قلمى السفروتى المزعج

[size=24]المكان : غرفتى التى تخلو من اى نظام بفضل الكتب والاوراق المبعثرة فى كل مكان (قال يعنى بزاكر بس اهوه منظر عشان الامتحانات ...بعيش نفسى يعنى)

وكى لا اطيل اليكم ماحدث:

كنت جالسة ولأكن صادقة نااااائمة على مكتبى (وطبعا لازم ع المكتب عشان اوهم نفسى انى نمت من تعب المزاكرة)
قلمى السفروتى المزعج 127238

وغارقة فى احلامى ومخططاتى لاجازتى والتى على بعد يومين فقط واتحرر من ذل الكهرباء نهائيا ودوائرها ومجالاتها وكل ما يمت بصله

بالاخ فاراداى وامبير وكل من على شاكلتهم....

قلمى السفروتى المزعج Lol

واذا بذلك البائس يوقظنى بقسوة (بالطبع قلمى )

ويقول لى فى لهجة آمرة : استيقظى وامسكينى اود ان اخط بعض سطورى السفروتيه ....استيقظىىىىىىى كفاكى نوما قلمى السفروتى المزعج Lol

وهنا استيقظت على صراخه وأنا ألعن ذلك البائس المزعج وصرخت فيه آمرة بلهجة عامية وصوت اجش (خلى عندك دم مش شايف عندى امتحانات ده وقته ...ده انت عمرك ما صحتنى عشان تكتبلك معادلة او ترسم دايرة كهربية او اى رمز علمى ....مش وقته وسيبنى فى حالى)

وهنا استلقى ذلك القلم العجيب ضاحكا ورد علي بنفس اللهجة العامية ولكن بسخرية جعلتنى وددت لو ان احطمه وامنع الحبر من الوصول الى سنه فيختنق ويموت ويصمت للابد حينما قال (على اساس انك عاملة حساب للامتحان وبتزاكرى ماانتى نايمة يا فالحة قومى احسن واكتبى اى حاجة وبعدين كهربة ايه اللى اكتبها انتى عمرك مسكتينى وعرفتينى على كتبك عشان اعرف فيهم ايه واكتب......)

وبدات افقد اعصابى لكنى استغفرت ربى وامسكت به وامرى الى الله.... بيدخن

واخذت ورقة باليه تليق بما سيكتبه (قلم عابث سفروتى ماذا سيكتب بالطبع ليست معلقة من المعلقات)

وبالطبع عزة نفس قلمى ابت ان اخط كلامه على ورقة بالية واذا به ينظر الى فى غرور (نعم يااختى انا اكتب على الورقة دى...تؤتؤتؤ لاما كشكول سلك يا اما بلاش وجديد كماااااااااااااان الورقة دى تزاكرى فيها يا ماما لو بتزاكرى اصلا.....)

وهنا تذكرت الراحلة ام كلثوم وصرخت للصبر حدووووود بيدخن

والقيته بعيدا عنى واقسمت نظرا لوقاحته المعهودة فلن اجعل يدى تلمسه ليخط عبثه الدائم الا بعد الامتحانات..........ثم اكملت نومى وتركته غارقا فى دموعه قلمى السفروتى المزعج 76828

والى اللقاء بعد الامتحانات (بس ربنا يستر ومش يبقى ليس زعلان ..بس يستاهل)

[/size]

الله عليكي دلوقت ابتديتي تعملي محاورات مع قلمك هتتجه بحسب ميولك : فكاهية ، فلسفية ، علمية ، دينية.
دلوقت أقدر أتمني لقلمك السفروتي شهرة حمار الحكيم مثلا.
ملحوظة : ليتك تقلين من ذكر "انه قلم سفروتي ماذا سيكتب" هذا انطباع تأكيده يفقدني التسلسل وبس.
شكرا

ع المرور ميرا وامير والتشجيع

وشكرا يا امير ع النصيحة اللى ان شاءالله جارى وضعها فى الحسبان فيما بعد.....
ومااعتقدش ان القلم ده هايشتهر نهايته هاتبقى يا اما الكسر على ايدى ان شاء الله
او استغنى عنه بقلم محترم شوية عنه

اهاااااااااااا
وصلتي
وكتبتي
رغم انك ممنوعة من قِبَلي انك تكتبي لغاية الامتحانات ما تخلص
بس مااااااااشي
حعديهالك بما ان اجازتنا المؤقتة لسة ما خلصتش
ونبدأ معسكر الحفظ للرياااااااضة
بلــــــــيل

