كلمتين إلى مصر.

كلمتين ( إلى مصر )

كلمات : أحمد فؤاد نجم

غناء : الشيخ إمام

............................

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

اقتباس :

قصيده فعلا تستاهل عليها الشكر

قصيدة من الاخر زى ما بيقولو ا
هااااااااايل

الحبار كتب:: شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

قصيدة جميلة جداً

بس بعد اذنك حنقلها لقسم الادب والشعر اظن ان مكانها هناك افضل

القصيدة تحتوي معان جميله ، رغم تأثر الكاتب ( أحمد فؤاد نجم ) بالفكر المتصوف ....

الذي يفرض تعبيرات ، الحقيقة : مؤذية وسيئة ...

لكن القصيدة بشكل عام تتحدث عن حب مصر ....

ومن لا يحب مصر ؟

ألا تحب الحكومة ؟