قاطعوا مطعم أبو عاطف(شاذلي)

تذكير بمساهمة فاتح الموضوع :

أنا أعرف أن هذه الدعوة قد لا تسترعي اهتمام البعض ولكمها مهمة لكل الطلبة القاطنين في حي صالح حرب

ولكن بلغ الأمر مدي لا يمكن السكوت عليه فقد قام هذا المطعم بزيادة الاسعار بشكل مبالغ فيه دون أي اعتبار
وكأن هؤلاء الطلبة كلهم ميسوري الحال مع أنهم أبناء موظفين مواردهم محدودة
وليت هذه الزيادة تقابلها معاملة جيدة أو طعام جيد وهذا راجع إلي أنه يرتع بمفرده في المنطقة دون وجود منافس
وهذا هو الإحتكار بعينه أن يتحكم أحدهم في سلعة ويعرضها بالسعر الذي يراه دون أي مراعاة لضميره
ويقوم هذا المطعم باستخدام اردأ الخامات والمكونات ويستخدم الزيت مرة واحدة طوال اليوم دون تغييره حتي يحترق

أرجوكم تفاعلوا وقاطعوا حتي لا يصبح هناك أحمد عز جديد بيننا(مع الفرق في التشبيه)

اقتباس :: انت كده يا باشمهندسه بتفتحى عين الشباب على الحاجات دى

تصدق عنيا فتحت فعلا!!!!

اقتباس :: بس بجد ... دكتورة الاقتصاد اقترحت علينا ان احنا نفتح كافيتيريا خاصه و نديرها بجهودنا احنا كطلبة .. الي فاضي يقف فيها و نتعاون عليها ... و نحارب بيها غلاء الكافيتيريا والكافيهات الي في الكلية .. خصوصا ان احنا كمان حوالين الكلية عندنا تعتبر منطقة صناعيه و مفهاش مطاعم ... صالحة لاستهلاك طلبة جامعة بريئين معدتهم مش واخده على زيت العربيات و قطع الكاوتش !!

هيا المشاكل وصلت الكويت كمان!!!!

بصى حضرتك أنا مش عاوز أقولك الكلام ده مبالغ فيه بس أنا أسمع إنى الكويت ما شاء الله
دوله غنيه جدا وعدد سكانها قليلين لذلك مستوى المعيشه مرتفع وفيه فلوس متوفره لمثل هذه الحاجات وقيمة العمله برضو مرتفعه لذلك الإرتفاع ميسببش مشكله جامده لأن فيه فلوس تندفع.
إنما فى مصرنا الغاليه عدد السكان كبير والأسعار غاليه ومرتفعه ومازالت ترتفع حتى وقتنا
هذا والأجور منخفضه ومستوى المعيشه منخفض والجنيه أدمر خالص لذلك أحنا بنتكلم من هذا المنطلق وبنتكلم برضو عن الفئه المتوسطه أو الأقل من ذلك وأنا عن ذات نفسى مش
باكل غير الفول من عند شاذلى ومش دايما إنما باقى المنتجات دى بصراحه بتأثر على معدتى
لما بتكون كويسه فما بالك لما تبقى وحشه ومش كويسه!!!

شكرا على روح التعاون الجميله اللى لمستها فى ردك وروح الكفاح دى وربنا يصلح الحال.

ان مع رايك يا عمدة فى الموضوع ده مع انى مش من المقتربين بس انا بروح اكل عنده لما بكون فى الكلية

ويمكن يكون اى واحد مش مقترب مبيحسش بالفرق البسيط ده لكن المقترب بيفرق معاه كتير جدا

وانا متعارض جدا مع اللى بيقولوا يحيى ان احان نقاطع المنتجات الدنماركية احسن وبقولك يا يحيى ان لو كانت مقاطعتنا الاولانية جابت نتيجة مكنوش نشروا الصور المسيئة تانى , وبعدين زى ما بيقول العمدة ان المنتجات الدنماركية مبيستخدمهاش الا الناس المقيمين فى البلد او العائلات مش المقتربين

و ارد على nemo اقوله ان الموضوع مش مجال للسخرية وان البداية بالحاجت الصغيرة هوه اللى بيجيب التاثير فى الحاجات الكبيرة

وmido اقوله انه اخد الموضوع بحدة شوية , والحاجات غليت على الناس كلها مش عليه هوه بس وبعدين هوه اصلا مبيستخدمش الزيت اللى ب 9 جنيه ولا بياخد الفول بالرقم اللى انت بتقوله
وبعدين فى محلات كتير جدا مش فى اسوان بس وفى كل المحافظات وباسعار اقل

اقتباس :: و بالنسبة لكون الشبسي ميسدش في آلات برضه مخصصة لبيع السندوتشات .. لا أعلم ان كانت متوفرة في مصر أم لا لكن لدينا في الكلية عدد منها و السندوتشات تبع شركة أمريكانا و الآلة كذلك و تعبأ كل صباح بسندوتشات مختلفة و انواع من الكرواسون و علب السلطة .. يعني انتا تفطر بسندوتش و علبة سلطة كده .. و تقوم داخل على الآلة الي وراها تشربلك نسكافيه .. و بعدها تقوم واخدلك شيكولاته من الآلة الي بعدها ..

و تمشي زي الروبوت بالظبط بعد ما اعتمدت في نظامك الغذائي على الآلات

طاب ياريت ، دي حتى عيشة الروبوتات أحسن بكتير من الأنظمة الآدمية ( ولا أقول غير الآدمية ؟ )

بس كان عندي تعقيب على كلام الحبار ، هو : إن كلام كوين صح ، بالنسبة لارتفاع الأسعار 100% و 200% و300% كمان ....

علشان زيادات الرواتب اللي أعلنو عنها في الجرائد الرسمية عندنا ولسه ما اتفعلوش لحد دلوقتي ، و الغلاء هنا في مصر بالنسبالي أنا شخصياً محتمل ، أما بالنسبة للإمارات فربنا يعينا حاجة صعبة فعلاً ، يا راجل ، النيدو ! النيدو كان بخمسة وتلاتين درهم ، دلوقتي الحمد لله والشكر لله ، بأه بستة وتسعين درهم ، أسعار في غاية الجمال والروعة .

Study

» تعليم برنامج بوربوينت للدكتور عاطف العراقي
» لقـــاء جديد مع شخصية جــديدة " استاذ شاذلي القاضي " ،،،
» مطعم سعوديات - صور تفتح النفس‏
» مطعم الشيف أسامه السيد
» مطعم فوق شجره ضخمة