شيكابالا يقود الزمالك لفوز مستحق على أسمنت السويس 4--3

شيكابالا يقود الزمالك لفوز مستحق على أسمنت السويس

حصد الزمالك نقاط مبارته الثلاث اليوم أمام فريق اسمنت السويس خارج ملعبه ووصل الزمالك الى النقطة 40 ليحتل المركز الثانى فى جدول الدورى متساويا فى النقاط مع الاسماعيلى وفريق طلائع الجيش.

انتهى اللقاء بنتيجة 4 للزمالك مقابل 3 لاسمنت السويس . أحرز اهداف الزمالك كل من محمود فتح الله فى الدقيقة 7 واللاعب محمد بوبو لاعب السويس فى مرماه فى الدقيقة 34 واللاعب شريف اشرف فى الدقيقة 37 واختتم اهداف اللقاء ناشىء الزمالك احمد ابراهيم فى الدقيقة 72 من المبارة بينما احرز السويس اهدافه عن طريق اللاعب محمد الفيومى هدفين فى الدقيقة 47 و93 وهدف من ضربة جزاء مشكوك فى صحتها فى الدقيقة احرزها اللاعب اكرامى عبدالعزيز فى الدقيقة 61.

يدخل الزمالك اللقاء بتشكيل اضطراى نظرا للغيابات الكثيرة فى صفوفه والتى وصلت لعشرة لاعبين بداع الاصابات والايقافات. فى حراسة المرمى وظهور اول لعبدالواحد السيد فى لقاءات مباريات الدورى العام هذا الموسم . خط الظهر ليبرو أحمد مجدى واتنين مساكين الصفتى ومحمود فتح الله. جناح ايمن محمد عبدالله وجناح ايسر احمد غانم ومنتصف الفريق مكون من محمد ابراهيم واسامه حسن وشيكابالا ومثل هجوم الزمالك اليوم شريف اشرف وجمال حمزة. .

اهداف الزمالك كالاتى :هجمة منظمة لنادى الزمالك واثر بينية اكثر من رائعة من جمال جمزة لاسامه حسن فى مواجهة المرمى ويتخطى لاعب الاسمنت محمد بوبو الذى يضطر لعرقلته داخل منطقة الجزاء وتنطلق صافرة محمد فاروق لتعلن ركلة جزاء صحيحة للزمالك فى الدقيقة 7 يحرز منها اللاعب محمود فتح الله هدف الزمالك الاول.

الهدف الثانى اثر تمريرات بين نجم اللقاء شيكابالا واسامه حسن تنتهى الى شيكا يرسلها بينية اكثر من رائعة تضرب خط دفاع السويس بالكامل وتبقى احمد غانم المنطلق من اليسار فى وضعيه اكثر من رائعه على حدود منطقة جزاء السويس من الناحية االيسرى يرسلها عرضية زاحفه يخطأها مدافع السويس محمد بوبو ويحرز هدفا فى مرماه فى الدقيقة 34.

الهدف الثالث جاء من عرضية شيكابالا الرائعة من الناحية اليسرى داخل منطقة جزاء السويس يتصدى لها اللاعب شريف اشرف براسه لتصطدم بجسد حارس السويس وترتد لشريف المتابع يضعها بقدمة فى المرمى محرزا الهدف الثالث فى الدقيقة 37.

الهدف الرابع والاخير جاء ايضا كهدية من هدايا شيكابالا التى وزعها اليوم على لاعبى الزمالك فيرسل اللاعب شيكا تمريرة بينية سحرية للمنطلقى من الخلف الناشىء احمد ابراهيم يتسلمها اللاعب فى مواجهة المرمى يلعبها بيسراه على يسار حارس المرمى تتهادى زاحفة محرزا هدف الزمالك الرابع واول اهداف اللاعب فى مشواره مع الفريق الاول لنادى الزمالك.

برغم الفوز العريض خسر الزمالك جهود نجم خط دفاعه محمود فتح الله الذى خرج مع نهاية احداث الشوط الاول مصابا.

نجم نجوم اللقاء هو اللاعب شيكابالا الذى صنع الفارق فعلا فى اداء وخطورة فريق الزمالك بلمساته السحرية التى اسفرت عن احراز 3 اهداف من اهاف الزمالك الاربعه فى اللقاء وكاد هو نفسه ان يسجل فى اكثر من مشهد. كمان كان اداء اللاعب المجتهد احمد مجدى فى مركز الليبرو اداءا مميزا يستحق عليه منا التحية.

كل التوفيق للفريق فى مباراته القادمة فى الدورى العام امام غزل المحلة حتى يتسنى له احتلال المركز الثانى المؤهل لبطولة دورى ابطال افريقيا منفردا.

الف مبروك للزمالك وان شاء الله يقدر يفوز بالمركز التاني

حياااااااتك الباقية

الف مبروك وان شاء الله دايما بس مش كتير ييجى فيكوا 3 اهداف من اخر الدورى

ومش كتيير ان احنا نتعادل مع فريق قبل الاخير زى الاتصالات

الكلام عليكى يا جارة

ومش منظر اننا نتغلب على ارضنا من فريق بينافس على الهبوط زى المصرى
الكلام على جارة تانية خالص

ومش عيب برده

انى احنا نطلع من فريق درجة تانية
تقريبا اسمه بترول اسيوط
اه ايوه صح
هوه بترول اسيوط
مش عيب برده يا نادى القرن
ههههههههههه
قال نادى القرن قال
والكلام عليكى يا جارة

ومش عيب برضه انكوا تتغلبوا من الاهلى والاسماعيلى رايح جاى
الكلام على جارة تانية خالص

ياباشمهندس ميدو ماينفعش الكلام ده خالص .
ماينفعش تقارن واحد ساكن في قصر باللي ساكن في عشة لمجرد انهم جيران .
بنفس المنطق ماينفعش تقارن الاهلي بالزمالك لمجرد ان الزمالك فريق رياضي .
ياريت لما تقارن الاهلي ماتقارنوش بفريق أقل منه في كل حاجة في التاريخ والبطولات وعدد المشجعين وياريت ماتمشيش ورا بدعة الزمالك انضف فريق والزمالك يغسل اكثر بياضا والحاجات دي اللي بيخترعوها الناس اللي بتمشي عكس التيار وتشجع الزمالك هو من حقه يعمل في نفسة زي ماهو عايز يشرب سم ,يمشي علي ايديه ,يشجع الزمالك يعمل اللي هو عاوزة .
لكن بما ان ربنا انعم عليك بنعمة العقل فما يصحش تقارن الاهلي بفريق زي الزمالك .

amir كتب:

ياراجل اي واحد حمار ماشي في الشارع هيقولك انا اهلاوي.

» عقب انتهاء الإيقاف .. شيكابالا يقود شباب الزمالك للفوز علي الحرس
» هدف رائع لمتعب يقود الاتحاد لفوز كبير علي أبها .. والهلال يلاحقه
» هنا نتلقي التهاني لفوز الزمالك بكاااااااس مصر
» شيكابالا : جعلوني مجرماً .. في الزمالك
» الإسماعيلي يعمق جراح الزمالك ومشادة بين شيكابالا والجمهور