رقم قياسي جديد للزمالك

اخيرااا

بعد ان حرق اعصاب كل مشجعيه , اخيرا الزمالك يفوز ببطولة .

فوز الزمالك بهذه البطولة ياتي بعد 4 سنوات بالتمام و الكمال من اخر بطولة حققها الزمالك .

و هذه الاربع سنوات العجاف هي رقم قياسي جديد للزمالك , فهنيئا له

يذكر ان الرقم السابق ( في البعد عن البطولات ) كان مسجلا باسم الزمالك ايضا .

و الرقم اللي قبل قبله كان باسم الزمالك برضه .

يعني الزمالك بيحطم رقمه القياسي السابق .

فهنيئا للزمالك رقمه الجديد ..

الف مبروك و للامام دائما فى ارقامه الخاصة

شكرا للباشمهندس eng_m_88_ghadeer و الباشمهندسة edbs

وان شاء الله الزمالك يحطم رقمه الجديد في الاعوام القادمة

لا تنسى يا سمان ان هذا الموسم سجل الزمالك اكبر عدد لة فى الهزائم 9 هزائم فى موسم واحد وبذلك كسر رقمة للعام الماضى 8 هزائم
وكذلك هزيمتة رايح جاى من3 فرق الاهلى والاسماعيلى وبتروجيت
فمبارك لابناء الزمالك تلك الارقام الجديدة التى تتحقق كل موسم

يا جماعة كفاية تجريح فى الزمالك هو حتى لما يكسب بردوا ما يعجبش

هو فريق على قده مثلا وكسب بطولة ليه ما نشجعوش

ولو هو فريق كبير وكسب بطولة ليه ما نحترموش وده امر عادى انه يكسب بطولة

يا جماعة اللى فريقوا يكسب يجب علينا اننا نشجعه دون تجريح مراعاة لشعور المنافسين

وارجوا ان الردود ما تبقاش اه والله يا ميدو كلامك صح الزمالك مفيش زيه واهلى مين وبتاع مين اللى فيه واللى عليه

وارجوا ايضا انها ما تبقاش لا يا ميدو كلامك غلط زمالك مين وبتاع مين اللى فيه واللى عليه

رد عليا بنقدى انا شخصيا ونقد رأيى دون التطرق للفريق الخصم والتجريح فيه

وعلى فكرة انا اهلاوى عشان ما حدش يقول عليا انى زملكاوى وبنحاز للزمالك

شكرا للباشمهندس ahmed677416 .. و فعلا يبدوا انه عام الارقام القياسية للزمالك

و شكرا للباشمهندس MIDO علي المرور و علي رايك ..

بس احب اوضح انه كل اللي ذكر في الموضوع كان ارقام x ارقام و انت تعرف ان لغة الارقام لا تكذب .. و يمكنك ايضا ان تتاكد ان هذه الارقام لم تحدث من قبل و بالتالي هي ارقام قياسية جديدة .

و بالتالي فالموضوع برمته و الردود عليه ليس فيها اي افتراءات او اكاذيب .

و للعلم فقد دخلت و هنيت الزمالك بكل روح رياضية في الموضوع المخصص لذلك

و مرة اخري شكرا لك .. و الاختلاف في الراي لا يفسد للود قضية

طبعا يا بشمهندس احمد ع م ا الاختلاف فى الرأى لا يفسد للود قضية ولكن انا رأيى ده كان عشان نتجنب المشاكل وانت عارف ان الحقيقة دايما بتجرح

ومرة تانية الاختلاف فى الرأى لا يفسد للود قضية

اطمن يا باشمهندس MIDO

ان شاء الله مافيش اي مشاكل لان لغة الارقام ما بتكذبش