قوانين المنتدي الجديدة

[size=29]انا عارفة ان بمجرد ما :twisted: الحبار يقرا الموضوع دة هيحذفه وهيطردني كمان

اوعوا حد ينزل موضوع في قسم شئون المرأة عشان ميتعرضش للمحاكمة :>>>&g
اوعوا اي مشرف يهتم بالقسم بتاعه لاحسن نقفلهولو دة قرار لا رجعة فيه :>>>&g
اوعوا اي مشرف يلاقي الاقبال شديد علي القسم يقوم ساكت لا
الي المشرفين:
احذف اي موضوع يثري قسمك
لا تدع احد يضع اكثر من نصف موضوع في الاسبوع
ااساكت عن الحذف شيطان اخرس
لا تدع اي شخص بنزلك مواضيع بالهبل في القسم بتاعك لازم توقفوا عند حدو والا تتعرض للطرد وقفل قسمك
ليكون شعارنا لنرقي بالمنتدي (لا مواضيع ,,,,اللي هينزل موضوع او المشرف اللي قسمه يبقي فيه اكبر المواضيع هندخله اوضة الفئرااااااان)
يا مامي
انا اعلنها اني منسحبة قبل ما الحبار بيه يعملها ومش عايزة المنتدي[/size]

اقتباس :

الحبار بيه

طيب يا بشمهندسه قبل متنسحبى ليه بتمسحى المواضيع كلها اللى فى قسمك!!!!
أعتقد ده مش من حقك ولو كان من حقك تمسحى مواضيعك يبقى برضو مش من
حقك تمسحى مواضيع غيرك وعلى فكره ده تصرف مش عليكى مش ليكى.
غير كده الإرتقاء بالمنتدى ملهوش دعوه بزيادة عدد مواضيع الفرد الواحد أو بزيادة المواضيع
فى قسم شئون حواء بالذات.
أنا لا أنكر أنك مشرفه مجتهده وبتابعى قسمك بطريقه جيده جدا ولكن توجد المصلحه العامه
والمصلحه العامه تؤيد غلق القسم حتى يتجه الإخوه الأعضاء للمشاركه فى قسم الحوار العام
وأقسام الكليه من عماره وكهرباء وإعدادى ومدنى وده غلق مؤقت مش دائم يعنى.
أخيرا أختى المشرفه إنظرى إلى قسم كهرباء مثلا جاءت عليه فتره كان يضج بالمواضيع
والردود وأيضا قديما قسم مدنى وأيضا قسم عماره والحوار العام وإسلاميات فلماذا لم أغلقهم!!!!!

على العموم لكأن شيئا لم يكن أختى المشرفه وبإذن الله سيعود قسم حواء وسيتم إضافة قسم
الطفل الذى إقترحتى بإنشائه مثل الأقسام الفرعيه فى قسمك.

اقتباس :

فماينفعش انتوا ال 2

على فكره كان فى جهود كبيره ولقاءات حصلت يا بشمهندس يحيى ولكن للأسف نزغ الشيطان
بيننا فأدى إلى تلك النتيجه وحتى الآن وأنا أسعى إلى عودت هذا المشرف وسيرجع إن شاء الله
لأن مكانه محجوز دون التلميح به أو ذكر إسمه وبخصوص حذف الموضوع فأكررها
للمره المليون أنا لا أحذف مواضيع إلا المكرر فقط وذلك لأنى لا أخاف من شىء فعلته
ولا أفعل شىء أخافه.

أخيرا بما أنك مشرفه كبيره الموضوع ده مكانه مش هنا!!!
ينقل لقسم الشكاوى
وبالمره نعمل قسم متفرع منه ونسميه شكاوى الحبار!!!

