أحبك يا (أبيض)!
أخيراً يا (أبيض)، أخيراً حرقت العوازل وكدت العدو، أخيراً هزمت المتربصين وقهرت الحاقدين وحزنت الكارهين، أخيراً وصلت لمكانك الحقيقى، ونلت حقك، واسترجعت مركزك، أخيراً انتصرت واتنصفت ورجعت زى زمان!
بحبك يا (أبيض) وبحب إصرارك وقوتك، وبفضل رجالتك وأبطالك عليت كلمتك، وإنجازاتك وبطولاتك تخرم عين الجبان، وحبنا ليك كبير وقوى مهما طال الزمان، ولو خسرت مرَّة أو فلتت منك مرتين أو اتأخرت أو خيبت معاك فى التنشين، فكلنا متأكدين إنك هترجع تانى واعى وسالم ومتين!
يا (أبيض) كلنا فخورين بيك وبقوتك وعودتك وانتفاضتك انتفاضة أبطال الأساطير، بحبك يا (أبيض) يا أسطورى يا فخر كل المحبين.. أحبك وأتمنى لك السلامة والتوفيق وترفع دايماً راسنا بين الناس، زى ما طول عمرنا متعودين!
والله يا (أبيض) مهما قولنا.. مهما عدنا.. إنت روحى اللى بحبه بحبه بحبه.. سيبك منهم وكمل المسيرة، دى البداية يا بطل، واللى جاى كله أحسن وأجمل وبكرة نعيش أحلى أيام ومش هنلاحق على السعادة والهنا وراحة البال، وكلنا معاك.. كلنا معاك ووراك، مؤيدين ومساندين ومعضدين!
كل التوفيق ليك وبنعيد لك التهنئة: ألف مبروك الأستاذ (صابر الأبيض) الفوز بمقعد عضوية مجلس محلى مدينة (أبو صنبور)، وشكراً يا (أبيض) رفعت رأسنا عالياً بين الجميع، وعقبال البرلمان إن شاء الله!
هـــات !
موضوع: احبك يا ابيض 
الخميس 5 يونيو - 22:48
