انا انتقد

السلام عليكم ورحمه الله وبركاته

ارجوا المعذرة فانا اود انتقاد الكثير من المشرفين على صفحات هذا المنتدى لما يوجد من تحالفهم مع بعضهم في اتخاذ القرارات
يعني مثال على ذلك ( تم حذف ردود لي في موضوع منك ليه بقا يا بشمهندس للاخت كوين بحجه اني قد خرجت عن الموضوع ) وعندما خرج الاخ والمشرف أمير عن الموضوع وقام بالهزار مع بعض الزملاء في موضوعي لم تحذف مشاركته ) الا يسمى هذا تمييز وعندما طالبت بحذف ردوده قال احد المشرفين ( انت بتمسك في الحاجه الهايفه ) طب طالما ي حاجه هايفه انت خليتها قانون ليه وليه يطبق عليا دون غيري وقالت احد المشرفات ان موضوع هزار امير معها عادي وهيا فاهمه قصد امير كويس يعني افهم من ك\ده امير لم يخالف القانون
ولماذا قامت نفس المشرفه بمسح ردي على موضوع ربايه عز في قسم الصور عندما قمت بالهزار مع احد الاعضاء بحجه ان المكان مش مكان للهزار وخافت ان العضو يزعل من كلامي
بعدين الاخ يحيي انت قد تعهدت بانك حتجيب حق طلبه المعادله على المنتدى فأين حقهم عندما قال المشرف جودزيلا ان ( ضفرة برقبه طلبه المعادله ) ومازال تعليقه موجودا الى الان
فأين الاجراء الذي ستتخذه وما هو موقفك من كلام جودزيلا واين الحق الذي توعدت به ؟
انا انتقد اسلوب التهديد في كلام الاخ يحيي كل شويه مع الاعضاء يعني مش اللي معاه سلاح يقعد يرفعه في وش الناس كل شويه ولا احنا قاعدين في منتدى ملك احد المشرفين ؟
اطالب بتغير اسلوب التهديد مع الاعضاء
عندي سؤال هو مفيش اي عقوبه ممكن تؤخذ ضد المشرفين ؟

وشكرا للجميع

اتمنى حد من المشرفين يرد عشان انا نفسى افهم برضو اه البيحصل

اللي بيحصل فعلا زاد عن حده
ووصل لمرحلة سيئة جداااااا
ووصلنا لمرحلة الاساءة في الرسايل الخاصة
وكويس يا باشمهندس انك فتحت موضوع حذف ردك في موضوع رباية عز
الرد اللي اتحذف ما كانش ينفع يفضل بأي شكل
وانا بعتلك اني حذفته زي ما ببعت لأي حد بحذف مشاركته نهائي
يعني لما بحذف المشاركة خالص من غير ما اسيب مكانها اقتباس ببعت لصاحبها
وانـــــا عارفة لما بعتلك قولتلك ان يمكن اللي انت بتهزر معاه ما يزعلش من هزارك
بس مش معني كده اننا نسيب الشتايم والتريقة بدعوي الهزار
واذا حد من الاعضاء شافها حيستغرب ازاي المشرفين سايبنها
وحيضايق من حضرتك انك كاتب حاجة كده حتي لو بهزار
وهو ده كل اللي حصل وقتها

اما بقي رد أمير فأنا قولت اني متفهة رده
لاني عارفة انه يقصد رد حطه هو قبل كده
وكان مكتوب فيه حديث شريف من غير اسناد وكان مكتوب غلط
وأنا وقتها جبت الاسناد للحديث وبعتهوله
وعما اعتقد انه مش خروج عن الموضوع زي ما حضرتك بتخرج عنه
هو علي الاقل كان بيعلق علي حاجة جوا الموضوع وهو رد ليا
اما حضرتك بتخرج برة الموضوع وتغلط في ناس مش موجودة
وتغلط في المشرفين
لو حضرتك عايز تنصح حد يبقي فيه رسايل خاصة ممكن تنصحه بهدوء فيها
ولو عاوز تشتكي يبقي فيه قسم الشكاوي
اما لما يتحول كل موضوع مهم ومفيد لشكوي في ادارة المنتدي والمشرفين
يبقي ده اللي اسمه خرووووووج صريح عن الموضوع
واذا كان رد امير اتحذف
فمافيش مشكلة
هو متقبل ده وانا كمان
وفاضل ان حضرتك تتقبل التعديل علي مشاركاتك
اللي بقيت ملاحظة انها كلها خارجة عن النص
ياريت كفاية شكاوي كده
لأن وصلتنا شكاوي وناس كتير بقت مضايقة من اسلوب الكلام اللي في المنتدي
واذا كان فيه ناس معاك في رأيك
فهي مش معاك في اسلوب كلامك

بصي يا بلانسيس انا ردي اللي اتحذف في موضوع الصولا مكانش شتيمه انا قلت ( انت كمان بتاخد حقنه عم زيزو )

لكن مقلتش انت قلبك اسود زي مقال امير
وبوضو جودزيلا كان متفهم كلامي زي مانتي كنتي متفهمه كلام امير
والله انا اسلوب كلامي كويس ومينفعش مع المشرفين غير كده طالما مفيش حل معاكو يعني ايه واحد يقول انا ضفري برقه طلببه المعادله
فين حق الناس دي يا يحيي ويا مشرفين زي متوعد يحيي بكده

علي فكرة الرد بتاعك ما كانش كده بس
ولو كان كده بس كنت خليته
ده اولا

ثانيا حق طلبة المعادلة رجعلهم أكتر من مرة باعتذارنا كلنا لهم "اكتر من مرة"
اما بقي اللي بيضيع حقهم فمش احنا اكيد
واحنا قولنا كتير قبل كده .... لو فيه حد غلط يبقي تقول ايه الكلام اللي اتقال
وتبعته في رسالة خاصة للحبار
وبالنسبة للجملة اللي مضايقاك
عما اعتقد انها اتحذفت
ولا انت بتضايق بأثر رجعي!!!

