اعتذار رسمي من ادارة المنتدى لطلبة المعادلة عن سوء التفاهم

السادة الأعضاء الكرام

أعتذر عن سوء التفاهم اللى حصل
في المنتدى الفترة اللى فاتت
بالنيابة عن ادارة المنتدى
لكامل أعضاء المنتدى

وأخص بالإعتذار
الباشمهندسين طلبة المعادلة
في كليتنا العزيزة

وان كان النقد اللى حصل لهم في موضوع مهازل الطلبة
كان يخص بعض قليل من طلبة المعادلة

ولم يتم الإجماع بأن كل طلبة المعادلة بهذا السوء
فيوجد الكثيرين منهم
هم أفضل من طلبة الثانوية العامة أو المعاهد
وخير منهم في الكثير من الامور وفي العلم
أيضاً ،

واعتقد ان كلام الباشمهندس جودزيلا اللى ضايق الكثير من الأعضاء
انه مكانش يقصد الإجماع بين طلبة المعادلة ولكنه يقصد أشخاص معينيين
وبكدة ما يبقاش فيه أى مشكلة مع طلبة المعادلة المحترمين

ودعونا نلقى بمقولة :

" انت حر ما لم تضر "

و اعتذرى الخاص للباشمهندسة safy
وأرجو أن تكون قد تقبلت الإعتذار الرسمي من ادارة المنتدى
وأن يتقبله جميع طلبة المعادلة الكرام

المشرف العام
YeHi@$MmZ

سلام عليكم

يبشمهندس يحي انا مش بقصد في كلامي فئة معينة (طلبة المعادلة )من الناس عند مالطالب دخل الكلية خلاص مش بتفرق ان شا الله يكون جاي من بلاد ماوراء البحار انما احنا بنتكلم عن الفئة اللى شوهت سمعت مجموعه بحالها وخلت الناس تاخد فكرة مش كويسة عنهم وانا اما اقولت عن موضوع تقديم مذكرة للعميد اعتقد ده من حقي ومش معقول هلاقي واحد بيتعدى حدودة داخل الكلية اقعد اطبطب علية ولا ابوسة مثلا احطة جنب الحيط طبعا لازم ياخد نصيبة وحقة ويكون عبر لغيرة عشان مايتكررش الغلط تانى اللى شايف نفسة كويس اكيد مش هيهمة كلامى لو قلت حتى هرفع عليه قضية مش حيهمة انما اللى مش كويس تلاقية قلقان وزعلان لانه اكيد عارف انه بيعمل حاجة غلط وبرود انا اما بتكلم انا بتعامل على اساس ان دول اخواتى لو عمل صح بشجعه وازوده وان عمل غلط ابعده عن الغلط وطبعا وكل غلط ولية طريقتة في المعالجة بس الكل لازم يعرف انه كبير وكل واحد مسئول عن تصرفاته

كلامك تمااام ودة بيبقى على فئة معينة من الأفرااد

مش يخص طلبة المعادلة بشئ

واحنا كدة نبقى وصلنا للى احنا عايزينه بالظبط

اكيد ده اعتدار مقبول يا بشمهندس و برضو انتو اخوتنا الكبار و احنا بنستفيد بخبرتكو,,و الاعتدار ده بجد دليل على الاخلاق و التربية العالية يا م.يحيى

اقتباس :: ،،،،،،،،،،

تم التعديل بواسطة YeHi@$MmZ
اخى رامى هنا الموضوع لفض المنازعات فقط وللإعتذاار
وقد بعثت الكلام المحذوف لك برسالة
وسيتم تنقية الموضوع المخالف من كافة المشاركات المسيئة
ان شاء الله
وشكراً لتنبيهك

أى اعتراض على قرارات المشرفين [ ايقاف 24 ساعة ]

باشمهندس رامى أقدر لك مشاركتك
وأود بعد إذنك ان يكون الموضوع دة فقط للإعتذار
ولا نفتح مجالا جديداً للجدال
وسيتم تنقيه كافة المشاركات في الموضوع المخالف
شكراً ليك

شكرا يحي على التوضيح ......