نسيت اقول رأيي
المرة دي
بجد
ابدعتـــــــــــــــــــــــي
قلمى السفروتى المزعج Wyzczwgcbb

موضوعك رائع موهوبه فعلا .........

saso_al safrota كتب:: وهنا استلقى ذلك القلم العجيب ضاحكا ورد علي بنفس اللهجة العامية ولكن بسخرية جعلتنى وددت لو ان احطمه وامنع الحبر من الوصول الى سنه فيختنق ويموت ويصمت للابد

المفروض ييكون قلم روترينج عشان تكسرى السنون وترتاحى

شكرا يا برينسيس على تذكيرك ليا بالامتحااااااااااان وماراثون الحفظ اللى ليسا لم ابداه بعد بيبكى

وشكرا ع النصيحة ياابو فرح بس نصيحتك دى مكلفة وهو جاف احسن ممكن بنص جنيه اكسره واجيب غيره
لكن لو روترينج هايتحكم فيا لان مش هااقدر اكسره عشان غالى لان حتى لو شلت السن ممكن يتصرف . تعظيم سلام

..

اقتباس :: وبالطبع عزة نفس قلمى ابت ان اخط كلامه على ورقة بالية واذا به ينظر الى فى غرور (نعم يااختى انا اكتب على الورقة دى...تؤتؤتؤ لاما كشكول سلك يا اما بلاش وجديد كماااااااااااااان الورقة دى تزاكرى فيها يا ماما لو بتزاكرى اصلا.....)

طبعا عزة النفس اللى ما تزول بتاعة القلم دى أول مره أشوفها وحلوه حتة الكشكوك السلك
قلم إبن ناس فعلا!!!!

على فكره أفكار جميلة لو قريتى ليوسف معاطى ممكن تتبلور الموهبه دى لحاجه أجمل
لأنها ساخره بشكل جميل ومش مستفز ومنتظرين مغامرات أخرى مع القلم المزعج
ولا الجزء التانى هيبقى مع القلم الروترنج!!!

يا باش مهندس الزعيم ع المرور

شكرا

يا حبار ع النصايح وفعلا انا بميل لاسلوب يوسف معاطى الساخر
ومعلهش باقى الكتابات هاتبقى مع نفسى قلمى مش هااقدر اغيره...والا هايعمل عليا ثورة بصراحة انا مش قدها

الموضوع رائع جداااااااااااااااااااااااااا

فعلا موهبة فذة

فى انتظار المزيد من المغامرات

ممكن نضعلها عنوان " ساسو و قلمها السفروتى "

يارب يكون القلم ده روترينج رصاص اصلي لو كان قلم جاف ممكن يقطع او يخلص واحنا مش عاوزينه يبطل كتابه
مع تحياتي

انا الحقيقه عاتبة عليك لماذا لم تطيعي رغبة قلمك السفروتي وجعلتينا نحرم من قرأة ابداعه
فعلا يا ساسو سامحك الله

لا لا

ترميناتور ع المرور والتشجيع (شكرا على موهبة فذة دى ) رفعت روح قلمى المعنوية

اما بخصوص وضع عنوان للمواضيع (ساسو وقلمها السفروتى) عاجبنى العنوان وجارى التفكير فى هذا الاقتراح

zeco_egycoo
ع المرور الكريم وماتخافش ده قلم حبره سحرى لن ينفد حبره مادام في نفس وستكون نهايته بنهايتى
تشجيعك اسعدنى لانك شاعر متميز......
شكرا

بنت مصر على مرورك الذى طالما يشرح صدرى ويسعدنى بيقدم ورده

وسوف تجدى القلم يكمل حديثه فى موضوع (راى قلمى المزعج فى البشر) شكرا مرة اخرى ع التشجيع

عندما تأخذنا الاماني الي اماكنها
وتتركنا هناك بلا ونيس
ونبحث ونبحث عن شخص نفضفض اليه
ما نلبث الا ان نضع ايدينا في جيوبنا لنستخرج منها ذلك الرائع
انه القلم لنجلس معه ونحكي له ويحكي لنا
جميل ما خطه قلمك

في انتظار المزيد من ابداعاتك

Nile lover

على الكلام الرائع ده

» راى المزعج (قلمى ) فى البشر!!!!!!!!!
» تخاريف قلمى...عندما كنت صغيرة