6 ابريل يوم الغضب الشعبي

إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل
متقولشى و انا مالى

متقولشى انا مقدرشى اعمل حاجة و مفيش حاجة فى ايدى

محدش هيتحرك علشان يدافع عنك وو يجيبلك حقك

لازم كل الناس تتحرك

و على الاقل تثبت وجودها و اعتراضها و لو بالاضراب بس

خلى اليوم دة الى كلنا نقول للحكومة فية احنا موجودين

احنا بشر و عايزين تعيش

يوم 6 ابريل
خليك قاعد في البيت أوعي تنزل ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصاحبك مايروحوش الشغل همه كمان وخليهم يدخلوا الإضراب

لو الموضوع ده فعلا بجد
يبقى أنا موجود معاكم و هانفذ
و يوم 6 إبريل ده هايوفق يوم أحد
و ياريت الكل يشارك في الموضوع ده
علشان بجد كده كفاية اويييييييييييييييييييييييييي

الكلام ده طبعا خقيقي هتلاقي ان عده احزاب كاتبه الموضوع في مواقعها الرسميه

بس للأسف مش هتلاقي حد هنا في أسوان كلها يقدر يعمل حاجة زي دي

طبعا ده شئ جميل اننا نقول لا باعلى صوت ونوقف المهازل اللى بتحصل للشعب دى من كل ناحيه
بس يا ريت على الاقل ربع الشعب يعرف اصلا ان اليوم ده فى اضراب ويا ريت ربعهم يوافق عليه
انا مش بهبط العزيمه لان انا مؤيده للفكره بس لان احنا عارفين طبع الشعب المصرى واحلى واسهل كلمه عنده "وانا مالى"يا ريتنا قدرنا نعملها فى كليتنا لما السور اتبنا وقولنا هنضرب ونعتصم ولا حياة لمن تنادى
يا رب الموضوع ده يجى بفايده ونتحرك

الشعب المصري ... و الشعب الأسواني خصوصا...
طبلة تجمعه..... و عصاية تفرق
ة

» كيــف تتحكم في الغضب ؟؟
» ذكر حبيبي (ابريل من كل عام) !!
» عند الغضب أي صنف أنت ؟
» ما عاد يكفينا الغضب .....
» ***تصنيف اللاعبين الدوليين لشهر ابريل/نيسان 2008 ***