وتم نقل المشاركه في الموضوع الاساسي ( مهازل بعض الطلبه )
https://asv-univ.editboard.com/montada-f22/topic-t6146-45.htm#27937

شكرا لك مره اخرى ......

شكراً لتفهمك يا رامى

شكرا على الاعتذار يا جماعه لطلبه المعادله

بالنسبه للاخ جودزيلا لو انت بتتكلم عن شله معينه او فرد معين من الناس دي افتكر ان هنا مكان مش مناسب لكده
وخلااااااااااااااص بقى خلاااااااااااااااااااص

انا من هنا بعتذر لكل الطلبة المعادلة عن اللفظ اللى لفت انتباهي ليه المهندس رامي ربيع ويعلم الله انى لم اقصد الاساءة او التقليل من قدر احد من الاخوة الافاضل مثل الباشمهندس رامي ربيع وجميع الاخوة الكويسين من طلبة المعادلة انما اللى بيطنطوا اخر حاجة اقولها لهم ربنا يصلح حال الجميع ويهيديهم على نفسهم ومش عشان ناس زي دي اخسر الناس الكويسة من طلبة المعادلة دمتم في رعاية الله

شكرا على اعتذارك يا جودزيلا

و(الناس اللي بيتنططوا ) افتكر ان ملهاش لازمه خاالص خلي الاعتذار كفيل انه يرجع المياه لمجاريها زي مبيقولو ولا انا غلطان

اصل ماتزعلش منى يازكريا الناس دي مضاقنى جدا لان اللي بيضر مش سمعته بس ده سمعته وسمعت ناس مالهاش ذنب على العموم نحن لكل متخطى لحدوده بالمرصاد بغض النظر عن اي شيء

روح نام يا جودزيلا عشان عندك شغل بكرة ورسم في المشروع
happy dreams

ENG_GODZELA كتب:: انا من هنا بعتذر لكل الطلبة المعادلة عن اللفظ اللى لفت انتباهي ليه المهندس رامي ربيع ويعلم الله انى لم اقصد الاساءة او التقليل من قدر احد من الاخوة الافاضل مثل الباشمهندس رامي ربيع وجميع الاخوة الكويسين من طلبة المعادلة انما اللى بيطنطوا اخر حاجة اقولها لهم ربنا يصلح حال الجميع ويهيديهم على نفسهم ومش عشان ناس زي دي اخسر الناس الكويسة من طلبة المعادلة دمتم في رعاية الله

شكرا جودزيلا ....

حقا ماتفلعه هو سلوك المرء المسلم الذي يعي و يدرك اهميه ان نكون كلنا كالجسد الواحد و الذي يقدر زملائه و اخوانه ويحترم من حوله ....

واحببت ان الفت انتباهك لماسبق ، وذلك ليقيني باخلاقك الطيبه و ذوقك الرفيع اللذان دائما مايدفعانا الى احسان الظن بك دائما ... ولكوني ايضا ادرك ان من كثر كلامه كثر غلطه انصحك الا تدخل في مهاترات مع الكثير في المنتدى وان تمر عليها مرور الكرام فانك لن نسال عن كل ماحولك ولكنك سوف تسأل وتحاسب على كل مايخرج منك .....

شكرا لك مره اخرى .....

شكرا ليكم جميعا وشكرا للبشمهندس يحيى لتنزيل هذا الاعتذار وهذا يدل على احترامه وحسن اخلاقه

» مصر حماكي الله
» اعتذار رسمي مني
» اعتذار رسمي للعضو MASA_2010
» اعتذار رسمي لطلبة قسم عمارة
» حصريا فقط للمعماريين البرنامج الأروع لتصميم البيت من الداخل من حمامات ومطابخ ومناظر طبيعية وكل حاجه Better Homes And Gardens Home Designer Suite v8.0