الذكري السادسة لمبارة 6/1

تذكير بمساهمة فاتح الموضوع :

الزملاء الاعزاء في هذا المنتدي ( خاصة الاهلاوية)

احب ان اذكرم انه بعد 3ايام سياتي يوم 16 مايو و هو يوم لن تنساه الرياضة المصرية نظرا لما حدث يوم 16 / 5 / 2002

يوم المباراة :
حدث في مثل هذا اليوم انتصار و لا اروع ( ليلة و لا الف ليلة و ليلة) للمارد الاحمر علي خصمه التقليدي .
لقن الاهلي الزمالك في هذا اليوم درسا لن ينساه ابد و تلاعب به كما يتلاعب منتخب البرازيل بفريق مدرسة مبتديء
و هزمه بنصف دستة مع الرافة .
انا يومها كنت في اسوان استعد لامتحانات التيرم التاني و لا يمكن ان اصف ما حدث في هذا اليوم .
* الاهلوية خرجوا الي الشارع واحتفلوا بالانتصار الساحق علي الزمالك حتي الصباح
( حدث هذا في اسوان و كل محافظات مصر)
* جميع القنوات و البرامج ( حتي الغير رياضية) تتحدث عن هذا الحدث التاريخي
* لا حديث في مصر كلها و العالم العربي اجمع الا علي المباراة و الاهداف الستة و " بيبو و بشير" .

اليوم التالي :
* اختفاء جميع الزمالكوية ( كانهم فص ملح و داب . و الله صعبوا علي )
* اصطبغت اسوان باللون الاحمر ( و كل محافظات مصر) بهجة و فرح بانتصار تاريخي فريد
* صعوبة الحصول علي اي جريدة او مجلة رياضية ( الجريدة التي سعرها جنيه واحد وصلت الي 20 جنيه في السوق السودا)

نتائج الانتصار الساحق:
* بعد عودة الزمالكوية للظهور مرة اخري ( بعد حوالي اسبوع من فضيحتهم) كانوا يتحدثون و هم مطاطاي الروؤس خجلا
* تبرا الكثير منهم من ناديه الزمالك و انضم لتشجيع اندية اخري . الترسانة او السكة او نبروة ( هذه الاندية لا تخسر بسهولة 6 مع الرافة)
* في اللقاءات التالية بين الاهلي و الزمالك كان يتفرج الجميع بهدوء اعصاب . فلا الاهلاوية يهمهم حاجة و لا الزملكاوية خايفين من حاجة . ايه يعني لو انهزموا 3 او 4 او حتي 5 ( المهم الهزيمة لا تتعدي 6 علشان ما تبقاش فضيحة جديدة ). و لو مش مصدقين راجعوا نتائج المباريات بعد كدة ( 4/2 او 3/0 )
* انتاب الزمالك حالة من الياس و الاحباط حتي في غير مباريات الاهلي ( الهزيمة 5/0 من الحرس بعد كدة)

دعوة لاعضاء منتدانا :
يا ريت نخصص هذا الاسبوع للاحتفال بذكري النصر الغالي

ما تتعبش قلبك يا باشمهندس mido .

انا قلت قبل كدة :
بطولات الزمالك طوال تاريخه كله = نصف بطولات حسام عاشور مع الاهلي .
و لا ايه يا باشمهندس يحيي و يا باشمهندس kaka_of_egypt ؟
و علي العموم الزمالكوية في طريقهم للانقراض حاليا بعد فضيحة الستة . و البقية الباقية منهم هي قلة قليلة جدا لا تذكر و الحكاية مسالة وقت .



بيبو و بشير

بيبو و شير

بيبو و بشير

انما كلمة " الزمالك في دمي " دي مكتوبة بدمكم اللي ساح في مبارة 6 ولا مكتوبة بالصلصة ؟

MASA_2010 كتب:

انما كلمة " الزمالك في دمي " دي مكتوبة بدمكم اللي ساح في مبارة 6 ولا مكتوبة بالصلصة ؟

دى مكتوبة بدمهم اللى ساح ومن كتر ما ساح راحوا جابوا صلصة

شكرا للباشمهندسة PRINCESS علي المرور .

و علي فكرة اي واحد اهلاوي بيكون متضايق شوية . بيتفرج علي ماتش للزمالك او بيقرا خبر عن الزمالك و بعدين كل الامور بتبقي تمام .

الزمالك دايما سبب سعادتنا ( بهزايمه العديدة و فضايحه اللي مالهاش اخر )

بما فيهم الاهلي ؟!!!!

صاحب السداسية ؟

عموما ده رايك .. و شكرا علي المرور الكريم