احنا كلنا في المنتدي هنا اسرة واحدة مترابطة وافراد الاسرة من العادي انهم يتخنقو مع بعض بس ده مش معناه انه يترك الاسرة واحنا لازم نستحمل بعض علشان نحافظ علي هذه الاسرة فياmiss_esadora متزعليش من البشمهندس الحبار لان كانت له اسبابه وايضاً البشمندس الحبار ميزعلش من البشمندسة لانها مشرفة هذا القسم وكان من الافضل انك تتشاور معها قبل ان تغلق هذا القسم وانا اتمني ان محدش يسيب المنتدي.

اقتباس :

انا عارفة ان بمجرد ما :twisted: الحبار يقرا الموضوع دة هيحذفه وهيطردني كمان

فى الأول يا باشمهندسه لازم تعرفي أن المنتدى ده مش ملك لأحد ولكن كلنا أسره واحده ومش ممكن يطرد أحد من غير سبب وكمان سبب مقنع وبيكون ربرده بعد مشاورة باقى الأداره

اقتباس :

اوعوا اي مشرف يهتم بالقسم بتاعه لاحسن نقفلهولو دة قرار لا رجعة فيه :>>>&g

بالعكس يا باشمهندسه الأداره كمدير ونواب مدير ومشرفين عوام بتشجع أي مشرف بيهتم بالقسم بتاعه وبالعكس بتحاول تنفذله أى أقتراح فى قسمه علشان يشتغل أكثر وحضرتك يا باشمهندسه أظن لما طلبتى تقسيم قسمك لأقسام فرعيه والدير بالعكس لم يعترض بل فعلا نفذ لأقتراحك والكلام ةده بيحصل مع كل المشرفين أى مشرف بيقترح أى اقتراح يكون فى صالح القسم بننفذه
يعنى مش الأداره مش زى ما حضرتك فاهمه علشان يقفلوا قسم شعال وعلىه أقبال لكن كل ما فى الموصوع انه لا حظنا أقبال شديد على القسم مع تجاهل الأقسام الأخرى الأساسيه التى من أجلها أسسنا المنتدى والقسم مش هيتقفل بلا رجعه لكن ده لمده قصيره لتحسين الوضع

اقتباس :

اوعوا اي مشرف يلاقي الاقبال شديد علي القسم يقوم ساكت لا

ده مش أسلوب نقاش ممكن تتكلم بيه مشرفه على قسم وأعتقد أن يا باشمهندسه احنا لو كنا دكتاتوريين كما تزعمى حضرتك أو بندور على كل حاجه المفروض أن المشرف ينفذها فى حاجات كتير كنتى حضرتك تخطئى فيها زى الكتابه وتركك للأكواد فى الموصوع وكنا بنقول مفيش مشاكل بكره تتعلم يعنى مش بنستنى الساقطه واللقطه زي ما بيقولو

اقتباس :

الي المشرفين:

يا ريت يكون اسلوبك احسن من كده

اقتباس :

احذف اي موضوع يثري قسمك

المفروض يا باشمهندسه تحثى على فعل الخير مش الشر ومش معنى أنك أختلفتى مع الأداره فى موضوع أنك تعملى على الخراب أو زى ما بيقول المثل "فيها يا أخفيها" وتحثى الأعضاء أو المشرفين أنها تمسح مواضيعها أو تقومى بمسح مواضيعك لأن المواضيع أصبحت مش ملكك بل ملك عام للجميع "أعضاء المنتدى" ومش من حقك أنك تستغلى الثقه من الاداره وتمسحى مواضيعك فانت بفعلك هذا ما أراك الا خائنه للأمانه

اقتباس :

لا تدع احد يضع اكثر من نصف موضوع في الاسبوع

بالعكس أحنا بنشجع المواضيع ولكن بحساب فليس من المعقول أن نهتم بالأقسام الثانويه ونترك الأقسام الأساسيه أو نقتصر على قسم معين ونترك الأخر

اقتباس :

ااساكت عن الحذف شيطان اخرس

ليس من الدين يا باشمهندسه أن نحرف فى الأحاديث النبويه الشريفه كما تريد أهوائنا

اقتباس :

