مش انا امبارح(للشاعر على سلامة)

السلام عليكم ورحمة الله
يمكن تكون دى اولى مشاركاتى معاكم وحبيت تكون اولى مشاركاتى انى اعرض قصيدة للشاعر على سلامة هو مهندس معمارى
مش أنا امبارح

رحت من بيتنا في السيدة

للشغل في حلون

في سبع دقايق

لا شوفت حد زعلان

ولا حد متضايق

والورد إنسان

والنخل متعايق

والناس جميلة مؤدبة

والجو رايق

والدنيا ماشية لوحدها

ولا حد سايق

ومش انا

امبارح برضه

رجعت من الشغل في حلوان

لبيتنا في السيدة

في خمس دقايق

لا حاسس بغربة

ولا شايف غريب

وقلبي ابيض حليب

عندليب

كروان فرحان

شايل ف قلبي وف جيوبي

الفرح أشكال وألوان

وزعت ع الشوارع

والبيوت والجيران

وطلعت البيت

ضربت الجرس

فتحت مراتي وبالأحضان

والعيال كمان فرحانين

ناجحين وجايبين

الدرجات النهائية

من غير دروس خصوصية

قمنا رقصنا وغنينا

واحتفلنا واتغدينا

فضلة خيرك

سمك واستاكوزا

وجمبري م الكبير

وحلينا ب مهلبية

وشربنا الشاي كمان

وفجأة

لقيتني بردان بردان

بصيت لقيت

الشباك مفتوح

ومفيش بطانية

ومراتي جنبي وزي ما هيه

لسة بتعاني من آلام المفاصل

وده اللي حاصل

والحمد لله

على كل شيء

أهلا وسهلا بيك يا باشمهندس وإن شاء الله تتكرر ونشوف مشاركات كتير حلوه منك
وشكرا على القصيده الجميله

شكرا على اولى مشاركاتك واهلا وسهلا بيك فى منتداك
وان شاء الله سننتظر المزيد من سيادتكم
ودائما للأمام

شكرا على المرور للاخوة (القبطان&الفنان)وان شاء الله تزيد مشاركاتى معاكم

اهلا بيك فى المنتدى وشكرا على القصيده الجميله دى
مش انا امبارح(للشاعر على سلامة) 2696

» سلامة القران من التحريف
» اهم معلومات للشاعر احمد شوقي
» موسوعة على سلامة :: شاعر العامية
» شاهد بالصور والفيديو فضيحة الاهلى امبارح وازاى كسب الماتش مع ريشة الكريييم جداً مع أبو كيكة
» علي سلامة .. شاعر العامية المصرية .. أكبر موسوعة شعرية