أرجو فتح خاصية التعديل في المنتدى

الرجاء اعادةةة فتح خاصية التعدييييل بعد ان تم غلقه بعد عدة أيام

حيث ان غلق خاصية التعدييل قد أغلق أى فرص لتصحيح اخطاء أى مشاركة

خاصة مشاركات الراي ومشاركات الشروحات

ومش معقول حنبعت للمشرف العام او نائب المدير بمدى التعديلات اللى عازيزن نعملها

وانا مستنى أراء الأعضاء ، أرجو التأييد

انا اتفق مع البشمهندس يحيي في هذا الكلام
لان في اعضاء كتيير بيغلطوا في مواضيعهم وممكن يكتشفوا الخطأ بعد مدة ولكن بيلاقوا ان المواضيع لا يمكن تعديلها وبيظطروا انهم يبعثوا لاحد من المشرفين العوام او نواب المدير علشان يعدلوا الخطأ بتاعهم
وانا مش شايفة انه في مشكلة ان تكون خاصية التعديل متاحة طوال الوقت او علي الاقل تغلق بعد شهر وليس بعد يوم او يومين
والله المستعان

هو خاصية التعديل وقفت ليه ؟؟؟ ان شاء الله ترجع قريب لانها مهمه وانا اؤيدك يايحي

ممكن نمد فى فترة التعديل بس مينفعش نلغيها علشان محدش يقول كلام ويرجع فيه
غير كده المفروض أى موضوع ينزل يبقى تمام ويتراجع كويس وفيه فتره بيتم فيها
التعديل وهيا 24 ساعه وأعتقد دى كافيه جدا بس علشان يبقى فيه مساحه برضو
ممكن نخليها يومين وبعد كده يبعت لمشرف القسم أو المشرف العام وإن شاء الله
هما قد المسؤليه.
وشكرا على الاقتراح وبلاش حكاية التأييد دى إحنا مش فى حرب وده مجرد إقتراح قابل
للرفض أو العكس.

جل من لا يسهو

وانا مش شايف ان فيها مشاكل ان الواحد يرجع في كلامه

ما هو مش حيدخله النار يعنى _

ثم انى طالب الخاصية _ عشان انا شايف ان فيه مواضيع لى

السلسلة الموسوعية لخدمة المشرفين _~*¤® الحلقة الأولى §(*§ ثبت موضوع ، اعلان ، تصويت ، احذف مشاركة §*)§®¤*~ˆ°

في قسم المشرفين

وزي

ترتيب الجامعات _ موضوع موسووووعى

في قسم اخبار الكلية

وزي
مالتيميديا مشروع المعامل التخيلية Virtual Lab _ تم اضافة صور هاى كواليتى

في قفسم اخبار الكلية

انا محتاج اصلح فيهم اخطاء حصلت شفتها دلوقتى
وعايز اعيد صياغة الموضوع عشان يبقى بمظهر كويس

فصعب انى افهم مشرف القسم أو المشرف العام عن اللى عايز أعمله في الموضوع

يعنى مالهاش امل غير انى اااخد باسسورد حد مسئول وله صلاحيات
وبعدين الموضوع اللى بيتعمل انا بعمله في 3 ايام عشان انظمه واطلع بالشكل المحترم

زى الموضوع دة
تعلم حصرياً علمياً وفنياً [وفقط في منتدى هندسة اسوان] تكنولوجيا ال electronic boards والتعامل مع ادواتها و تحدى المشاكل

اللى كل مشاركة لىى فيه بااخد فيها 3 أيام
عشان أكتبها بس وأظبطها بالألوان والصور والشغل العالى
بس دة مفيهوش مشاكل لانى مشرف قسم الكورسات الهندسية
انما المشاكل في ياقى الأقسام اللى ماليش اشراف عليها

فياريت يتم فتح الخاصية لانه مش حتأخر ولا تجيب
ومفيش حد حيرجع في كلامه ولا حاجة
احنا كلنا الحمد لله معروفين كلمتنا ثابتة

وبدون تأييد من حد

اقتباس :: فياريت يتم فتح الخاصية لانه مش حتأخر ولا تجيب
ومفيش حد حيرجع في كلامه ولا حاجة
احنا كلنا الحمد لله معروفين كلمتنا ثابتة

وبدون تأييد من حد

ماشى يا ثابت سيتم فتح الخاصية من أجل عيون البشمهندس يحيى وربنا ميجبش مشاكل.

الحبار كتب:: ماشى يا ثابت سيتم فتح الخاصية من أجل عيون البشمهندس يحيى وربنا ميجبش مشاكل.

فضلت وقت كتير افكر مين ثابت ده؟؟!!
وبعدين طلعت المشاركة اللي فوقها وفهمت

انا بقي ما قولتش رأيي
رغم اني شوفت الموضوع من بدري
لاني حاسة ان حكاية منع التعديل دي كانت مهمة
وخصوصا مع نوعية من الاعضاء انا شوفت منهم قبل كده
بس الحمد لله منتدانا ما فهوش ناس بتغير رأيها
كلنا ثابتين
بيضحك2

بس برده خاصية التعديل مهمة للي بيعمل مواضيع بتحتاج تعديل علي اول مشاركة كتير
بدل ما تضيع المعلومات وسط مشاركات الاعضاء
يعني نوع من التنظيم المطلوب برده
نجمه

الحبار كتب:

اقتباس :: فياريت يتم فتح الخاصية لانه مش حتأخر ولا تجيب
ومفيش حد حيرجع في كلامه ولا حاجة
احنا كلنا الحمد لله معروفين كلمتنا ثابتة

وبدون تأييد من حد

ماشى يا ثابت سيتم فتح الخاصية من أجل عيون البشمهندس يحيى وربنا ميجبش مشاكل.

شكراً ليك

والله يرحمه ثابت البطل