لا تدع اي شخص بنزلك مواضيع بالهبل في القسم بتاعك لازم توقفوا عند حدو والا تتعرض للطرد وقفل قسمك

بعكس ما نحن عليه تماما أحنا بنشجع الناس انها تتفاعل وتفتح مواضيع بس مش معنى كده أن العضو يكون كل همه ان يعمل مشا ركات ويكتب فى قسم واحى بل يتحاهل مواضيع باقى الأعضاء ولا يمن عليهم بالرد فى اى موضوع

اقتباس :

ليكون شعارنا لنرقي بالمنتدي (لا مواضيع ,,,,اللي هينزل موضوع او المشرف اللي قسمه يبقي فيه اكبر المواضيع هندخله اوضة الفئرااااااان)

بلاش شغل الأطفال

اقتباس :

يا مامي

ولما انت بتخافى كده ليه والأداره بتخوف ليه كنت معنا من الأول

اقتباس :

انا اعلنها اني منسحبة قبل ما الحبار بيه يعملها ومش عايزة المنتدي

يا ريت لما تكونى عايزه تنسحبى وتحرمينا من سيادتك ما تخربيش وراكى وخلينا نفتكرك بحاجه كويسه

فى النهايه قرار غلق قسم شؤن حواء مش قرار المدير أتخذه بمفرده ولكن كا بعد مشاوره الأداره كلها كمدير ونواب مدير ومشرفين عوام

اقتباس :

ياريت القبطان يتكلم كوييس

مع الباشمهندسة

أعتقد يا باشمهندس انى أنا ما أفتريتش عليها هى فعلا مسحت مواضيع

اقتباس :

هى قرفانة لوحدها والصراحة عندها حق

عندها حق فى انها تحذف مواضيعها يعنى ولا ايه ويا ريت كده دى مسحت مواضيع غيرها
ولو هيا قرفانه مش معقول تتطلعه على المنتدى

اقتباس :

واحنا مش عايزين نخسرها

المركب مش هاتوقف علشان واحد ولا أثنين يا باشمهندس

اقتباس :

ونخسر أكتر من كدة

ايه الخساير دي علشان نحاول نتفاداها
ايه تقصد حضريتك

اقتباس :

ويا ريت يتغير القانون دة ولا يتلغى

قانون ايه؟؟؟؟؟؟؟؟

اقتباس :

خلوا القسم مقفول خالص بقى

مش معنى انها أتشالت من الأشراف أنها مش ممكن ترجع ده بس علشان القسم مقفول مؤقتا

اقتباس :

في قسم كهربا
بعد المشكلة اللى حصلت مع احد المشرفييين
لقسم كهربا /

بلاش نتكلم فى القديم وحضرتك عارف سبب اقالة المشرف
مش معنى ان عضو او مشرف قسم ساب المنتدى يبقى القسم بتاعه مش هايشغل لان الناس بتكتب مش علشان الناس خايفه من المشرف لان الناس مش بتكتب لشخص معين ولو بتكتب من اجل شخص بعينه يبقى ملهاش مكان معانا

اقتباس :

** وبالنسبة للقانون
اللى بسببه اتقفل قسم حواااء

القسم اتقفل مؤقتا بعد التشاور بين الاداره العليا

اقتباس :

** والمركب حتقف على واحد ان كان قيادى
اما على 2 قياديين فمش حتقف
حتغغغغغغغغغغغغغغغغرق

انا معاك فى كده واحنا دايما بنتمسك بالكفاءات فى المنتدى بس مش معنى كده ان كل شويه واحد يهددنا بالاستقاله بحق او غير حق

اقتباس :

انقذوا المنتدى
من أجل طلاب المنتدى

انا عايزك تفهم ان الاداره يهما المنتدى ونجاحه اكثر من اي عضو اخر لان احنا فعلا تعبنا جدا لغاية ما وصلنا للمرحله دي