سيره البرادعي

أحمد شفيق راجل كويس بس أنا شايفه في رئاسه الوزاره أحسن وفي أشاعات بتتردد حول كمال الجنزوري وأنا شايفه أنه أحسن واحد بس هناك من يقول عمرو موسى بس محدش يجيب سيره البرادعي أو عمر سليمان

اولا طبعا المفروض جميعا نشارك فى الانتخبات الرئاسية القادمة ,كلنا شفنا سلبيتنا وتنا زلنا عن حقوقنا كان حيوصلنا لفين وانا حانتخب عمرو موسى اذا لم يرشح عمرسليمان نفسة .,ولكن لورشح نفسة حانتخب عمر سليمان وانشاء الله نشوف لمصر مستقبل افضل ونقول دايما للظلم لا.

اولا اعتقد أن لا أنا ولا أي حد من جيلي أنتخب مبارك ولا أنتخب حد من أساسه لأن الدوره السابقه مكانش حد من هذا الجيل معاه بطاقه أصلا عشان ينتخب وده يعني أن عمر مكان الجيل ده سلبي بس الثوره أيضا تثبت أنه إيجابي لأن حتى ألي مشتركش في التحرير كان متابع الموضوع ومن جواه بيتمنى لو كان معاهم ثانيا أنا ملحقتش أشوف أي أنجازات لعمر سليمان بل بالعكس موقفه من المظاهرات وأنه يقول أنه مش حيستحملها تؤكد أنه عمره محيستحمل الشعب بس يمكن يكون لك وجهه نظر أنا عايز أسمعها!!!!!!!

أحمد زويل راجل متميز في المجال العلمي وأنا شايف أنه يقدر يفيد الناس في مجاله أنما السياسه ليها ناسها وممكن السياسه تفسده أو تشغله عن البحث العلمي والتطور وأنا شايف أن مصر محتاجه زويل في المرحله القادمه للنهضه العلميه والأقتصاديه وهذا هو رأيي الشخصي وأنا مستني المزيد من الترشيحات لكي نعرض تاريخها وكل من لديه رأي يعرضه