الطريقة الحديثة لتربية الاطفال ........

جامعة نيو يورك عملت مؤتمر عالمي كبيرعشان يناقش فكرة فن مخاطبة الاطفال وهذا الموضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان العيال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة
دى بعض النصايح عشان تعرف تتعامل مع ابنك

خلاص مينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟

ومينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.

مينفعش تعاقبه بأنك تقومه من قدام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة.

عايز تعاقبه نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.

لما تعوز تدلعه وتكافؤه على تفوقه
مينفعش تجيب له بندقية صيد وكوره وكتب من المكتبة الخضراء والجو القديم ده كله تجيب له( دي اس ال) ممكن تظبطه بويب كام جامده تدخل علية ( بسكرين)

مينفعش لو أبنك سألك عن حاجه منتش عارفها تألفله أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه ع النت ودور معاه ع الأجابة المظبوطة و بلاش قلة قيمة ..

وأوعى تفهم الواد إن الرياضة هى أهلي وزمالك بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف أسعارهم كمان .

وأذا طلب رأيك ف أكلة دليفرى م اللى بياكلوها الأيام دي أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد

كلامك صح 100% وهذا رأي عن تجربه حقيقيه
ده جيل ما يعلم بيه الا ربنا
ضحك حتى البكاء

بما ان الاخت بنت مصر ويامن معانا هنا فياريت نرجع لورا شوية:
في العشرينيات من القرن الماضي ماكنتش الناس تعرف حاجة عن عمل المرأة ولما طلع قاسم أمين بدعوته وظهور رائدات العمل النسائي في مصر كان الآباء بيمصمصوا شفايفهم ويقولوا جيل آخر زمن هيخلوا الستات يتعلموا ويشتغلوا . ناهيك ان حتي الاربيعينيات مثلا جدتي حبت تروح المدرسة لأنها كانت متفوقة في الكتاب رد عليها والدها " معندناش بنات تقعد مع الولاد في الكراسي".
بعد استقرار الثورة في السيتينيات والسبعينيات ( عهد ماقبل الجماعات الاسلامية ) كانت المرأة بتتعلم وتشتغل زي الرجل بالضبط مع استيراد مظاهر الحضارة الغربية وأعتقد بنت مصر تتذكر كيف كلن الميني جيب هو الزي الرسمي للسيدات .
ظهر البيتلز في انجلترا في السيتينيات وفي خلال السبعينيات ساد اسلوبهم الحياتي العالم أجمع لدعوتهم أن تكون الحياة للحياة فقط مما ساهم في ظهور الهيبز وماشابههم وبالإمكان ملاحظة هذه الفترة في الافلام المصرية عندما كان جل هم الشباب هو تعلمه آخر رقصة.
جائت فترة أواسط السبعينيات والثمانينيات وهي ظهور الجماعات الاسلامية والعائدون من أفغانستان وبدأو في نشر قيمهم (قيمهم هم وليس قيم الاسلام) التي بالقطع تتعارض مع مفاهيم الآباء الذين تربوا في فترة الستينيات .

خلاصة الكلام في كل فترة من فترات التاريخ كان يطلق علي الشباب أنهم "جيل آخر زمن" لأنهم يتعاملون بمنطق وفكر جديد(مش بتاع مبارك) لا يتماشي مع ثوابت الجيل السابق .
لذلك عندما نتعامل مع أطفالنا اليوم ليتنا نتعامل معهم علي أساس أن الطفل الذي لم يتجاوز المرحلة الابتدائية لديه معارف كمية أكبر من المتوافرة لنيوتن مثلا ولا يصلح معهم بالقطع هذه الترهات التي كانت تنطلي علي اطفال الامس هذا لا يعني أنهم سيئون أو ماشابه لكن هذا يعني أنه لابد أن تكون مدارك أطفالنا أكبر بكثير من مداركنا ونحن في مثل أعمارهم لأن هناك فارق زمني يزيد عن عقدين من الزمان بين طفولتنا وطفولتهم.

انا اوافقك الرأي في هذا
ولكني اعجبني الاسلوب المرح الذي صاغ به البشمهندس يامن موضوعه فاردت ان ارد بنفس الاسلوب المرح حتي لا نفقد الموضوع روحه المرحه
والواقع يقول انه الان الذي يحدث ان الابناء هم الذين يقومون بتعليم الاباء وليس العكس

ولكن لي تعقيب حتي لا يحدث سؤ فهم للموضوع
نحن نتحدث عن الامور العلميه والثقافيه اما بالنسبه للأمور الاخلاقيه فهناك ثوابت لا يصح ان تتغير مهما تغير الزمن او تطور فالاخلاق والمبادئ والقيم هي ثوابت في حياتنا نرثها من ابائنا لنورثها بعد ذلك لابنائنا ويجب ان نحارب ضد الهجمات الغربيه التي تحاول ان تقتلع ابنائنا من هذه الجذور الاخلاقيه لا ان نتركهم نهباً لها بدعوي مواكبه العصر

اشكر لكم مروركم ومداخلاتكم
وانا متفق ايضا معك يا اخي امير لكني كما قالت البشمهندسة بنت مصر صياغه الموضوع في شكل مرح ليس اكثر
ومؤيد لها كذلك فيما تقول من الناحية الاخلاقية والدينية فما نتحدث عنه هنا هو مواكبة الاباء والامهات لمظاهر التطور والعصرية دون المساس بالدين او الاخلاق او العادات المكتسبة .

وشكرا لمروركم