مصطلحات سياسيه تودى فى داهيه

البتاع دة هيودينا فى داهية بس معلش

يضحك اوى فمقدرتش امسك نفسى ومنزلوش

تعريفات سياسية جديدة هتودينا فى داهية

وصلتنا من الارهابية المنشقة العميلة

الى استولت على الجروب مع مجموعة من الهاكر و بعتو الميل دة

والادارة بريئة منه

الصديق المرحوم *****

الله يرحمك يا ******

اللهم لا تدبيس

نسيبكم مع المصطلحات

الدستور

هو الشئ الوحيد اللى كلما يتعدل..البلد يتعوج اكتر

المواطنة

ان توطن نفسك على انة مفيش فايدة

خطاب الرئيس

كلام يكتبة شخص ليقراة شخص اخر

على اشخاص يعرفون ان شخصا اخر هو الذى كتبة

لكنهم يصفقون للشخص الذى يقراءة

مجلس الشعب

هو الهيئة التى تساعد الحاكم لكى يجلس على الشعب
التحديث

السياسات الحكومية التى تؤدى الى جعل المواطن يمشى فى ربوع الوطن

وهو يتحدث مع نفسة

التعددية

حرص نظام الحكم على ضمان تعدد الفترات الرئاسية للحاكم

بحيث يستمرفى الحكم حتى يعدد الناس علية

سيناء

شبة جزيرة حررها المصريون بدمائهم

ليمنعوا الاسرائليين من التجول فيها بالملابس العسكرية

ولتسمح لهم اتفاقية كامب ديفيد بالتجول فيها بالمايوهات

قانون الطوارئ

القانون الذي يسمح للحاكم باعتقال من يشاء كلما طرأ ذلك على بالة

العصيان المدنى

خروج المدنيين لاعلان رفضهم لسياسات الحكومة

قبل ان يضربهم الامن المركزى بالعصيان

الصراع الطبقى

صراع الشعب من اجل ازالة الحاكم الذى طبق على نفسة لعشرات السنين

سياسة الإ عتدال

قيام الحاكم بالاعتدال على العرش فى نهاية فترتة الرئاسية

لكى يبدأ فترتة الرئاسية الجديدة

الترشيح

الفلتر الذى لابد من استخدامة للتمكن من عصر خيرات البلاد حتى اخر قطرة

اقرار الذمة المالية

تقديم المسئول الحكومى عند بداية شغل منصبة اقرارا

يؤكد فية ان ذمتة انتقلت الى ذمة الله

الكسب غير المشروع

قيام الحاكم بكسب رزقة من نهب اموال المشروعات الحكومية

من غير ان يركز على مشروع واحد بالذات

التضخم

الحالة التى تصيب الشعب بعد ربع قرن من ضربة على قفاة

العدل

عدل المواطن حتى يأخذ على قفاة بشكل مريح لمن يضربة

السواد الاعظم

هو السواد الذى يشوفة الشعب

الذى يسكت معظم ابنائة على استبداد وفساد حكامة

تطوير التعليم

العمل على جعل كل طالب مصري طور في برسيم.

سياسة التقشف

تجويع الشعب الى ان يتقشف جلدة

اعادة الهيكلة

توفير كل الضمانات الامنية والسياسية لعدم ترك الحاكم لعرش السلطة

الا وهو هيكل عظمى

السيدة الفاضلة

السيدة التى تفضل هى وزوجها فى الحكم لاكثر من ربع قرن

حزب الاغلبية

الحزب الذى يذيقك الغلب والذل وتعيش تحت حكمة اغلب فترات حياتك

الانجازات

المشروعات التى تفتتحها الحكومة ويضخمها اعلامها لحد الناس ما تجيب جاز

العالم التالت

العالم الذى يتم فية توريث الحكم دون ان يجرؤ الشعب على قول تلت التلاتة كام

الانفراد الصحفى

انفراد بلطجية الحكومة بالصحفيات لهتك اعراضهن على سلالم نقابة الصحفيين

النظرية النسبية

النظرية التى ابتكرها اينشتاين

وطبقها شخص اخر بتشكيل الوزارة من مجموعة من النسايب

مصطلحات جامدة جدا جدا جدا
ورغم انها سخرية بس انا متفق معاها كلها بلاشك
شكرا ياقبــطــــــان على الموضوع الأكثر من راااااااااااائع

مصطلحات سياسيه تودى فى داهيه 632320

بعون الله مشرفين كلنا في العنبوكة

لما الدعم الفني يعمل كدا

دا احنا هنركب الملاهي ميري ملكي

انا عموما كلمت مصر للسياحة عشان اتوبيسات نقل الاعضاء للوادي الجديد

وسيتم توزيع فوطة توضع عالقفا للسادة المشرفين
والاعضاء مناديل كلينكس لان الضرب للمشرفين اكتر طبعا

بيضحك2

اقتباس :: انا عموما كلمت مصر للسياحة عشان اتوبيسات نقل الاعضاء للوادي الجديد

طبعا اكيد الكرسى الأمامى بجوار السائق سيكون من نصيب قلب الاسد
الحبـــــــــــــــار
بيضحك2

اقتباس :: طبعا اكيد الكرسى الأمامى بجوار السائق سيكون من نصيب قلب الاسد
الحبـــــــــــــــار

لأ إزاى أنا هقعد على الكبود!!!!

ربنا يستر وشكرا على الموضوع يا بشمهندس
وقولنا بلاش مواضيع سياسه خلاص بقينا سوابق
خلاص تعبنا من المعتقلات اومال فين المشرف اللى
هنا بيجى يحوش.

YAMEN كتب:

لو اي حد اتكلم هأقولهم مختل عقليا:8d1398d4b b: ...ومتقلقش خالص
دي كلمه السر اللي بطلع اي حد من اي مصيبه بتحصل في البلد

أو هأقلهم كده
والله ياباشا ماعرف العيال دى ولا ليا دعوة بيهم ولا عمرى شوفتهم

وده معقول ياباشا اعرف شويه مجانين مهابيل مخابيل ميعرفوش مصلحتهم فين

اشوفكم ان شاء الله ورا الشمس

ادينى جييييييييت ......اغيب يوم واحد الاقى نفسى رايحة الملاهى تاااااااااانى
ياجماعه بتقولو اللى هايروح الملاهى هم المشرفين اومال مشرف القسم نفسه هايروح فين؟؟؟؟؟
وبعدين المشرف ذنبه ايه مع الضغط هايحمل كله ع المدير.......

عموما موضوع رائع يستحق اروح فيه الملاهى مصطلحات سياسيه تودى فى داهيه 344552