لا بس كان يحيي بيقول ان ايه الجمله وكان في عقاب المفروض يطبق على صاحب الجمله دي

انا قلت الجمله وهيا ( انا ضفري برقبه بتوع المعادله كلهم )
فين العقااااب؟

اعتقد ان الرد اتحذف
ولو علي رد واحد اتحذف نعاقب
يبقي اللي له اكتر من 15 رد محذوف نعمل معاه ايه؟؟!!

وكمان لو الجملة غلط
كده انت الوحيد اللي عمال ترددها
وانا اللي اعرفه ان لو الواحد حاجة اتقالت مضايقاه
يبقي علي الاقل مش حيفضل يقولها كل شوية
وحيبقي عايز الموضوع يخلص
انا بكرر كده مش احنا اللي بنضيع حق طلبة المعادلة!!!

وملحوظة صغيرة
الجملة ما كانتش كده برده!!

لا الجمله كانت كده وانا مصر على كلامي

وخلااااااااااااااص كفايه بقى
ارحمونا يا مشرفين مش عاوزين حاجه منكم
يوووووووووووووووووووووووووووووووووووووووه

اعصابك يازيكو , ممكن كده تجرالك حاجة وانت اهم عندنا من كل حاجة , وبعدين يااخي صدقني لو قعدت ورا الكلام ده هتتعب , ياعم اصلا الناس دي مستعدة تفضل وراك لغاية ماتكرهك في نفسك

اشتري دماغك احسن ورد باللي يعجبك من غير شتيمة ولو حد اتعدي حدوده معاك مشرف او غيره فمعاك الحبار وياريت ماتشتكيش لمشرف تاني الظاهر مفيش فايدة

MASA_2010 كتب:: اشتري دماغك احسن ورد باللي يعجبك من غير شتيمة ولو حد اتعدي حدوده معاك مشرف او غيره فمعاك الحبار وياريت ماتشتكيش لمشرف تاني الظاهر مفيش فايدة

من غيـــــــــــــر شتيمة
ويبعت للحبار برده من غير شتيمة
هو ده كل اللي احنا طالبينه

متهيألي كلامي واضح . وانا برضه ما ارضاش بالشتيمة ياباشمهندسة

بكل هدوء
يا باشمهندسين

أولاً جملة جودزيلا

كانت

ضفر أى طالب من بتوع المعاهد برقبة أى طالب مستهتر من بتوع من طلبة المعادلة
مش زى ما انت بتقوول

وتم مسحها فور رؤيتها مع شكر الباشمهندس رامى

وانك يا باشمهندس زكريا أصلاً ماكنتش شايف الجملة دى ولا كان قصدك عليها

انت كان قصدك كلام تانى خاالص

ثانياً / أنا ماجيبش حق لحد ما اشتكااش وكان عايز ياخد حقة بايده

ثالثاً / أرجو أن أشكر الباشمهندسة safy

لاتباعها الطرق القانونية في الشكوى

وأعتقد انها تقبلت الإعتذار من ادارة المنتدى

ومن جودزيلا

رابعاً / أرجو من الباشمهندس Masa

عدم التدخل في أى شكوى للباشمهندس زكريا

لانه مش محتاج لتدعيم رأيه ، فهو بيعرف يتكلم كويس قوى لوحده

خامساً / أشكر الباشمهندس زكريا لاتباعه التعليمات

بكتابته موضوع الشكوى في قسم الشكاوى

وأذكر أى عضو بأسلوب المشرفين الجديد

اقتباس :

سادساً / للشكوى من المشرفين يتم كتابة شكوى الى المشرفين العوام

وللشكوى من المشرفين العوام يتم كتابة شكوى الى المدير العام الحبار

أين هو؟؟؟؟؟؟؟؟؟؟؟؟؟؟؟؟؟؟؟؟

edbs كتب:: أين هو؟؟؟؟؟؟؟؟؟؟؟؟؟؟؟؟؟؟؟؟

علي فكرة يا اخ يحيي موضوع اني عدم التدخل في شكوي الباشمهندس زكريا ده شئ مايهمكش . انتوا مش بتقولوا " انت حر مالم تضر " وعمالين ترددوا الشعار ده في كل مكان في المنتدي يبقي خلاص لما يوصلك ضرر مني ابقي اتكلم , ةلغاية كده انا حر . وياريت تخليك بعيد عن الموضوع ده لاني كل اللي قلته نصيحة لزكريا وهوه بيسمعلي يبقي انت زعلان ليه ؟

يا جماعة ارجوكم كفاية نقاش في الموضوع ده
دلوقتي كلنا داخلين علي فترة امتحانات ومحدش فاضي للمشاكل دي
وبالنسبة للبشمهندس masa فعلاً انت حر ما لم تضر ولك الحرية في الرد علي البشمهندس زكريا بس ليكن ردك مع الحق وليس مجاملة للبشمهندس زكريا
ومادام يابشمهندس masa البشمهندس زكريا يسمع لنصائحك ارجو ان تنصحه ان يكف عن افتعال المشاكل بالمنتدي
واتمني ان نفتح جميعاً صفحة جديدة بدون ان يحمل اي منا للاخر اي ضغينة او كراهية
ويغلق الموضوع

» انا انتقد