لقاء بين جميع اعضاء المنتدى

بداية السلام عليكم

مع اقتراب نهاية العام الدراسى واقتراب دفعة الفرقة الرابعة من التخرج وعدم رؤيتنا لهم بعد ذلك حيث ان منهم من سيتجه للخدمة العسكرية ومنهم من سيغادر للخارج ولن نراهم بعد ذلك الا صدفة

كمان ما شاء الله عدد الاعضاء زاد فى المنتدى وعدى الالف وبقى هناك العديد من الاعضاء والمشرفين متقاربين مع بعض فى الاراء واصبحوا اصدقاء فى المنتدى ولكن للاسف هم اصدقاء بالكاتبة ولل يعرف احدهم الاخر على الطبيعة

عشان كده انا باقترح اننا نعمل مقابلة فى الكلية فى اى مدرج ويشرف عليها اى دكتور من الدكاتره المشتركين معانا فى المنتدى ذو الردود والتفاعل فى المنتدى وفى المقابلة دى تكون بين جميع اعضاء المنتدى بحيث كل واحد يعرف مين هما اصحابه فى المنتدى على الحقيقة او على الطبيعة ونعرف المشرفين والاعضاء وكل واحد يعرف نفسه وكل واحد يعرف مين اللى بيرد عليه فى مواضيعه لان احنا لو استنينا للسنة الجايه هيكون طلبة بكالريوس اتخرجوا ومش هنشوفهم ومش هنعرفهم وعشان هما اضلاع رئيسية فى المنتدى فيجب علينا معرفتهم ويجب عليهم معرفتنا على الاقل عشان الصداقة والتفاهم اللى حصل ده يكون على الواقع واللى عايز يحضر يحضر واللى مش عايز براحته

وفى النهاية اسف جدا للاطالة واتمنى ان تعجب المشرفين والاعضاء وكل الموجودين فى المنتدى ولو عجبتكوا الفكرة ياريت تنفذوها واللى اقدر عليه هاعمله

اقتباس :: تم التعديل بواسطة ENG_GODZELA
يمنع إهانة الأعضاء أو الاستهزاء بالآراء الموجودة على المنتدى و في هذه الحالة قد يتعرض اشتراك العضو للإيقاف وذلك بعد لفت نظره أولا ليرجع عما تسبب فيه من أذى أو إهانة أيا ما كانت .. و نرجو أن يكون التركيز على النقد البناء الغير جارح ومحاربة السلبيات بأسلوب ناقد وواع. فاقرأ مشاركتك قبل أن ترسلها فإذا شعرت أن ثمة عضو سيشعر بالإهانة من مشاركتك فعدل المشاركة أو لا تشارك في هذا الموضوع.
تحذير شديد يبشمهندس بالطرد 24 ساعه في حالة تكرارة مرة اخري

بص يا leader لو كلامى مش عاجبك ما تردش عليه وما تسخرش من كلامى حتى لو كان كلامى ده هايف من وجهة نظرك ابسط حاجه انك ما تردش زى مافى غيرك قبلك شافه وما ردش
وبعدين انا قصدى نعرف بعض على الحقيقة يعنى انت دلوقتى مثلا بتتربق على كلامى انا دلوقتى حاسس انى بكلم الكومبيوتر لكن لو انا شوفتك على الطبيعة هاعرفك على الاقل كل واحد منا هيتكسف انه يغلط فى حد فى المنتدى لانه عارف ان اللى هيغلط فيه ده عارفه

علي فكرة فيه حاجة شبه كده اتعملت في بداية الترم التاني السنة دي
وكان اجتماع لمعظم مشرفين المنتدي وقتها مع المديرين
وعلي رأس الاجتماع كان حاضر دكتور هاني
بس وقتها الاجتماع كان له أسبابه الضرورية
والفكرة طبعا في حد ذاتها جديدة انه يبقي لكل الاعضاء
بس انا رأيي الشخصي انه صعب جدا الايام دي
دي الناس ما بتنزلش المحاضرات عشان تنزل لاجتماع
واذا كان علي دفعات رابعة فاعتقد انهم كمان مشغولين الوقت ده
علي العموم ده رأيي وانا منتظرة اسمع أراء بقية الاعضاء
وعلي العموم لو الفكرة اتعملت في اي وقت
فأنا حكون اول الحاضرين بيضحك

