فوائد عيد الحب لكل عاشق وعاشقة

فى الاول كده هابى فالنتين ولو انها جت متأخرة عشان احنا خلصنا عيد الحب والى كل عاشق وكل عاشقة
يا ترى كلمت حبيبتك كام مرة امبارح اكيد طبعا اخدتها امبارح ونزلتوا تتفسحوا واكيد برضه رحتوا مكان هادى ودفعت دم قلبك عشان تجيبلها هدية واكيد طبعا سلمت عليها ومسكت ايديها والله اعلم اى اللى حصل بعد كده اصل احنا بنسمع بلاوى بتحصل بعد كده ويا ترى كمان بعت كام رسالة حب ليها على الموبايل وطبعا لما خرجت معاها لبست اللى على الحبل كله واللى على حبل الجيران وهى كمان عملت عمايل فى نفسها عشان تشوفها كاميرون دياز او على الاقل هيفاء وهبى او نانسى عجرم واكيد طبعا يا اهبل ويا هبله قلك انك اول واحدة فى حياته وطبعا كل الاهتمام ده فى لقاء الاحبة بيكون اضعاف مضاعفة من التركيز اللى احنا بنركزه واحنا بنصلى واحنا واقفين بين ايادى رب العباد. الكلام ده كله انا اقصد بيه العشاق مش المخطوبين ومش المتجوزين
وشوف كمان كام واحد وواحده عملوا اللى احنا بنحذر منه فى مثل هذا اليوم على مستوى العالم وكام واحد اعتبر ان اليوم ده زى ايام الاعياد وقعد يتصل بده وبدى يهنيهم وفى الاخر يبص على خيبته ويبص على الذنوب اللى بالعبيط اللى هو اخدها
يا ترى كام محل ورود جهز ورود حمره وكام اغنية حب نزلت وكام كليب هابط نزل على التليفزيون وكام برنامج تافه بيقدمه مذيع او مذيعه تافهه وهايفه عملت البرنامج ده وكام اهبل اهتم فى عيد المحرمات
الغرب الف مع نفسه عيد للحب واحنا طبعا قلدناه وعملنا زى ما بيعمل الغرب وارتكبنا ذنوب
وفى الاخر يقولك اصل ده حب برىء وطاهر وهو عمره ما كان طاهر
يعنى انا مش عارف اقول ايه تانى معلش كلامى مش مرتب من كتر البلاوى والمصايب اللى بتحصل واللى انا مش عارف اذكرها ازاى انا فعلا متغاظ ومتضايق
ياريت ياريت نراجع نفسنا كويس اوى اوى عشان الاسلام ما قلش كده وياريت الحب الطاهر ده زى ما بيقولوا يستمر بعد الزواج ياريت ده اذا كان فى زواج مش تسالى

انا اسف عن الاسلوب اللى انا اتكلمت بيه ده بس لما نلاقى الاهتمام الزائد عن حده بيوم زى اى يوم عادى زى ما انت بتقول يبقى فى حاجه غلط

الحمد لله انك فهمت قصدى وهو فعلا بدعه وارجو انك ما تكونش زعلت من طرقتى الصارخة فى سرد الموضوع

انا عارف والله اقولك بامارة لما قلتلى على النيك نيم بتاعك لما كنا مع لاشين بنتصور