شكراً يا ميدو على الفكرة الرائعة

هى اه كانت فكرت فيها الباشمهندسة رحاب

بس ماتظورتش

إقتراح

انا شايف انها ممكن تتعمل زى حفلة صغيرة كدة حتى ولو في نادى المهندسين

لجميع أعضاء المنتدى

بس يكون في الاجازة عشان نرتب التجهيزات

وعايزين نشوف أراء الشباب

وأرجو من leader

عدم الإستهزاء بأى أراء

انا مع رأي يحيي

الصراحه فكره رائعه ويا ربت تتنفذ بس يكون ميعاد كويس والمكان

بصراحه فكره كويسه ... وانا اويدها و ياريت تكون اخر يوم امتحانات يعني يوم 4او 5 يونيو

عشان الناس كده تكون خلصت امتحانات وفاقت ....

بصراحة فكرة جميلة جدا .... و انا كنت كلمت الحبار عليها ساعة لما كانت السنوية بتاعة المنتدى ...
و بصراحة أنا مع البشمهندس رامي في ميعاد التنفيذ ..... و ياريت بجد الكل يحاول يحضر الحفلة دي .... و كمان تبقى فرصة إننا نتفق على الأسس اللي هانعملها في المنتدى في أجازة الصيف إن شاء الله .... و يبقى كل واحد عارف هانعمل إيه في المنتدى ...
و ألف شكر ليك يا MIDO على الفكرة الروعة دي...

YeHi@$MmZ كتب:

على فكرة يا يحيى عيب عليك انك تقول انى استهزى بالاراء هذا ليس استهزاء او اى شىء من هذا القبيل ده ضحك على استحالة حدوث هذا الشىء ولست ضد هذا لان ميدو يفترض به ان يكون محدد فى اعلانه للاجتماع للاسباب الاتيه:-
1- أثناء كتابتى لهذا الرد وصل اعضاء المنتدى الى 1111 ماشاء الله ودائما فى الزيادة ان شاء الله هذا ليس له الا معنى واحد هو انه حاليا اعضاء المنتدى الكرام ليس كلهم طلاب فى كليه الهندسة باسوان لسبب بسيط لو افرضتنا ان جميع طلاب الكلية بجميع فرقها يعرفون و مشتركون فى المنتدى يكون بالكاد يصل الى هذا الرقم لانك اكيد انت تعلم ان طلاب كلية الهندسة باسوان لا يتعدون الف طالب فهناك اخوة اعضاء فى المنتدى طلاب فى كليات هندسة اخرى غير اسوان وطلاب اخرين فى كليات غير الهندسة و هذا كان واضح فى الردود و البيانات الموجودة مثلا هناك طلاب من كلية تجارة و تربية و علوم و اداب ايضا من محافظات او بلدان اخرى لانه بالفعل هناك اعضاء كرام من بلاد عربية اشقاء غير الخريجين الافاضل من الكلية او غيرها الذين يعملون بمصر او فى الخارج يعنى من الاخر هذا المنتدى بدا للعالمية كيف نقترح عليهم ان يجتمعوافى هذا اسوان
2- حتى اذا كان الموضوع من الممكن حدوثه اين المدرج الذى فى الكلية يسع لالف شخص يجتمع به
هذا كان من الواجب على ميدو ان يحدد ان اعضاء المنتدى الطلبة بكلية هندسة اسوان اقترح عليكم الاجتماع و ليس جميع الاعضاء و شكرا

فكره جميله جدا وانا اؤيد انها تتنفذ

اقتباس :

[/b]

الأخ leader
رغم أننى لم اقرا ردك الذى تم حذفه وسوف نطلع عليه بإذن الله
لكن لاحظت من ردود الآخرين الأعتراض على ردك واعتباره استهزاء بموضوع الأخ ميدو
وأرجو منك عدك الحكم على نفسك بالصواب دوما لأن أى فرد قد يخطىء وهذا ما يحكم به الغالب وليس شخص بذاته
لذا اتمنى من الآن نسيتن هذا الأمر واعتبار أن أى كلمة قد تكون غير مقصودة قد تجرح الآخرين
ولذا ارجو منك نسان هذا الأمر
كما أتمنى من الجميع عدم الخروج عن سياق الموضوع وهو دعوة الأخ ميدو وقبولها او رفضها فقط بشكل لائق وان تم الأتفاق على تفعيلها أتمنى المضى فى تطبيقها والا يكون ككل فكرة تطرح ثم تهوى فى غياهب النسيان

بصراحة هي فكرة جميلة جداً وهي فرصة اننا نتعرف علي اعضاء المنتدي ونعرف احنا بنكلم مين
وانا مستعدة اشارك معاكم واكون اول الحاضرين
بس ياريت الفكرة تتنفذ بعد الامتحانات زي ما قال البشمهندس رامي لان مفيش حد فاضي دلوقتي
واتمني ان الفكرة تتنفذ ومتكنش مجرد كلام وبس
وشكراً للبشمهندس Mido علي تلك الفكرة الجميلة

بصراحه فكره ممتازه جدا بس لو تكون في بدايه الترم علشان نشجع طلبه اعدادي وغيرهم علي المشاركه شكرا

إقتراح مقبول وإن شاء الله سيتم تنفيذه عقب الإمتحانات مع تحديد موعد لهذا اللقاء
وبإذن الله يحظى بإقبال كبير.

يا الله يا ميدو

انا معاك
اتكل على الله
وانا اول واحد جنبك

الحمد لله الموضوع عجب الناس وانا بأيد فكرة انه يتعمل اخر يوم فى الامتحانات بحيث ان الناس تكون لسا ما سافرتش

اما بالنسبة لموضوع المدرج فانا قولت كده لان انا عارف ان فى اعضاء من خارج الكلية وفى ناس خريجين وفى ناس مش هتقدر تحضر وفى ناس مشتركة فى المنتدى بكذا اسم يعنى المدرج هيبقى صغير حاجة بسيطة على العدد اللى هيحضر

اما بالنسبة لleader لو كان ده قصدك فعلا يبقى حقك عليا انا اسف اذا كنت انفعلت عليك واتمنى انك تكون عرفت سبب اختيارى للمدرج

MIDO كتب:: الحمد لله الموضوع عجب الناس وانا بأيد فكرة انه يتعمل اخر يوم فى الامتحانات بحيث ان الناس تكون لسا ما سافرتش

اما بالنسبة لموضوع المدرج فانا قولت كده لان انا عارف ان فى اعضاء من خارج الكلية وفى ناس خريجين وفى ناس مش هتقدر تحضر وفى ناس مشتركة فى المنتدى بكذا اسم يعنى المدرج هيبقى صغير حاجة بسيطة على العدد اللى هيحضر

اما بالنسبة لleader لو كان ده قصدك فعلا يبقى حقك عليا انا اسف اذا كنت انفعلت عليك واتمنى انك تكون عرفت سبب اختيارى للمدرج

الحمد لله يا ميدو انك عرفت قصدى انا لا ادخل المنتدى حتى اتهكم او استهزىء براى او اقتراح من اى عضو و على العموم لاننا من المفترض اننا كلنا اخوة واسرة واحدة يجمعنا المنتدى وعلى العموم ما تزعلش منى لانه فعلا لانه لا اقصد اىء اساءة مما دار فى ذهنك و عشان كده انا اويدك على هذه الفكرة لما تكون قاصرة على طلاب الهندسة او من بمقدوره الحضور و انا ان استطعت حاكون اول الحاضرين على الاقل لمعرفة شخصيتك فى العلن و شكرا ليحيى على الرد

اقتباس :: الحمد لله يا ميدو انك عرفت قصدى انا لا ادخل المنتدى حتى اتهكم او استهزىء براى او اقتراح من اى عضو و على العموم لاننا من المفترض اننا كلنا اخوة واسرة واحدة يجمعنا المنتدى وعلى العموم ما تزعلش منى لانه فعلا لانه لا اقصد اىء اساءة مما دار فى ذهنك و عشان كده انا اويدك على هذه الفكرة لما تكون قاصرة على طلاب الهندسة او من بمقدوره الحضور و انا ان استطعت حاكون اول الحاضرين على الاقل لمعرفة شخصيتك فى العلن و شكرا ليحيى على الرد

فعلا الموضوع جميل و ياريت يتنفذ لانه بيساعد على التبادل الثقافى اللى هو هدف من اهداف المنتديات بشكل اوسع و اعم

و كمان هو احد الوسائل الدعوية للمنتدى

» موضوع هام (ارجو الدخول لكل اعضاء المنتدى)
» اسماء اعضاء ليس لهم اى داعى بهذا المنتدى
» اعضاء اسرة فنون علي المنتدى(2007-2008)
» الأن وحصريا على المنتدى (جميع جداول ال steam )
» تهنىء إدارة المنتدى جميع طلبة وأعضاء هيئة تدريس كلية هندسة أسوان والأمه بحلول عيد الفطر المبارك.